မိုင် ၉၀၀ ခရီးစဉ်၏ ၄၂ ရက်မြောက်ခရီး 42nd day of 900 miles for Long March

Crittendent မြို့ကလေးသို့ ရောက်ပြီ
(၄၂) ရက်မြောက်နေ့ (ဇူလိုင်လ ၁၅ ရက်၊ ၂ဝဝ၉)


နံနက် (၈) နာရီခွဲတွင်Lancaster ရွာကလေးနှင့် Lancaster မြို့ကလေးတို့အစပ်မှ စတင်ချီတက်ကြ သည်။ တောနယ် တောလမ်းတို့၏ အသွင်အပြင်များဖြစ်၏။ ကြိုကြားကြိုကြား အိမ်များတွေ့ရသည်။ တချို့နေရာများ တွင် ကွင်းပြင်များ၊ ကိုင်းတောများ၊ မြေလွတ်မြေရိုင်းများဖြစ်၏။ စီးပွားရေးအဆောက်အအုံများကိုလည်း တွေ့ရသည်။ ဤတော ဤနယ်များသည် စီးပွားရေးလုပ်ငန်းများ တည်ရှိသော လမ်းများဖြစ်၏။

(၉)နာရီခွဲတွင် Buffalo-Lancaster Airport ကိုကျော်ဖြတ်သည်။ သေးငယ်လှသော လေဆိပ်ကလေးတခု ဖြစ်သည်။ အဆောက်အဦတချို့နှင့် လေယာဉ်ငယ်လေးများ တန်းစီထားသည်ကိုတွေ့ရသည်။ မည်သို့ဆိုစေ ရွာကလေး မြို့ကလေးများရှိရာနယ်မြေတွင် လေယာဉ်ကွင်းတခုရှသည်ဆိုသည်မှာ မဆိုးလှပါ။ (၁ဝ) နာရီတွင် ခေတ္တနားကြသည်။ များစွာသော နေ့ရက်များတွင် တောဆန်သော လမ်းကြောင်းများကိုလျှောက်တိုင်း ခြောက်ခြောက်ကပ်ကပ် ချီတက်ရသည်များရှိ၏။ ကားအသွားအလာ တစုံတရာရှိသည်ဆိုစေ၊ ကားများမှ လှမ်း၍ဟွန်းတီးလက်ပြ ထောက်ခံအားပေးမှုများရှိသည်ဆိုစေ လမ်းပေါ်တွင် လူကိုယ်တိုင်တွေ့ဆုံ၊ နှုတ်ဆက်၊ မေးမြန်းခြင်းများမရှိလျှင် တိတ်တိတ်ဆိတ်ဆိတ်ဖြင့် ကဆုန်စိုင်းကြရသည်ပင်။

(၁ဝ)နာရီခွဲပြီး (၅)မိနစ်ရှိလျှင် Wende မြို့ကလေး၏ Erie County Commercial Facility ကိုကျော်ဖြတ်သည်။ စီးပွားရေးလုပ်ငန်းအဆောက်အအုံဖြစ်၏။ လမ်း၏လက်ဝဲဘက်တွင် ကျန်းမာရေးနှင့်ဆိုင်သော အဆောက်အအုံရှိသည်။ အမှန်၌ လမ်းတောက်လျှောက်တွင် မြို့ကလေးများ၊ ရွာကလေးများ တော်တော် များများရှိပါသည်။ တခါတရံ အမှတ်မထားမိလျှင် ဆိုင်းဘုတ်ကို မမြင်မိဘဲကျော်သွားတတ်၏။ တနေရမှထွက်၍ တခြားတနေရာ၏ဆိုင်းဘုတ်ကိုတွေ့မှ ရွာကလေးတခုကိုကျော်ဖြတ်ခဲ့မှန်းသိရသည်။

(၁၁)နာရီထိုးပြီး (၅)မိနစ်တွင် Genesee St လမ်းတွင် ခဏနားကြသည်။ ယခုအခါ ရှည်လျားလှသော လမ်းသွယ်အဖြစ်သို့ပြောင်းလဲသွားလေပြီ။ အနီးရှိဆိုင်းဘုတ်သည် Rochester 47 မိုင်ဟုဖေါ်ပြထားသည်။ ကျွန်ုပ်တို့ ဦးတည်ချီတက်နေသောမြို့သို့ တဖြည်းဖြည်းနီးကပ်လာပါပြီ။ (၁၂)နာရီ (၁ဝ)မိနစ်တွင် Crittendent Rd လမ်း၌ မီးပွိုင့်တခုကို ကျော်ဖြတ်သည်။ မကြာတော့သော အချိန်တွင် ယနေ့သတ်မှတ်ထားရာနေရာသို့ ရောက်ရှိတော့မည်ဖြစ်သည်။

(၁၂)နာရီ (၁၅)မိနစ်တွင် E 33 လမ်းမကြီး သို့မဟုတ် Genesee လမ်းတွင် Wood & Brook Sportman's Club Inc. အမည်ရှိ သေနတ်ပစ်သောအားကစားအသင်းတခု၏ ဆိုင်းဘုတ်ရှိရာရှေ့တွင် ယနေ့အဖို့ကို အဆုံး သတ်လိုက်ကြသည်။ မြို့ကလေးမှာ Crittendent မြို့ဖြစ်ပါ၏။

လမ်းလျှောက်ချီတက် ရဲဘော်တဦးတင်ပြသည်။

မိုင် ၉၀၀ ခရီးစဉ်၏ ၄၁ ရက်မြောက်နေ့ 41st day of 900 miles for Long March

Buffalo မြို့မှဆက်လက်၍
ခရီးရှည်ချီတက်ခြင်း (၄၁) ရက်မြောက်နေ့၊ (ဇူလိုင်လ ၁၄ ရက်၊ ၂ဝဝ၉)

နံနက် (၈)နာရီတွင် Buffalo မြို့လည် ကျောက်တိုင်မှစ၍ Broadway လမ်းအတိုင်း ဆက်လက်ချီတက်ကြသည်။ ထိုမှ Sycamore လမ်းသို့ချိုးကွေ့ကာ Walden Ave လမ်းအတိုင်းချီတက်ကြ၏။ တနာရီ လမ်းလျှောက်ကြပြီး လျှင် ခေတ္တနားကြသည်။ ဤနေရာတွင် Sycamore လမ်းအဆုံးသတ်ပြီး Walden Ave အဖြစ်သို့ပြောင်းသွား သည်။ လူနေရပ်ကွက်များကို တဖြည်းဖြည်းကျော်လာလျှင် Walden Ave လမ်းသည် တဖြည်းဖြည်းကြီး၍ လာ၏။ ကျယ်၍လာ၏။ ဟိုင်းဝေးလမ်းကြီးအတိုင်းဖြစ်သည်။ ဆိုင်းဘုတ်တွင် E 90 ကိုညွှန်ပြထားသည်။

ဤလမ်းတလျှောက်သည် Economic Zone များဖြစ်၏။ Shopping Center ရပ်ကွက်များကို ဖြတ်သန်းရင်း (၁ဝ)နာရီ (၂၅)မိနစ်တွင်Chitowaga မြို့ကလေး၏ စည်ကားသောတနေရာတွင် နားကြသည်။ ဤလမ်း ဤနယ်တွင် မြို့ကြီး၊ မြို့ကလေး၊ ရွာကလေးတို့မှာ တသားထဲကဲ့သို့ဖြစ်နေသည်။ အဇဋ္ဋာသည် ပြာစင်လျက်ရှိ၏။ တိမ်ဖြူတို့သည် ဟို၌တဆုပ်၊ သည်၌တဆုပ် စသည်ဖြင့်တည်ကြကုန်၏။ သာယာသောနေ့ပါပေ။

္တWalden Ave လမ်းအတိုင်း ဆက်လက်ချီတက်ရင်း Chitowaga မြို့၊ Twin Fare လမ်းကိုကျော်လျှင် တောစွန်အုံနားသို့ ရုတ်တရက်ပြန်ရောက်သွားသလိုရှိ၏။ ညိုမဲသောကုန်းတံတားတခုအောက်မှ ဝင်ရောက်ရသည်။ ရထားလမ်းတောက်လျှောက်ရှိသည်။ သို့သော် မကြာပါ လူနေအိမ်ခြေများ၊ ရပ်ကွက်များကို ပြန်တွေ့ရသည်။ တချို့နေရာများတွင် ကားရောင်းသောဝင်းများ၊ ကားပြင်ဆိုင်များ၊ ကားပစ္စည်းရောင်းသော ဆိုင်များကို တွေ့ရသည်။

ယနေ့ချီတက်သောလမ်းသည် အထူးသဖြင့် စီးပွားရေးအချက်အခြာနေရာများသာ အများအပြားဖြစ်၏။ တောတောင်တို့ကို သိပ်မတွေ့ပါ။ ရေအိုင်ကြီးဘေးမှ ကပ်လျက်လျှောက်စဉ်ကနှင့်စာလျှင် အလွန်ကွာခြား၏။ အကြောင်းမူ ယနေ့လမ်းသည် မြို့လယ်မှ မြို့ပြင်သို့ထွက်သည်ဆိုသော်လည်း တဖက်တချက်တွင် ကြီးမား ကျယ်ပြန့်သော မြို့ဧရိယာများဖြစ်နေသည်မဟုတ်လော။

ချီတက်ရင်း (၁၂) နာရီထိုးရန် (၁၅) မိနစ်အလိုတွင်Village of Lancaster ဆိုင်းဘုတ်ကိုမြင်ရသည်။ (၅) မိနစ် ဆက်လျှောက်လျှင် Town of Lancaster ဆိုင်းဘုတ်ကို တွေ့ရသည်။ နေ့လည် (၁၂) နာရီတွင် ယနေ့ သတ်မှတ်ထားသော Central Ave လမ်း၌ ယနေ့အဖို့ ခရီးစဉ်ပြီးဆုံးသည်။ ကျွန်ုပ်တို့ရပ်နားရာနေရာသည် Village of Lancaster ရွာကလေးနှင့်Town of Lancaster မြို့ကလေးကို ခြားနားထားရာ Walden Ave လမ်းပေါ်တွင်ဖြစ်သည်။ ဤလမ်းသည်ရှည်လျားလှပါဘိ။

လမ်းလျှောက်ချီတက်ရဲဘော်တဦးတင်ပြသည်။
သဗ္ဗေ ဝေနေယျာ သုခိ အတ္တာနံ ပရိဟ ရ န္တု။

မိုင် ၉၀၀ ခရီးစဉ်၏ ၄၀ ရက်မြောက် ခရီး 900 miles for Long March

ငြိမ်းချမ်းရေးခရီးရှည်ချီတက်ခြင်း၊ ရက် (၄ဝ)မြောက် (ဇူလိုင်လ ၁၂ ရက်၊ ၂ဝဝ၉)
မိုင်ပေါင်း (၄ဝဝ) နှင့်အတူ ကျွန်ုပ်တို့ Buffalo မြို့သို့ရောက်ရှိ
သံဃာ့တပ်ပေါင်းစု (ပြည်ပ)တာဝန်ခံ ဦးပညာဇောတ လာရောက်ချီတက်

ဒီနေ့မနက် (၁ဝ) နာရီမထိုးမီ (၁ဝ)မိနစ်အလိုတွင် ယမန်နေ့ရပ်နားခဲ့သောနေရာမှ တနေ့တာချီတက်ခြင်းကို စတင်လိုက်ကြလေသည်။ ယနေ့အဖို့ ရာသီဥတုသည် မိုးတိမ်ကင်းစင်နေသည့်အတွက် လှပသာယာ လျက်ရှိသော နေရောင်ခြည်အောက်တွင် သက်တောင့်သက်သာစွာ လျှောက်လှမ်း ချီတက်နေရပေသည်။

ချီတက်ပြီး (၅)မိနစ်ခန့်အချိန်တွင် (၁) ရက်တာမျှ မမြင်တွေ့ရသော Erie ရေအိုင်ကြီးသည် ကျွန်ုပ်တို့ မျက်စိ အောက်သို့ ဘွားကနဲပေါ်လာပြန်သည်။ ဤရေအိုင်ကြီး၏ကမ်းနံဘေး လမ်းတလျှောက် ရေဆိပ်ငယ်များတချို့ တွေ့ရှိရပေသည်။ Hamburg မြို့၏ အလှအပကိုလည်း မြင်တွေ့ရ၏။ ကျွန်ုပ်တို့ကုန်းမြင့်ပေါ်မှချီတက်နေရသော အနေအထားဖြစ်သည့်အတွက် ငါးမိုင်ခန့်သာဝေးတော့သည့် Buffalo မြို့၏ သာယာလှပသော ရေဆိပ်ကမ်းနှင့် အတူ မြို့လယ်အဆောက်အဦမြင့်မြင့်တိုက်ကြီးများ၊ ရေအိုင်ထိပ်တနေရာမှ လေအားဖြင့်လျှပ်စစ်ထုတ်လုပ်သော ပန်ကာကြီးများ၊ စိမ်းပြာလဲ့လဲ့ရေပြင်ကျယ်ကြီးတွင် များပြားလှသောအပျော်စီးမော်တော်ဘုတ်များ၊ စသည့် ရှုမျှော်ခင်းလှလှလေးတွေကို လှမ်း၍မြင်ရသဖြင့် ကျွန်ုပ်၏စိတ်အစဉ်သည် မြန်မာပြည် မွန်ပြည်နယ်၊ မော်လမြိုင်မြို့၊ ကမ်းနားလမ်း ဆိပ်ကမ်းများရောက်သွားသကဲ့သို့ပင်ထင်ရလေ၏။

ဤသို့စိတ်ကူးယဉ်နေစဉ် Buffalo မြို့မှ ဖုန်းတလုံးဝင်လာလေသည်။ ရဲဘော်တို့ ဘယ်ရောက်နေကြပြီလဲ တဲ့၊ ယူတီကာမြို့မှ ဆရာတော်ဦးပညာဇောတနှင့် ကျနော်တို့ချီတက်ဘို့ အခုလာနေပြီ အသံကြားတော့မှ စိတ်ကူးယဉ်အတွေးကို ဖြတ်လိုက်ရသည်။

သြော် အမိမြန်မာပြည်ပြန်ရောက်သွားလို့မဖြစ်သေး။ အပြီးသတ်အောင်ပွဲအတွက် ကျွန်ုပ် တိုက်ပွဲဆက်ရဦးမယ် မဟုတ်လား။ (၁ဝ)မိနစ်ခန့်အကြာ အနီရောင်ကားတစီးမှ ဟွန်းတီး၍အချက်ပေးသဖြင့် ကြည်လိုက်ရာ ဆရာတော်နှင့်အတူ Buffalo မြို့မှ လူငယ် (၆) ဦးကို လိုက်ပို့ပေးသူ မောင်စိန်တို့ရောက်ရှိလာကြလေ၏။ ၎င်းတို့ အုပ်စုနှင့်အတူ ရေဆိပ်ကမ်းနံဘေးမှ ကျွန်ုပ်တို့ဆက်လက်ချီတက်ကြလေသည်။ ဤနေရာသည် Buffalo မြို့ရောက်ရန် (၄)မိုင်ခန့်ဝေးသည့်နေရာဖြစ်သည်။

ချီတက်နေကျဖြစ်သော ကျွန်ုပ်တို့အဖွဲ့မှ ရဲဘော်ကြီးကျော်ရှိန်က မိုင်ပေါင်း (၉ဝဝ)ငြိမ်းချမ်းရေးချီတက်ပွဲ ဆိုင်းဘုတ်လည်မှာဆွဲ၊ ကုလသမဂ္ဂအလံတော်ထမ်းကာ ရှေ့ပြေးချီတက်၏။ ထို့နောက် ထိပ်ဆုံးမှ ဦးဆောင်ချီတက်သူမှာ ဦးပညာဇောတဖြစ်သည်။ ဦးပညာဇောတသည် မြန်မာပြည်တွင်း၌ နိုင်ငံရေးပြစ်မှုနှင့် စစ်အုပ်စုတို့ မတရားဖမ်းဆီးခြင်းကို (၃)ကြိမ်ခံရဘူးသူဖြစ်သည်။ မြန်မာပြည်တွင် (၂ဝဝ၇) ခုနှစ်၊ စက်တင်ဘာ လ (၂၇)ရက်နေ့၌ ပေါ်ပေါက်ခဲ့သော၊ ကမ္ဘာ့နိုင်ငံအသီးသီးကပင် ရွှေဝါရောင်တော်လှန်ရေးဟုပင် တင်စား ခေါ်ဝေါ်အမည်တွင်ခဲ့ရသော ရွှေဝါရောင်တော်လှန်ရေးကြီး ပေါ်ပေါက်လာစေရန်အတွက်၊ လျှို့ဝှက်စွာစည်းရုံး ဦးဆောင်ခဲ့သူ၊ သံဃာ့တပ်ပေါင်းစုကြီး၏ ထိပ်တန်းခေါင်းဆောင်တပါးဖြစ်၏။

(၂ဝဝ၈) ခုနှစ်တွင် USA သို့ရောက်ရှိလာပြီး၊ နယူးယောက်ပြည်နယ်၊ ယူတီကာမြို့ရွှေဝါရောင်ကျောင်းတိုက်တွင် သီတင်းသုံးနေထိုင်ရင်း သံဃာ့တပ်ပေါင်းစု (ပြည်ပ)တာဝန်ခံအဖြစ် တာဝန်ယူလုပ်ကိုင်နေသူ ဆရာတော် တပါး ဖြစ်၏။

၎င်းနောက် ရဲဘော်ကြီး၊ မောင်တင်ထွန်း၊ ၀ဏဇော်၊ ဝဏအောင်၊ ဇော်မင်း၊ ကိုဝဏ၊ Buffalo မှ ဒီမိုကရေစီ အင်အား စုများည် ခွပ်ဒေါင်းအလံ၊ NLD အလံ၊ ကြယ်ငါးပွင့်အလံ၊ US အလံ၊ သာသနာ့အလံများ ထမ်း၍ လည်ပင်း၌ ဒေါ်အောင်ဆန်းစုကြည်လွတ်မြောက်ရေး FREE AUNG SAN SU KYI ၍ စာတမ်းပါ ပိုစတာများ၊ ချိတ်ဆွဲကာ ချီတက်ကြ၏။ မြို့လယ်သို့မရောက်မီ (၂)မိုင်ခန့်အကွာတွင် နောက်ထပ်ကားနှင့်လိုက်လာသော ကိုကျော်နိုင်၊ ကိုသန်းစိုးတို့ အဖွဲ့သည် Buffalo မြို့မှ ကြိုဆိုပါ၏ ဆိုင်းဘုတ်ကိုကိုင်၍ လာရောက်ကြိုဆိုကြ၏။ ၎င်းနောက် သူတို့အဖွဲ့သည်လည်း ပူးပေါင်းအင်အားဖြည့်ချီတက်ကြလေသည်။ သတ်မှတ်ထားသည့် မြို့လယ်ကျောက်တိုင် Washington လမ်းနှင့် Clinton လမ်းဆုံရာသို့ နေ့လည် (၃)နာရီ (၁ဝ)မိနစ်တွင်ရောက်ရှိ သွားကြ၏။ ၎င်းနေရာတွင်လည်း ရန်နိုင်စိုးနှင့် အဖွဲ့တို့သည် Welcome to Buffalo ဆိုင်းဘုတ်ကို ကိုင်ဆောင်၍ အသင့်ကြိုဆိုနေကြပြန်သည်။ ကိုကျော်ဝဏတို့အဖွဲ့မှလည်းထပ်မံရောက်ရှိလာပါသည်။

ရောက်ပြီး(၁ဝ)မိနစ်အကြာ မနက်စာထမင်းစားကြလေ၏။ စားသောက်နေစဉ် Buffalo TV Channel 7 မှ သတင်းဌာနမှ ရောက်ရှိလာပြီး ရဲဘ်ာမင်းဆွေဦးနှင့် အင်တာဗျူးလုပ်ခြင်း၊ ကျွန်ုပ်တို့မှ FREE AUNG SAN SU KYI, FREE BURMA ကြွေးကြော်ကြပြီး City Hall ရှေ့ရှိ အထိမ်းအမှတ်ကျောက်တိုင်ကို တပတ် စီတန်း လှည့်လည်ကြ၏။ အမှတ်တရဓါတ်ပုံရိုက်ကြ၏။ ထုံးစံအတိုင်း မြန်မာပြည်နှင့်ဒေါ်အောင်ဆန်းစုကြည် အမြန်ဆုံးလွတ်မြောက်ပါစေ၊ မြန်မာ့ဒီမိုကရေစီအရေးတော်ပုံ အမြန်ဆုံးအောင်မြင်ပါစေဟု လက်ချင်းယှက်ဝိုင်း ဖွဲ့ဆုတောင်းကြပြီး တနေ့တာချီတက်လှုပ်ရှားခြင်းကို ရုပ်သိမ်းလိုက်ကြလေသည်။ နောက်ကျမှ ရောက်ရှိလာသည့် မဝေ၊ မသီသီညွန့် တို့လေးဦး လာရောက်အားပေးသွားကြသည်။

လမ်းလျှောက်ချီတက်ရဲဘော်တဦးတင်ပြသည်။

မိုင် ၉၀၀ ခရီးစဉ်၏ ၃၉ ရက်မြောက် နေ့ 39th day of 900 miles for Long March

မိုးထဲရေထဲချီတက်ဆဲ
(၃၉) ရက်မြောက် (ဇူလိုင် ၁၁၊၂ဝဝ၉)

နံနက် (၈) နာရီ (၁ဝ)မိနစ်တွင် ခရီးစဉ်ကို စတင်လိုက်ကြသည်။ ရာသီဥတုသည်မှိုင်းမှုန်ပြာရီနေ၏။ အကယ်၍ မိုးမရွာခဲ့ပါက လမ်းလျှောက်၍ ကောင်းမည့် အနေအထားဖြစ်သည်။ မနေ့က နေအကြီးအကျယ်ပူပြီးပြီ။ စတင်ချီတက်၍ (၅) မိနစ်ပင်ရှိသေး၏။ အဖွားကြီးတဦးသည် ကျွန်ုပ်တို့ချီတက်ရာ လမ်းရှေ့တွင် ကားဖြင့် ရပ်စောင့်နေ၏။ ကြိုဆိုနှုတ်ဆက်ပြီးလျှင် မနက်စာကျွေးရန်ကမ်းလှမ်း၏။ (၅) မိုင်လျှောက်ပြီးလျှင် ခဏနားကြ မည်ဟုဆိုရာ တယောက်ယောက်ကို ကျွန်ုပ်တို့ထံစေလွှတ်လိုက်မည်ဆို၏။

နာရီဝက်ခန့်ချီတက်လျှင် အဖိုးကြီးတဦးနှင့် အဖွားကြီးတဦးတို့သည် ကားကိုယ်စီဖြင့် ရပ်စောင့်နေကြသည်။ အဖိုးကြီးက သောက်ရေဗူးများပေး၏။ လက်ကမ်းစာစောင်များကို ဝေငှလိုက်သည်။ ဆက်လက်ချီတက်လာရာ စောစောကအဖွားကြီးသည် ကားပြန်ကွေ့၍လိုက်လာပြီးလျှင် မနက်စာအတွက် ငွေလှူဒါန်းပါသည်။ ဤကဲ့သို့လှူဒါန်းမှုများသည် တချို့နေ့များ၌ တချို့နေရာများတွင် ကြုံရသည်။ ငါးကျပ် တဆယ် နှစ်ဆယ် စသည်ဖြင့် လှူကြပါသည်။

စထွက်ကတည်းကပင် မှိုင်းညို့နေသောကောင်းကင်သည် မိုးတဖွဲဖွဲရွာလာသည်ဖြစ်ရာ တဖြည်းဖြည်း သည်း၍လာ၏။ မိုးနေ့တနေ့ဖြစ်တော့၏။ ယမန်နေ့က အပူရှိန်မြင့်ခဲ့သမျှအတွက် Erie အိုင်ကြီးသည် အခိုးအငွေ့ ပျံကာ ယနေ့တွင်ဇူလိုင်မိုးအဖြစ် ရွာသွန်းနေပါ၏။ ဆက်လက်၍ချီတက်လာရာ Village of Farhan ရွာကလေး ကိုကျော်ဖြတ်သည်။ ထိုသို့မိုးရွာသောနေ့တွင် တောတောင်လမ်းကို လျှောက်ရသည်မှာ အမေနှင့်ရွာကို လွမ်းရမည်လော။ မလွမ်းနိုင်ပါ။ ရေစိုသောခွပ်ဒေါင်းအလံသည် လေးလံ၍လာ၏။ တချက်တချက်တွင် တဖြတ်ဖြတ်တော့ ခတ်ပါသေး၏။ ခွပ်ဒေါင်းသည် ရေစိုသော်လည်း ခွပ်နိုင်ပါသေးသည်။

သို့ဖြင့်ချီတက်ရင်း Town of Byrant ဆိုင်းဘုတ်ကိုကျော်လွန်သည်။ မိုးသည်သူ့အလုပ်ကို သူလုပ်သည်။ ကျွန်ုပ်တို့ကလည်း ကျွန်ုပ်တို့အလုပ်ကို ဆောင်ရွက်ကြသည်။ Town of Evans သို့ဝင်ရောက်လာကြသည်။ (၁ဝ)နာရီခွဲရန် (၅)မိနစ်အလိုတွင် ခေတ္တနားကြသည်။ (၁ဝ)မိနစ်နားပြီးဆက်လျှောက်ကြ၏။ မီးပွိုင့်တခုကို ကျော်ရာ အဖိုးကြီးတဦးသည် ကားပေါ်မှနေ၍ ပိုက်ဆံလှမ်းလှူသည်။ မိုးရေထဲတွင် အလံများဖြင့် ချီတက်နေသည်မှာ ထူးဆန်းသော သတ္တဝါများ ဖြစ်နေပုံရသည်။

မိုးသည် ခေတ္တရပ်ဆိုင်းသွား၏။ ဤာကာသည် မှိုင်းညို့ဆဲ။ (၁၁)နာရီခွဲပြီး (၅)မိနစ်တွင် ခဏနားကြသည်။ ခဏရပ်သွားသောမိုးသည် တဖန်ရွာပြန်၏။ မိနစ် (၂ဝ)ခန့်လျှောက်မိလျှင် ရှည်လျားသော Shopping Center ဖြတ်လျှောက်ရသည်။ မြို့လေး၏ အချက်အခြာနေရာဖြစ်နိုင်သည်။ ရွှဲစိုနေသော ကျွန်ုပ်တို့ကို ကားများမှ အထူးအားပေးနှုတ်ဆက်ကြသည်။

(၁)နာရီထိုးရန် (၁ဝ) မိနစ်အလိုတွင်Welcome to the Town of Hamburg ဆိုင်းဘုတ်ကို လှမ်းတွေ့လိုက်ရသည်။ ကမ်းစပ်တကြောရှိ လမ်းကြောင်းကြီးတွင် မြို့ကလေးပေါင်းများလှစွာ၏။ နေ့လည် (၂)နာရီအချိန်တွင် Wanakah လမ်းကိုကျော်လွန်လျှင် ယနေ့ခရီးစဉ်ကို ရပ်ဆိုင်းလိုက်ကြသည်။ ဤအချိန်တွင် ကောင်းကင်သည် ပကတိကြည်လင်သွားပြီးလျှင် နေလည်းသာလာပါ၏။ တနေ့လုံးရွာခဲ့သောမိုးသည် ယခုအခါ သူနှင့်မည်သို့မျှ မသတ်သက်သယောင်ပင်။

လမ်းလျှောက်ချီတက်ရဲဘော်တဦးတင်ပြသည်။

မိုင် ၉၀၀ ခရီးစဉ်၏ ၃၈ ရက်မြောက်နေ့ ခရီးစဉ် 38th day of 900 miles for Long March

Hanover မြို့ကလေးသို့ ဝင်ရောက်ခြင်း
(၃ဂ)ရက်မြောက်နေ့ (ဇူလိုင်လ ၁ဝ ရက်၊ ၂ဝဝ၉)

မနေ့ကရပ်နားခဲ့သောMoniuszko Club ဘေးမှ နံနက် (၁ဝ) နာရီ (၁ဝ)မိနစ်တွင်ခရီးစဉ်ကို စတင်လိုက်ကြ သည်။ နေပူသောနေ့ဖြစ်၏။ Buffalo မြို့သို့ဦးတည်၍ E 5 လမ်းအတိုင်းချီတက်ကြသည်။ ဤလမ်းသည်ပင် ဖြစ်၏။ အလံတလူလူဖြင့် ထုံးစံအတိုင်း ချီတက်ရင်း မြို့ဧရိယာကို ကျော်ဖြတ်ကြသည်။

နံနက် (၁ဝ)နာရီ (၄ဝ)မိနစ်တွင်Town of Sheridan ဆိုင်းဘုတ်ကိုလှမ်းမြင်ရသည်။ Erie ရေအိုင်၏ ကမ်းတလျှောက် မြို့ကလေးပေါင်းများစွာရှိ၏။ တောင်ကုန်းများကို တက်လိုက်ဆင်းလိုက်ဖြင့် တဖြည်းဖြည်းတောနယ်သို့ ရောက်ရှိလာသည်။ ကြိုကြားကြိုကြားသာ အိမ်ကလေးများကိ တွေ့ရသည်။ နေကလည်းတဖြည်းဖြည်းပူလာသည်။ တချို့အိမ်များမှ လှမ်း၍မေးမြန်းနှုတ်ဆက်ကြသည်။ အပြင်ထွက်၍ပင် မသင့်သော အပူရှိန်ရှိ၏။

(၁၁)နာရီ (၁၅)မိနစ်တွင် ခေတ္တနားကြသည်။ တောလမ်းသို့တဖန်ရောက်လာ၏။ တဖက်တွင် ရေအိုင်ကြီးသည် တွေ့ရလိုက်၊ တောထူရာတွင် ပျောက်သွားလိုက်ဖြင့်ရှိ၏။ ကားအသွားအလာများလည်း သိပ်မတွေ့ရပါ။ တခါတရံတောလမ်းများတွင် တိတ်တဆိတ်ချီတက်နေသကဲ့သို့ရှိ၏။ နေ့တိုင်းလေပြေတိုက်ချင်မှတိုက်မည်။ အရိပ်ရှိချင်မှရှိမည်။ ကုန်းခေါင်ခေါင်တွင် နေပူပူအောက်၌ သံစဉ်မရှိ၊ ကာရန်မရှိ ချီတက်ချင် ချီတက်နေရလိမ့်မည်။ မျက်စိတဆုံးတူရူတွင် တောင်ကုန်းအတက်အဆင်းလမ်းသည် တခါတရံ မှတ်၍ထောင်တက်သွားပြီးလျှင် ကောင်းကင်နှင်ညိနေသည်ထင်ရ၏။

သို့ဖြင့် အထီးကျန် ကန္တာနေပူနေ့ကလေးတွင် ခတ်မဆိတ်လျှောက်လှမ်းနေကြ၏။ (၁၂)နာရီ (၁၅) မိနစ်တွင်တကြိမ်နားကြသည်။ ရေအိုင်စပ် သဲသောင်သို့ဆင်း၍ နေ့လည်စာ အဆာပြေစားကြသည်။ ပြာလွင်သောရေပြင်သည် ပင်လယ်ကဲ့သို့ရှိ၏။ တခြားသောအချိန်များတွင်ဆိုလျှင် ပျော်ပွဲစားထွက်ရန် သင့်တော်သောနေရာဖြစ်၏။ သဲသောင်တွင် နေ့လည်စာ စားနေစဉ် ရေကူးရာမ်ှတက်လာသော လူကြီးတဉ်ီးရောက်လာသည်။ နှုတ်ဆက်သည်။ စကားစမြည်ပြောဆိုသည်။ ကျွန်ုပ်တို့ကိုလည်း ရင်းနှီးဟန်သဘောကိုပြသည်။ သူ၏သားသည် တရုတ်ပြည်၊ ရှန်ဟိုင်းတွင် အင်္ဂလိပ်စာဆရာဖြစ်နေသည်ဆို၏။ ကျွန်ုပ်တို့ ကျော်ဖြတ်ခဲ့ရာ (၁ဝ)မိုင်ဝေးသော တောမြို့ကလေးမှနေ၍ ဤနေရာတွင်ရေလာကူးခြင်းဖြစ်သည်။

စားသောက်ပြီးနောက်ဆက်လက်ချီတက်ကြသည်။ ပူပြင်းလှသောနေ့လည် (၁)နာရီခွဲတွင် ငွေချောင်ကြား (Silver Creek) ရွာကလေးသို့ဝင်ရောက်သည်။ ငွေချောင်ဖြစ်စေ၊ ရွှေချောင်ဖြစ်စေ မည်သို့မျှ ကဗျာမဖွဲ့ဆိုနိုင်တော့ပါ။ အကြောင်းမူ ပင်ပန်းသဖြင့် လျှာထွက်ချင်နေပြီဖြစ်သည်။ သို့သော်ပတ်ဝန်းကျင်အခြေအနေကို နည်းနည်းတော့ သတိပြုမိပါသေး၏။ ဤရွာကလေးသည် ရွာဆိုသော်လည်း မြို့စတိုင်ဖြစ်၏။ ကုန်းအတက်အဆင်းများလှသည်။ (၂)နာရီထိုးရန် (၁ဝ)မိနစ်အလိုတွင် ခေတ္တနားကြသည်။ ယနေ့တွင် စိပ်စိပ်နားကြရသည်။ မနားဘဲတောက်လျှောက် မိုင်များအောင်မလျှောက်နိုင်ပါ။

ညနေ (၃)နာရီထိုးလျှင် ကုန်းတံတားကြီးတခုအောက် အရိပ်ရှိသည်ဖြစ်ရာ ခေတ္တနားကြသည်။ မနား၍မဖြစ်တော့ပေ။ တလမ်းလုံး ရေတစွပ်စွပ်သောက်လာသော်လည်း ပင်ပန်းမပြေနိုင်ပါ။ ရဲဘော်မင်းဆွေဦးက သစ်သီးများဝယ်လာသည်။ သိပ်မစားနိုင်ပါ။ အနီးရှိဓာတ်ဆီဆိုင်မှ အအေးနှင့် ရေဗူးများထပ်ဝယ်ရ၏။ ယနေ့အဖို့ မိုင်များများလျှောက်မည်ဟု အစီအစဉ်ရှိသော်လည်း မများနိုင်တော့ပါ။ (၃)နာရီ (၂ဝ)မိနစ်တွင် သံတံတားကြီးတခု၏ အလွန်၌ ရပ်ဆိုင်းလိုက်ကြသည်။ ဤတံတားရှိသော လမ်းကို Disable Veteran Memory Highway ဟုဆိုင်းဘုတ်ရေးထား၏။ ယနေ့အဖို့ကို Hanover မြို့ကလေး၏ Chautauqua County အတွင်း ခရီးစဉ် ရပ်ဆိုင်းခြင်းဖြစ်သည်။

လမ်းလျှောက်ချီတက်ရဲဘော်တဦးတင်ပြသည်။

မိုင် ၉၀၀ ခရီးစဉ်၏ ၃၇ ရက်မြောက်နေ့ 37th day of 900 miles for Long March

Dunkirk City ကိုကျော်ဖြတ်ခြင်းနှင့် Blogger ကိုရဲရင့်ငယ် လာအားပေးခြင်း
(၃၇)ရက်မြောက်နေ့ (ဇူလိုင်လ ၉ ရက်၊ ၂ဝဝ၉)

နံနက် (၁ဝ)နာရီ (၁ဝ)မိနစ်တွင် စတင်ချီတက်ကြသည်။ နေပူသောနေ့ဖြစ်၏။ တောလမ်းဖြစ်သည်။ ကားအသွားအလာကျဲ၏။ အိမ်များကို တောင်တလုံးအိမ်တဆောင်တွေ့ရသည်။ ကားသွားအလာကျဲသဖြင့် နှုတ်ဆက်သူများလည်း ကျဲပါးသည်။ ယနေ့စထွက်သည့်နေရာမှ Buffalo မြို့သို့ ၄၈ မိုင်ဟု လမ်းဘေး ဆိုင်းဘုတ်က ဖေါ်ပြသည်။ ၎င်းဆိုင်းဘုတ်များသည် ကားလမ်းကိုဖေါ်ပြသည်ဖြစ်ရာ တချို့နေရာများတွင် ကောက်ကွေ့၍လမ်းခွဲများရှိနေလျှင် ကျွန်ုပ်တို့လျှောက်သော လိုကယ်လမ်းတွင် ဆိုင်းဘုတ်ပျောက်၍ ပျောက်၍သွားတတ်၏။

မနက်ပိုင်းတပိုင်းလုံးကို ကျဲပါးသောဤအနေအထားအတိုင်း လျှောက်ရင်း (၅)မိုင်အရောက်တွင် ထင်းရူးတော တခု၌ ခေတ္တနားကြသည်။ နေ့လည် ၁၂ နာရီတွင်ဆက်လက်ထွက်ခွာသည်။ နေသည် ပူ၍ပူ၍လာ၏။ ဒေါင်းစကြာသည် ကျွန်ုပ်တို့၏ ဦးခေါင်းထိပ်တည့်တည့်မှနေ၍ အပူနှင့်အလင်းကိုဆောင်ကာ ဒေါင်းအလံကိုစောင့်ကြည့်နေ၏။ ကုလသမဂ္ဂအလံကိုမူ စောင့်ကြည့်နေမည်မထင်မိပါ။ အကြောင်းမူ ဘန်ကီမွန်းသည် မြန်မာပြည်သွား၍ လက်ချည်းဗလာပြန်လာပြီးနောက် တောင်စဉ်ရေမရ ပြောနေသော ကြောင့်တည်း။ အမှန်တွင် ကျွန်ုပ်တို့နှင့်အတူလမ်းလာလျှောက်ရမည်ဖြစ်သည်။ ဒေါ်အောင်ဆန်းစုကြည် လွတ်မြောက်ရေး ဒို့အရေး ဒို့အရေးဟု ကျွန်ုပ်တို့အော်သကဲ့သို့ အော်နေရလျှင် သူလည်းဆန္ဒပြသူဘဝမှ လွတ်မြောက်မည်မဟုတ်။ ခမြာမှာ သနားစရာပါ။

အရိပ်ကိုလိုသဖြင့် နေပူတွင် ကဆုန်စိုင်းကြသည်။ E 5 လမ်းမအတိုင်း Van Burin Point ကိုကျော်ပြီးနောက် နေ့လည် (၁)နာရီတွင် အရိပ်ရှိရာ၌နား၍ အဆာပြေနေ့လည်စာစားကြသည်။ စားသောက်ပြီး၍ ထွက်ခွာခါနီးတွင် အမျိုးသမီးတဦးရောက်လာသည်။ အကျိုးအကြောင်းစုံစမ်းရန်ဖြစ်၏။ ကျွန်ုပ်တို့သည် ၎င်းပိုင်သောနေရာတွင် နားနေခြင်းဖြစ်ပါတည်း။ စာရွက်စာတမ်းများပေးပြီး၊ ရှင်းပြပြီးနောက် လက်မှတ်ထိုးပေးလိုက်ပါသည်။ ဆက်လက်နားနေချင်ပါက နားနိုင်ပါသည်ဟုဆို၏။ (၁)နာရီခွဲပြီး (၅)မိနစ်တွင် ဆက်လျှောက်ကြသည်။ (၂)နာရီထိုးရန် (၁ဝ) မိနစ်အလိုတွင် လမ်းဘေးဆိုင်းဘုတ်၌ Town of Dunkirk ဟု ဖေါ်ပြထားသည်။ (၃)မိုင်လျှောက်ပြီး ခဏနားကြသည်။ ယခုအခါနေသည် ပူလှ၏။ သို့ဖြင့်ဆက်၍ချီတက်လာရာ Welcome to the City of Dunkirk ဆိုင်းဘုတ်ကိုတွေ့ရ၏။ Dunkirk မြို့သို့ဝင်ရောက်ပြီ။

မဆိုးလှသောမြို့ဖြစ်သည်။ ရေအိုင်ကမ်းကြော လမ်းတလျှောက်သာတွေ့ရခြင်းဖြစ်သည်။ အတွင်းသို့ဝင်သောလမ်းများစွာရှိ၏။ အတွင်းပိုင်း မြို့အခြေအနေကိုမူ မသိရပါ။ တည်းခိုခန်းများ၊ အပန်းဖြေစခန်းများကို တွေ့ရသည်။ မြို့တွင်းဝင်ပြီး နာရီဝက်ခန့်ဆက်လျှောက်ရာLake Shore လမ်းတွင် အမျိုးသမီးတဦးနှင့် တွေ့ဆုံသည်။ မြန်မာပြည်အကြောင်းများပြောဆိုပြီးနောက် ကုလသမဂ္ဂထံတင်ပြမည့် စာတွင် လက်မှတ်ထိုးပေးလေ၏။ Lake Shore လမ်းသည် အလွန်ရှည်လျားသောလမ်းဖြစ်၏။ (၃)နာရီခွဲတွင် ကနေဒါနိုင်င၊ံ Toranto မြို့မှ မိတ်ဆွေများ လမ်းလာလျှောက်မည့်အကြောင်း ဆရာတော်ဦးနန္ဒဝံသ ထံမှ ဖုန်းဆက်လာသည်။ ထိုကြောင့် Lake Shore လမ်းနှင့် Deer လမ်းဆုံရာတွင် စောင့်ဆိုင်းနေကြသည်။ အမှန်၌ ခရီးစဉ်မှာ ဤနေရာတွင် ပြီးဆုံးနေပြီဖြစ်သည်။

(၁၅) မိနစ်ခန့်အကြာတွင် အနီးရှိ Tim Hartons မုန့်ဆိုင်မှ ဆိုင်ရှင်အမျိုးသမီးရောက်လာပါသည်။ Pennsylvenia ပြည်နယ်၊ Erie မြို့၏ TV Channel 35 တွင် ကျွန်ုပ်တို့လမ်းလျှောက်သည့်သတင်း သူမ ကြည့်ရ ကြောင်းကို ပြောပြသည်။ ရေ သို့မဟုတ် အအေး သို့မဟုတ် စားစရာတခုခုလိုအပ်ပါသလားဟု မေးမြန်းပါသည်။ သူမ၏အမည်မှာ Gina Kron ဖြစ်သည်။ လက်မှတ်ထိုးပေးသည်။ စားစရာနှင့် ရေဗူးများလှူဒါန်းသည်။ အမှတ်တရ ဓာတ်ပုံရိုက်သည်။ လိုအပ်သည်များရှိလျှင် ဆိုင်ထဲလာခဲ့ပါဟု ကမ်းလှမ်းသည်။

ထိုစဉ် စက်ဘီးစီးအမျိုးသမီးတဦးရောက်လာပြီး မေးမြန်းစုံစမ်းသည်။ စိတ်ဝင်စားစွာပြောဆိုပြီးနောက် လက်မှတ်ထိုးပေးသည်။ ခရီးစဉ်ပြီးဆုံးသော်လည်း စောင့်ဆိုင်းရသောအကျိုးဖြစ်၏။ လမ်းလျှောက်ရင်း ရှောင်တခင် စာရွက်ဝေရခြင်းများစွာရှိ၏။ ခဏအကြာတွင် အမျိုးသားတဦးရောက်လာပါသည်။ မြန်မာပြည်အကြောင်းမေးမြန်းပြောဆို၏။ လက်မှတ်ထိုးပေး၏။ စောင့်ဆိုင်းရင်း လူ (၃)ဦး လက်မှတ်ထိုးပြီး ဖြစ်သွားသည်။

ကနေဒါမှ မိတ်ဆွေနှင့် လိုက်လံပို့ဆောင်သူ ဆရာတော်ဦးနန္ဒဝံသတို့ ရောက်လာပါသည်။ ထိုမိတ်ဆွေ၏အမည်မှာ ကိုစိုးစိုးခေါ် ရဲရင့်ငယ် ဖြစ်သည်။ မြန်မာပြည်အကြောင်း Blog ရေးနေသူဖြစ်သည်။ ကျွနု်ပ်တို့၏ ခရီးရှည်ချီတက်ခြင်း Blog စာမျက်နှာကိုလည်း PDF ဖန်တီးပြီး ဖြန့်ချိပေးနေကြောင်း ပြောပြပါ သည်။ ရှေ့ဆုံးမှ ပွိုင့်ပြေးနေသူ ရဲဘော်ကျော်ရှိန်၊ ထိုနောက် သာသနာ့အလံကိုင်လျက် ဆရာတော်ဦးနန္ဒဝံသ၊ ထို့နောက် ခွပ်ဒေါင်းအလံကိုင်လျက် ကနေဒါရဲဘော် စသည်ဖြင့် ကျွန်ုပ်တို့၏ ဘဝသံသရာရထားကြီးသည် လူစုံလျှင် ဆက်လက်ထွက်ခွာကြပါ၏။

ညနေ (၅)နာရီတွင် Armadillo လမ်းနှင့် Lake Shore ဆုံရာတွင် ခရီးစဉ်ကို အဆုံးသတ်လိုက်ကြတော့၏။ ၎င်းလမ်းထောင့်ရှိ Moniszko Club မှအသက်ကြီးကြီးပုဂ္ဂိုလ်တဦးထွက်လာပြီးလျှင် ကျွန်ုပ်တို့အား ရေခဲရေများ လှူဒါန်းပါသည်။ အလွန်ပျော်ရွှင်တတ်သော ပုဂ္ဂိုလ်ဖြစ်၏။ ရဲဘော်ကဘောယူသည် ၎င်း Club မှ မိတ်ဆွေများ ကို စာရွက်ဝေခြင်း၊ ရှင်းပြခြင်းလုပ်ငန်းကို တက်ကြွစွာဆောင်ရွက်နေသည်။ ထိုမိတ်ဆွေများကလည်း မြန်မာပြည်အကြောင်း အထူးစိတ်ဝင်စားကြသည်။ ရေခဲရေတိုက်သော ပျော်ရွှင်တတ်သော အဖိုးကြီးကလည်း လက်မှတ်ထိုးပေးပါသည်။ ယနေ့အဖို့ ရှည်လျားလှသော Lake Shore လမ်းကြောတွင်ပင် ရပ်နားလိုက်ကြ သည်။

လမ်းလျှောက်ချီတက်ရဲဘော်တဦးတင်ပြသည်။

မိုင်ပေါင်း ၉၀၀ ခရီးရှည်ချီတက်ပွဲ အမှတ်တရ ဗွီဒီယို မှတ်တမ်း

မိုင် ၉၀၀ ခရီးရှည်ချီတက်ပွဲ အမှတ်တရ ဗွီဒီယို မှတ်တမ်းများ

မှတ်တမ်း၊ ၊ လမ်းလျှောက်ချီတက်သူများ