ထိုင်သပိတ် ၉ ရက်မြောက်နေ့ 9th day of demonstration at the front of UN Building

ထိုင်သပိတ် (၉) ရက်မြောက်နေ့
စက်တင်ဘာလ (၁၇) ရက်၊ ၂ဝဝ၉

ရာသီဥတုသည် ထွက်လာကတည်းက မှိုင်းမှုန်နေ၏။ စိတ်ချ၍မရပေ။ နံနက် (၉) နာရီတွင် ပန်းခြံသို့ရောက်ရာ ပတ်ဝန်းကျင်သည် ညို့ညို့မှောင်မှောင်ပင်ဖြစ်၏။ ကုလအဆောက်အဦတွင် နိုင်ငံတကာ အလံများအားလုံးတင်ထား၏။ ဘေးရှိဆိုင်လည်း ဖွင့်၏။ အပြင်တွင် ခုံကလေးများစီထား၏။ မိုးမရွာနိုင်သည့် သဘောဖြစ်သည်။

(၁ဝ) နာရီခွဲကျော်ကျော်တွင် ပန်းစည်းပို့သော အဖွားကြီးရောက်လာသည်။ မာကျောသောအဖုံးဖြင့် အထူး ထုတ်ထားသော စာအုပ်တအုပ်ပေးပါသည်။ ဓါတ်ပုံစာအုပ်ဖြစ်ပါ၏။ တောတွင်းရှိအဖွဲ့အစည်းများမှ ရဲဘော်များ၏ ပုံများသက်သက်ဖြစ်ပါသည်။ (မကဒတ) ကျောင်းသားတပ်မတော်မှ အတော်များများပါဝင်သည်။ တခြားသောအဖွဲ့အစည်းများလည်းပါဝင်သည်။

အမေရိကန်ပြည်သို့ရောက်ရှိသည်မှာ ကြာပြီဖြစ်သော မြန်မာနိုင်ငံသားတဦးက တောတောင်တို့သို့ သွားရောက်ပြီး ရိုက်ကူးခဲ့ခြင်းဖြစ်သည်။ ထုတ်ဝေရခြင်းရည်ရွယ်ချက်မှာ အရေးတော်ပုံနှင့် တကွ တော်လှန်ရေးအရိပ်နိမိတ်တို့ ဆက်လက်ရှင်သန်နေစေလိုသော စေတနာဖြစ်သည်။ မေရီလင်းတက္ကသိုလ်တွင် ဓါတ်ပုံပညာကို သင်ခဲ့ခြင်းဖြစ်သည်။

ကျွန်ုပ်တို့ဆန္ဒပြအဖွဲ့တွင် လူများသဖြင့် နောက်ထပ်တအုပ် ထပ်လိုပါက သူရှာပေးမည်ဟုဆို၏။ မနက်ဖြန်ပန်းစည်းအသစ်လဲပေးဦးမည်။ မိုးဖွဲဖွဲကျနေသဖြင့် ကျွန်ုပ်တို့အတွက် စိတ်ပူနေရှာ၏။

မိုးကလေးများဖွဲဖွဲရွာတော့ ဒုက္ခရောက်ပါသည်။ (၁၁) နာရီထိုးလျှင် မိုးများလာသောကြောင့် စာတမ်းနှင့် ပိုစတာများဖြုတ်ထားလိုက်ရသည်။ လူရေစိုမှာထက် ပစ္စည်းရေစိုမှာကို ကြောက်နေရသော ကျွန်ုပ်တို့၏ အကြောက်တရားသည် တော်ရုံတော့ လွတ်မြောက်နိုင်မည်မဟုတ်။

ကျွန်ုပ်တို့ဆန္ဒပြရာပန်းခြံအရှေ့တည့်တည့်တွင် ကုလအဆောက်အဦအသစ်ကို တည်ဆောက်နေသည်။ ဤအဖွဲ့မှ ဆောက်လုပ်ရေးအဖွဲ့သည် နံနက် (၁၁) နာရီခွဲတွင် ကျွန်ုပ်တို့ရှိရာ ပန်းခြံသို့လာရောက် စုဝေးကြ သည်။ အင်အား (၁ဝဝ) ခန့်ရှိ၏။ ဆန္ဒပြမည့်သဘောဖြစ်သည်။ (၁၂) နာရီထိုးခါနီး တွင် ပြန်လည်ရုပ်သိမ်းပြီး ကိုယ့်အလုပ်ကိုယ်ပြန်ဝင်ကြသည်။

ညှိနှိုင်းဆွေးနွေးချက် အဆင်ပြေသွားပုံရသည်။ ဆောက်လုပ်ရေးအဖွဲ့မှာ ခေါင်းဖြူ၊ ခေါင်းပြာ၊ ခေါင်းနီ၊ ခေါင်းပြာနက် စသည်ဖြင့် ပညာရှင်ရော၊ ရိုးရိုးလုပ်သားပါအစုံအလင်ဖြစ်သည်။ အလုပ်ဝတ်စုံ၏ နောက်ကျောတွင် ကုမ္ပဏီအမည်ပါ၏။ ကောင်းလေစွ၊ ဆန္ဒပင်မပြလိုက်ရ၊ ပြေလည်မှု ရသွားသည်။ သတင်းထောက်အဖွဲ့လည်းပြန်သွားပြီ။

မြန်မာပြည်မှာဆိုလျှင်မူ သေဖို့သာပြင်ထားပေတော့။ ပေတလူသန်းရွှေအဖွဲ့သည် ဘုန်းကြီးများကိုပင် မြို့လည်တွင် ရိုက်သတ်သူဖြစ်၏။ ဘုန်းကြီးခေါင်းများများခွဲနိုင်လေ ရာထူးကြီးကြီးရလေဟု ဥပဒေထုတ်ပြန်ပြီး လူယုတ်မာဖြစ်သော မိမိကိုယ်ကို (ဘုန်းကြီးများကိုသတ်ဖြတ်သော စွမ်းစွမ်းတမံဆောင်ရွက်ချက်ဖြင့်) ဂုဏ်ထူးများ ကိုယ့်ဖာသာ တီထွင်ချီးမြှင့်နေသည်။ ထွီ ရိုင်းလိုက်လေ။ မဟာပထဝီမြေကြီးသည် အဘယ် ကြောင့် မမြိုသေးဘဲရှိသနည်းဟု စဉ်းစား၍မရ။ ဧကန္တ အမျိုးအားလုံး တအုံလုံးတကျင်းလုံးစုံအောင် စောင့်နေပုံ ရသည်။

မိုးတိတ်ပြီ။ ကြမ်းပြင်လည်းခြောက်သော် စာတမ်းကို ပြန်တင်ကြသည်။ ရေစိုသဖြင့်လှမ်းထားသော အခင်းများကိုလည်း နေရာပြန်ချသည်။ စာတမ်းသည် ရေစိုသဖြင့်ပွပြီး ကော်ကပ်ထားသောစာလုံးများ ကွာကျကုန်၏။ ရေခြောက်သဖြင့် ကော်ပြန်ကပ်သော်လည်း အဆင်မပြေပါ။ ဤအတိုင်းသာ တင်ထားလိုက်၏။ နောက်နှစ်မှ အရေးပေါ်ပြန်ပြင်ရမည်။ ဒီမိုကရေစီမရသည်မှာ ဤအလုံးများလည်းပါဝင်၏။

မွန်းလွဲ (၂) နာရီထိုးခါနီး ကိုဇော်ရောက်လာသည်။ ကျွဲရိုင်းဗူးများလာပေးခြင်းဖြစ်သည်။ မနက်ဖြန် အစာငတ်ခံ ဆန္ဒပြမည့် ပုဂ္ဂိုလ်များ ယနေ့အားရှိစေလိုခြင်းဖြစ်သည်။ (၅) နာရီ (၄၅) မိနစ်တွင် ကိုဝင်းရှိန်မောင်ရောက်လာ သည်။ မြန်မာကောင်စစ်ဝန်အိမ်ရှေ့တွင် Amnesty International အဖွဲ့နှင့် နယူးယောက်ရှိ မြန်မာအင်အား စုများ ဒေါ်အောင်ဆန်းစုကြည် လွတ်မြောက်ရေးအတွက် ယခုပင် ဆန္ဒပြကြ မည်ဖြစ်သည်။

ကိုဝင်းခိုင်လည်းရောက်လာ၏။ သူ့သူငယ်ချင်း စိုင်းညီညီနှင့် ဇနီးလည်းရောက်လာပါသည်။ လူစုံတုန်း စကားစမြည်ပြောဆိုကြ၏။ သို့ဖြင့် ညနေ (၆) နာရီထိုးလျှင် သိမ်းလိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၈ ရက်မြောက်နေ့ 8th day of demonstraton at the front of UN Building

ထိုင်သပိတ် (၈) ရက်မြောက်နေ့
စက်တင်ဘာလ (၁၆) ရက်၊ ၂ဝဝ၉

နံနက် (၉)နာရီတွင် စတင်သည်။ ရာသီဥတုသည် အခြေအနေမကောင်းလှပါ။ မြန်မာပြည်ဇလဗေဒ အရ ဆိုလျှင် မုန်တိုင်းလာမည့် လက္ခဏာဖြစ်သည်။ လေကလည်း အကြီးအကျယ်တိုက်နေ၏။

(၁ဝ) နာရီခွဲတွင် ပန်းစည်းပို့သော အဖွားကြီးသည် ပန်းအသစ်လာလဲပေး၏။ (၁၁) နာရီ (၃၅) တွင် ကိုဝင်းခိုင် ရောက်လာသည်။ မနေ့ကလည်း တနေကုန် နေပေးပါသည်။ လေတိုက်သဖြင့် အေး၏။

မစန္ဒီရောက်လာပြီး လက်ကမ်းစာစောင်များ ကူးထားသည်ကို လောပေးပါသည်။ (၁) နာရီ (၅) မိနစ်တွင် Bloomberg News Agency မှ အလက်ဇန္ဒားရောက်လာသည်။ ကျန်းမာရေးအတွက် လိုအပ်မှုရှိလျှင် သူ့ကို ပြောပါဟု တနေ့ကပြောထားသော ပုဂ္ဂိုလ်ဖြစ်သည်။ မြန်မာပြည်နှင့် တရုပ်ပြည်တို့ ပူးပေါင်းကြံစည် နေသော ဓါတ်ငွေ့ပိုက်လိုင်းကိစ္စ ဆောင်းပါးကို လာပို့ခြင်းဖြစ်သည်။ နယ်စပ်များတွင် ဖြစ်ပွားနေသော လက်နက်ကိုင် ပဠိပက္ခများနှင့် စီးပွားရေးတည်ဆောက်မှု စသည်တို့တွင် သိမ်မွေ့စွာ မကိုင်တွယ်ဘဲ မဖြစ်နိုင်ဆိုသော အကြောင်းဖြစ်သည်။

ထိုင်းနိုင်ငံ ချင်းမိုင်မြို့တွင် လာအိုဘုန်းတော်ကြီးတပါးသည် နယ်စပ်ဒေသရှိ မြန်မာဒုက္ခသည်များကို ကူညီစောင့်ရှောက်သည့်အကြောင်းများကိုလည်းပြောပြသည်။ ဤကိစ္စနှင့်ပတ်သက်၍ ထိုင်းနိုင်ငံမှ ပို့လိုက်သော စာတစောင်ကိုလည်း ပေးခဲ့သည်။ စာတွင် ကလေးများအတွက် ကျောင်းများတည်ဆောက်ပုံ၊ တရားစခန်းများဖွင့်ထားပုံ၊ လှူဒါန်းသည့်အတွက် ကျေးဇူးတင်ခြင်း စသည်တို့ကို ရေးထားသည်။

ရဲဘော်မောင်မောင်တိတ်သည် စာစောင်ဝေနေ၏။ ဒေါ်အောင်ဆန်းစုကြည်ပုံ ပိုစတာများကိုလည်း ယနေ့ကပ်ထားသည်။ ကိုမိုးချမ်း မနေ့ကလာပို့ခဲ့ခြင်းဖြစ်သည်။ ညနေ (၅) နာရီတွင် လူတဦးရောက်လာသည်။ ဓါတ်ပုံရိုက်၏။ လက်မှတ်ထိုးပေး၏။ လိပ်စာကဒ်တခုပေးခဲ့သည်။ ဓါတ်ပုံဆရာတဦးဖြစ်ပါသည်။ Lucitphoto မှ ဖြစ်ပါ၏။

ဤသူသည် မြန်မာပြည် စစ်အုပ်စုအကြောင်းကို သိသူဖြစ်ပါသည်။ စစ်အုပ်စုသည် မည်သူ့ကိုမျှ နားထောင် လိမ့်မည်မဟုတ်ကြောင်း၊ ပြည်သူလူထုကိုလည်း နားထောင်လိမ့်မည်မဟုတ်ကြောင်းကို ၎င်းကဆိုသည်။

သိမ်းခါနီးအချိန်တွင် နယူးယောက် ဘရုကလင်း၌နေထိုင်သူ ကိုအောင်မိုးဝင်းရောက်လာသည်။ Animation ဘာသာရပ်ဖြင့် ကျောင်းတက်နေသူဖြစ်၏။ ကိုမိုးချမ်း မနေ့ကထားခဲ့သော ဒေါ်အောင်ဆန်းစုကြည်ပုံများကို လာယူခြင်းဖြစ်သည်။ အီရန်နှင့် တိဘက်ပူးပေါင်း၍ပြုလုပ်မည့် ဆန္ဒပြပွဲတွင် နယူးယောက်နေ မြန်မာများ ကလည်း သွားရောက်ပူးပေါင်းရန်အစီအစဉ်ရှိသည်။ ထိုပွဲတွင် သုံးရန် ပိုစတာလိုခြင်းဖြစ်ပါသည်။

အကြမ်းဖက်အဖွဲ့အချင်းချင်း ပူးပေါင်းသော သဘောရှိသကဲ့သို့ ဒီမိုကရေစီ၊ ငြိမ်းချမ်းရေးလိုလားသူ ဆန္ဒပြအဖွဲ့ အချင်းချင်းလည်း ပူးပေါင်းကြရန် လိုအပ်လှသည်မဟုတ်လော။

အိမ်အပြန်လမ်းတွင် Broadway လမ်းနှင့် Broome လမ်းဆုံရာ တိုက်တခု၏ နံရံတွင် (၈) ပေခွဲခန့်ရှိသည့် ဒေါ်အောင်ဆန်းစုကြည်ပုံ ပိုစတာကြီးတခုကို တွေ့ရသည်။ ကျွန်ုပ်တို့ထံသို့ ရောက်လာသေသာပုံပင်ဖြစ်၏။ ဒေါ်အောင်ဆန်းစုကြည်ပုံသည် ယခုအခါနယူးယောက်မြို့ တိုက်နံရံတွင်ရောက်နေပြီဖြစ်သည်။

ဆန္ဒပြရဲဘော်တဦးတင်ပြသည်။

၇ ရက်မြောက် ထိုင်သပိတ် 7th day of demonstration at the front of UN Building

ထိုင်သပိတ် (၇) ရက်မြောက်နေ့
စက်တင်ဘာလ (၁၅) ရက်၊ ၂ဝဝ၉

နံနက် (၉) နာရီတွင် ယနေ့စတင်သည်။ နေ့စဉ်သတင်းပို့ရန် အင်တာနက်ရမည့်နေရာကို လိုက်ရှာရသည် ကလည်း ကိစ္စတရပ်ဖြစ်နေသည်။ ဘားမားဖန်းရုံးသို့ နေ့တိုင်းသွားရန်လည်းမသင့်တော်ပါ။ အကြောင်းမူ သူ့ရုံးသည် သူ့ကိစ္စနှင့်သူဖြစ်သောကြောင့်ပေတည်း။ ထိုကြောင့် အနီးအနားတဝိုက် လှည့်ပတ်ရှာနေရသည်။

နယူးယောက်မြို့၏ အဓိကပြဿနာမှာ ကားရပ်ရန်နေရာမရှိခြင်းပင်။ အင်တာနက်နှင့် ကားရပ်ရန်နေရာ တိုက်ပွဲဖြစ်လျက်ရှိ၏။ တချို့နေရာများတွင် အားအပြည့်ရှိသော်လည်း ဆက်သွယ်၍မရဖြစ်နေသည်။ ဤကိစ္စနှင့် ပတ်သက်၍ ကမ္ဘာနှင့်အဝှမ်း အော်တိုမစ်တစ် အခမဲ့အင်တာနက်ရရှိရေးကို ပညာရှင်များ ဖန်တီးမှရတော့မည်။

စုတ်ပြဲသွားသော ခရီးရှည်စာတမ်းနေရာတွင် စာတမ်းအသစ်တင်လိုက်သည်။ UN Security Council’ Action 0n Burma Badly Needed ဖြစ်ပါ၏။ အမှန်မှာစာတမ်းနီနီရဲရဲများများရှိလေ ကောင်းလေပင်။ သို့သော် ပန်းခြံတွင် စာတမ်းချိတ်ခြင်း၊ ပိုစတာတပ်ခြင်း စသည်တို့မှာ အခွင့်မရှိသဖြင့် အခက်အခဲများစွာရှိသည်။ နိုင်ငံတကာအဖွဲ့များစုံလာပြီး သူ့နေရာနှင့်သူ သံတန်းများခြားလိုက်လျှင် စာတမ်းများအတွက် နေရာခက်ခဲ သွားလေ့ရှိသည်။

ယနေ့ ကုလအစည်းအဝေးတွင် အထွေထွေပဏာမ စတင်နေပြီဟုကြားရသည်။ မြန်မာ့အရေးတွင် ရဲဘော်သိန်းစိန်သည် မည်သို့ရှင်းမည်မသိ။ ယခုဆိုလျှင် လူထုခေါင်းဆောင် ဒေါ်အောင်ဆန်းစုကြည် အထိန်းအသိမ်းခံနေရသည်မှာ နှစ်ပေါင်းရှည်ကြာလှပြီ။ မည်သည့်အပြစ်ကြောင့်နည်း။ ယခုကဲ့သို့ ဖမ်းဆီးထားရန် စစ်အုပ်စုတွင် မည်သို့သော အခွင့်အာဏာရှိပါသနည်း။

သတ္တုချကြည့်လျှင် တရားမှုကိုလိုလားသူ၊ ပြည်သူလူထုဘက်မှရပ်တည်သူ၊ ဒီမိုကရေစီ၊ လူ့အခွင့်အရေး တောင်းဆိုသူ၊ လွတ်လပ်ရေး၊ ငြိမ်းချမ်းရေးတင်ပြသူသည် သန်းရွှေမိသားစုကို ထိခိုက်စော်ကားသူအဖြစ် ယူဆပြီး အဖမ်းဆီးအချုပ်နှောင် ခံရမည်ဟု အဓိပ္ပါယ်ထွက်၏။

ကုလအဖွဲ့ကလည်း အချက်အလက်စုဆောင်းနေသည်မှာ သူ့အဖေကြီးနှင့် အဖေငယ်များပင် သေကုန်ကြပြီ။ စုဆောင်း၍မပြီးသေး။ အမှန်က အမေရိကန်က မီးစိမ်းမပြသေးသဖြင့် ကုလအဖွဲ့ကလည်း စိုးရိမ်မကင်း ဖြစ်ရကြောင်းလောက်သာ တတွတ်တွတ်ပြောဆိုနိုင်ရှာသည်။ ကြက်တူရွေးနှင့် သိပ်မကွာလှပါ။

အချက်အလက်ခိုင်မာအောင် အလုံးစုံပျက်သုဉ်းသည့်အချိန်ကို စောင့်နေပုံရသည်။ သေကြေပျက်စီး၊ မီးလောင်ပြာကျပြီး၍ လင်းတ တိုင်းပြည်ဖြစ်သွားရသည့်အချိန်ရောက်မှ ကုလအဖွဲ့ကလာ၍ မာမားနှင့် ပါရာစီတမော့ ဝေမည်ဆိုလျှင် ဒင်းတို့သည်လည်း ခွေးအ များနှင့် မည်သို့မျှခြားနားလိမ့်မည်မဟုတ်။

လူသူယုတ်တို့ကြီးစိုးပြီး လူကောင်းသူမွန်များထောင်ကျ၊ တောတောင်များသို့ ထွက်ပြေးပုန်းအောင်း နေရသည့်ကာလ ဖြစ်သောကြောင့်လည်း လောလောဆယ်တွင် အယုတ်တမာတို့ကသာ ဥပဒေပိုင်စိုးသလိုလို ဘာလိုလိုဖြစ်နေသည်။ အမှန်က မြန်မာပြည်တွင် ဥပဒေအလျှဉ်းမရှိပါ။ တရားရေးမဏ္ဍိုင် ဝေလာဝေး။

သိပ်မကြာခင် သန်းရွှေမိသားစုကို ကာကွယ်လိုသဖြင့် တပ်မတော်ကပင် နိုင်ငံတော်ကာကွယ်လိုမှုဥပဒေဖြင့် သန်းရွှေမိသားစုကို ဖမ်းဆီးရလိမ့်မည်ဖြစ်သည်။ ဤကားအစဉ်အလာတည်း။ ဗိုလ်ချုပ်အောင်ဆန်းကို ပြစ်မှားပြီး မိမိကိုယ်ကို တပ်မတော်၏ဖခင်အဖြစ် သွေးနားထင်ရောက်သူမှန်သမျှသည် ခွေးသေဝက်သေ သေရမည်မလွဲဧကန်တည်း။

သို့သော် သူတောင်းစားဘဝမှ ခိုးသားဓါးပြ၊ ထိုဘဝမှ ခွေးတိရစ္ဆာန်ဘဝသို့ ရောက်နေသော တပ်မတော် ကိုယ်နှိုက်ကလည်း ဘာမျှအသုံးမကျ အဖေရင်းကိုလည်းမသိ၊ မကျွေးလျှင်မစားရ၊ ခိုင်းတာလုပ်ဘဝတွင် တဝဲလည်လည်ဖြစ်နေ၏။ လူလည်ကြီးများကမူ တိုင်းပြည်၏သယံဇာတကို အကြီးအကျယ်ခိုးဝှက်ပြီး ဘုရားလက်ထက်ကတည်းက ချမ်းသာခဲ့သလိုလို ဂုဏ်ယူမောက်မာနေကြသည်။

သတ္တိဗျတ္တိရှိသော စစ်သည်တော်တဦးဦးက အာဏာရှင်ဗိုလ်သန်းရွှေ၏ ခေါင်းကို တချက်တည်းဖြတ်လိုက်လျှင် နတ်လူသာဓုခေါ်ကြမည်ဖြစ်၏။ သို့ဖြစ်လျှင် မစ္စတာဘန်ကီမွန်းကလည်း ခက်ခက်ခဲခဲ ဗီဇာလျှောက်စရာမလို၊ အေးအေးဆေးဆေး စီးပွားရေးပေါင်းလုပ်ရုံသာဖြစ်သည်။ တိရစ္ဆန်တကောင် တဇာတ်သိမ်းလေ၊ လူ့တန်ဖိုးနှင့် နီးစပ်လေမဟုတ်လော။

ကျွန်ုပ်တို့၏စာတမ်းအသစ်ကို လူကြိုက်များလာ၏။ ကြည့်ရှုသူများပြားလာ၏။ တချို့လူများဓါတ်ပုံလာရိုက်ကြ၏။ တချို့လူများ စာတမ်းရှေ့တွင် ဓါတ်ပုံအရိုက်ခံကြသည်။ နေ့လည် (၁၂)နာရီထိုးပြီးသော် တောင်ငူမြို့ လူ့ဘောင်သစ်ပါတီမှ ကိုဝင်းခိုင် ရောက်လာသည်။ နေ့တိုင်းလာအားပေးမည်ဟုဆိုသည်။ စက်မှုကျောင်းသား တဦးဖြစ်၏။


မွန်းလွဲ (၁)နာရီတွင် မစန္ဒီရောက်လာသည်။ ရှေးမနှောင်းပင် တရုပ်အဖွဲ့လည်းရောက်လာသည်။ တရုပ် ဒီမိုကရေစီအဖွဲ့ပင်ဖြစ်၏။ တရုပ်ဘာသာဖြင့် အော်ဟစ်ဆန္ဒပြနေကြသည်။ ညနေ (၄)နာရီတွင် ကိုမိုးချမ်း ရောက်လာသည်။ ကျွန်ုပ်တို့၏လက်ကမ်းစာစောင်ကို ကူးပြီးလာပို့ခြင်းဖြစ်သည်။ သူ့သူငယ်ချင်း တိဘက်တဦး လည်း ရောက်လာ၏။ မြန်မာပြည်အကြောင်းရုပ်ရှင်မှတမ်းရိုက်ထားသည့်အကြောင်းကို လာပြောပြပါသည်။

ကိုမင်းဆန်းမင်း၏မိတ်ဆွေ ဦးသန်းတင် ရောက်လာပါသည်။ အမေရိကသို့ရောက်နေသည်မှာ နှစ်ပေါင်း (၅ဝ) ကျော်ပြီဖြစ်သည်။ ဦးနုလက်ထက်ကတည်းက အင်ဂျင်နီယာပညာတော်သင်အဖြစ်ရောက်လာ၏။ ဦးနေဝင်းအာဏာသိမ်းလိုက်ရာ စေတနာကိုရိပ်မိသဖြင့် ထိုကတည်းက တိုင်းပြည်သို့မပြန်တော့ခြင်းဖြစ်သည်။ အသက် (၇၇)နှစ်ရှိပြီဖြစ်၏။ လမ်းလျှောက်တုန်းပင်။ အင်္ဂလိပ်ဘာသာဖြင့် မြန်မာပြည်အကြောင်း စာပေ ရေးသားနေသူတဦးလည်းဖြစ်သည်။ ဆန္ဒပြအဖွဲ့အတွက် အလှူငွေ ပံ့ပိုးပါသည်။ ချော့ကလက်တထုပ်လည်း အဆာပြေစားရန်ပေးခဲ့၏။ အတော်ကြာကြာစကားပြောပါသည်။

နယူးယောက်မှ ကိုနေလင်းလည်းရောက်လာ၏။ ဘားမားပွိုင့်တွင် ဆောင်ရွက်နေသူတဦးဖြစ်ပါသည်။ အစာငတ်ခံဆန္ဒပြခြင်း စတင်မည့် စက်တင်ဘာလ (၁၈) ရက်နေ့တွင် လူစုံမည်ဟု ယူဆရပါသည်။ ညနေ (၆) နာရီတွင် သိမ်းလိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၆ ရက်မြောက် 6th day of Demonstaration at the front of UN Building

ထိုင်သပိတ် (၆) ရက်မြောက်

စက်တင်ဘာလ (၁၄) ရက်၊ ၂ဝဝ၉

နံနက် (၉)နာရီတွင် သပိတ်စခန်းဖြစ်သော ဒတ်ဟမ်းမားရိုးပန်းခြံသို့ ရောက်ရှိသည်။ ရာသီဥတုသည် ကြည်လင် လျက်ရှိ၏။ လောကသည် သူ့အလုပ် သူလုပ်လျက်။ ပရိယေသန ကိုယ့်ဝမ်းကိုယ်ကျောင်း၍ လည်းကောင်း၊ သားကျွေးမှု၊ မယားကျွေးမှုကိုလည်းကောင်း၊ တိုင်းပြည်ကပေးအပ်လိုက်သော တာဝန်ကိုလည်းကောင်း၊ အဖွဲ့အစည်း၏တာဝန်ကိုလည်းကောင်း အသီးသီးဆောင်ရွက်လျက် ရှိကုန်၏။

ရဲဘော်သိန်းစိန်ကလည်း သန်းရွှေဂိုဏ်းက ပေးအပ်လိုက်သောတာဝန်ကို ဆောင်ရွက်ရန်လာမည်ဟု ကြားရသည်။ ကျန်းမာရေး၊ ပညာရေး၊ လူ့အခွင့်အရေး၊ စားနပ်ရိက္ခာ၊ လူနေမှုအဆင့်အတန်း စသည်တို့သည် မြန်မာနိုင်ငံတွင် မကြုံဖူးလောက်အောင် တိုးတက်နေကြောင်း လာပြောပုံရသည်။

နိုင်ငံရေးအကျဉ်းသားလုံးဝမရှိ၊ ဒုက္ခသည်မရှိ၊ အုံကြွမှုမရှိသော မြန်မာနိုင်ငံတွင် ခွေးများ၊ စစ်သားများ၊ အကျဉ်းထောင်များသည်လည်း တခါဖူးမျှ မကြုံဖူးလောက်အောင် များပြားလာကြောင်းကိုလည်း ထပ်ဆင့်ပြောပြဖို့လိုလိမ့်မည်။ တဖြည်းဖြည်းနှင့် ကျတ်ကုန်းသန်းရွှေနေပြည်ကိုလည်း အကျဉ်းထောင်အဖြစ် ပြောင်းလဲရန် အစီအစဉ်ရှိကြောင်း တင်ပြရလိမ့်မည်။

သန်းရွှေအဖွဲ့နှင့် ကြံ့ဖွတ်အဖွဲ့သည် ၉၉ ဒသမ ၉၉ ရာခိုင်နှုန်း ထောက်ခံမှုရရှိပြီး၊ အောင်မြင်နေကြောင်း၊ အဆိုပြုသူကအဆိုပြု၊ ထောက်ခံသူကထောက်ခံပြီး၊ ဥက္ကဌကြီးနှင့် အဖွဲ့သည် လိုအပ်သည်များကို မှာကြားပြီး ပြန်လည်ထွက်ခွာသွား၍ ရမည့်နေရာမဟုတ်။ နိုင်ငံတကာ ကုလ အသိုင်းအဝိုင်းတွင် မြန်မာပြည်မှ စစ်ဓါးပြအုပ်စုကိုလည်းကောင်း၊ ထိုတမန်ကိုလည်းကောင်း ခွေးတကောင်လောက်ပင် သဘောထားသည် မဟုတ်။ ရှက်စရာကောင်းလှသည်။ ဒင်းတို့ခမြာလည်း တနှစ်တခါ လာပြီး အဆဲဆိုခံနေရသည်မှာ ကျိန်စာသင့်နေခြင်းပင်ဖြစ်သည်။ ဦးသန့်ကဲ့သို့ လူရိုသေရှင်ရိုသေဖြစ်ချင်လျှင် မနာလိုနေရုံဖြင့်မပြီး၊ လူလိုလုပ်ဖို့လိုသည်။

ခွေးထက်ယုတ်ညံ့သော သန်းရွှေဂိုဏ်းသည် ယခုအခါ ကိုယ့်ဇာတ်ကိုယ်မနိုင်တော့ဘဲ သူတောင်းစား ရွေးကောက်ပွဲနှင့် အသုံးလုံးမတက်ရသေးသောအခြေခံဥပဒေကို ဘေးကျပ်နံကျပ်ဖြစ်ပြီး ဘယ်အမှိုက်ပုံးထဲ သွားထည့်ရမှန်းမသိဖြစ်နေသည်။

အမျိုးသားခေါင်းဆောင် ဒေါ်အောင်ဆန်းစုကြည်ကိုလည်း လွတ်ပေးရန်သတ္တိမရှိ၊ နိုင်ငံရေးခေါင်းဆောင်များ ကိုလည်း လွတ်မပေးချင်၊ တရုပ်နှင့်လည်း ပြဿနာမတက်ချင်၊ အမေရိကန်နှင့်လည်း ပလဲနံသင့်ချင်၊ ငါဟဲ့ အာဏာရှင်ဟုလည်းပြချင်နှင့် သန်းရွှေနှင့် သပွတ်အူ လုံးလည်လိုက်ပြီး ရူးကြောင်ကြောင်ဖြစ်လာသဖြင့် စင်ကာပူနိုင်ငံတွင် ပါရာစီတမော့ သွားရှောနရလိမ့်မည်။

(၁၁) နာရီထိုးရန် (၁၅) မိနစ်အလိုတွင် အာဏာရှင်များကို လားပင်စင်ပေးမည့် မိတ်ဆွေတရုပ်လည်း ဆိုင်းဘုတ်ကလေးကိုင်၍ ရောက်လာပါသည်။ (၁၁) နာရီထိုးပြီးနောက် ပန်းစည်းပေးသော အဖွားကြီးသည် ပန်းစည်းအသစ် ပန်းအိုးအသစ်ကို ယူလာပြီး ကိုယ်တိုင်ရေသွားယူကာ အသစ်လဲပါသည်။ အင်းလေးလွယ်အိတ် အဟောင်းကလေးတလုံးကိုလည်း ပြသပါသည်။ လွယ်အိတ်သည် ကြိုးမရှိတော့ပါ။ ၁၉၇ဝ ခုနှစ်ကတည်းက ဆောင်ခဲ့ခြင်းဖြစ်သည်။ ရှေးဟောင်းပစ္စည်းဖြစ်နေပြီ။ မြန်မာလူမျိုးတို့အပေါ် သံယောဇဉ်ရှိလှပါသည်။

ယနေ့သည်လည်း ခါတိုင်းနေ့များကဲ့သို့ မေးမြန်းသူများ၊ လက်မှတ်ထိုးပေးသူများရှိပါသည်။ နေ့လည်ရုံးအား ချိန်တွင် မစန္ဒီရောက်လာပြီး အချဉ်ထုပ်လေးများပေးသွားပါသည်။ ငုတ်တုပ်အိပ်ငိုက်နေရာ များစွာ အဆင်ပြေသွားပါသည်။ (မကဒတ) မြောက်ပိုင်းမှ ကိုကျော်ကျော်လွင် ခဏရောက်လာပါသည်။ (၁၈) ရက်နေ့တွင် ရောက်လာကြမည်ဆို၏။ မွန်းလွဲ (၂) နာရီထိုးခါနီး နယူးယောက်မြို့၊ ကွင်းစ် မှ ကိုဇော် ရောက်လာ သည်။ မုန့်များလည်း အဆာပြေစားရန်ယူလာပေး၏။

(၁၈) ရက်နေ့တွင် နယူးယောက်မြို့၌ ဆန္ဒပြပွဲအမျိုးမျိုးရှိနိုင်သည်။ မြို့အသီးသီးမှလည်း လာကြမည်ဟု ယူဆရ ၏။ မနက်ဖြန်တွင် ကုလသမဂ္ဂအစည်းအဝေးသည် စတင်တော့မည်ဖြစ်ရာ နိုင်ငံတကာ ဆန္ဒပြအဖွဲ့များကလည်း ရောက်လာကြတော့မည်ဖြစ်သည်။ ထိုနေ့မျိုးတွင် ကုလအဆောက်အဦဝန်းကျင်၌ လူမျိုးပေါင်းရောင်စုံတို့သည် ကြက်ပျံမကျ စည်ကားလှ၏။

ဆက်လက်တင်ပြပါဦးမည်။
ဆန္ဒပြရဲဘော်တဦးတင်ပြသည်။

၅ ရက်မြောက် ထိုင်သပိတ် 5th day of Demonstration at the front of UN Building

ထိုင်သပိတ် (၅) ရက်မြောက်

စက်တင်ဘာလ (၁၃) ရက်၊ ၂ဝဝ၉

နံနက် (၈)နာရီတွင် ပန်းခြံသို့ရောက်ရှိသည်။ တနင်္ဂနွေနေ့ဖြစ်သောကြောင့်ထင်သည် ဘရုကလင်းမှ မင်ဟက်တန် တကြောလုံးရှင်းလင်းလှ၏။ နေသည် အံ့သြဖွယ်ရာကောင်းလောက်အောင် သာလျက်ရှိ၏။ ဤနေ့သည် UN ရပ်ကွက်တွင် ပထမဆုံးနေသာသောနေ့ဖြစ်လေ၏။

ယမန်နေ့ တိုင်ဝမ်အဖွဲ့နှင့် မိတ်ဆွေဖြစ်နေစဉ် ဘရုကလင်း၌နေထိုင်သူ တိုင်ဝမ်တဦးကလည်း လာရောက် မိတ်ဖွဲ့စကားစမြည်ပြောပြီးလျှင် သူ၏ကဒ်ပြားကိုပေးသွားသည်။ အမည်မှာ Wayne Ko ဖြစ်၏။ International Public Relation အဖွဲ့မှ ဖြစ်ပါသည်။ မြန်မာ့အရေးဆန္ဒလာပြသူ ကျွန်ုပ်တို့ (၅) ဦးသာ ရှိသလော၊ လိုအပ်ပါက နယူးယောက်မြို့ရှိမြန်မာလူမျိုးများကို ဆက်သွယ်ပေးမည်ဟုဆိုပါသည်။

ကျွန်ုပ်တို့တွင် နယူးယောက်မြို့တော်နေ မြန်မာမိတ်ဆွေ အလုံးအရင်းရှိကြောင်း၊ အခါအားလျော်စွာ လာကြ ကြောင်းကို ပြောပြရသည်။ ကိစ္စတစုံတရာရှိပါက သူ့ထံဆက်သွယ်ရန်ပြောဆိုသည်။

ယနေ့သည် ထူးထူးခြားခြား နေပူသောနေ့ဖြစ်သကဲ့သို့ လေကလည်းငြိမ်နေသဖြင့် ပိုစတာများ၊ အလံများကို လိုက်ကောက်စရာမလိုတော့ပေ။ အင်မတန်မှ ဣနြေ္ဒရှိရှိဖြစ်၏။ ရုံးပိတ်ရက်ဖြစ်သောကြောင့် လူသွားလူလာ နည်းပါးလှသည်။

(၁၁) နာရီတွင် ပုဂ္ဂိုလ်တဦးရောက်လာ၏။ မြန်မာပြည်အကြောင်းဆွေးနွေးပြောဆိုသည်။ မြန်မာပြည် အကြောင်း၊ နောက်ဆုံးအခြေအနေ စသည်တို့ကို သိသူဖြစ်၏။ လက်မှတ်လည်းထိုးပေးပါသည်။ မြန်မာပြည်သို့ ၂ဝဝ၃ ခုနှစ်တွင်ရောက်ဖူးသူဖြစ်ပါ၏။ မြန်မာလူငယ်အများစု၏အဆိုအရ တိုးရစ်လုပ်ငန်းသည် စစ်ဓါးပြတို့ကို ဝင်ငွေရစေသောကြောင့် မြန်မာပြည်သို့ နိုင်ငံခြားသားများ မသွားသင့်ဟု ဆိုပါ၏။

မိမိ၏အမြင်ကို မေးပါသည်။ ကိုယ်ပိုင်မျက်လုံးဖြင့် မြင်ရသောဒုက္ခကို သိစေလိုသဖြင့် ဥပမာ မြန်မာပြည်တွင် ဆန္ဒပြနေချိန် စစ်အုပ်စုတို့က သတ်ဖြတ်နေချိန်တွင် အားလုံးသွားသင့်ပါသည်။ စင်ကာပူ၊ မလေးရှား၊ ကိုးရီးယား၊ ဟောင်ကောင် အပါအဝင်၊ ဂျပန်၊ အင်္ဂလန်၊ အမေရိက စသောနိုင်ငံများတွင် အလုပ်လာလုပ်ကိုင် နေသူ မြန်မာလူမျိုးများပါ သွားသင့်ကြသည်။

အဘယ်ကြောင့် သူတပါးနိုင်ငံတွင် ငွေလာရှာနရသနည်းဆိုသောအချက်သည်လည်း ရှင်းရှင်းလင်းလင်းနှင့် လေးလေးနက်နက် သိရှိသွားနိုင်သည်မဟုတ်လော။ စစ်အုပ်စု၏ တရားမဲ့ပုံကိုလည်း အသိအမှတ်ပြု သွားနိုင်သည်မဟုတ်ပါလော။ သဘာဝပတ်ဝန်းကျင်စကားနှင့်ဆိုသော် ကမ္ဘာကြီး၏ မည်သည့်နေရာ မည်သည့် အစိပ်အပိုင်းကိုဖြစ်စေ ဖျက်ဆီးလျှင် ကမ္ဘာကြီးကိုဖျက်ဆီးသည်သာဖြစ်၏။ ဂျပန်သတင်းထောက် အသတ် ခံရစဉ်က ဂျပန်ကလည်းစိတ်ညစ်သွားလေသည်။ သိပ်မကြာသေးခင်က ကိုးကန့်နယ်ကို ပြဿနာရှာလိုက်ရာ ပီကင်းတရုပ်က ဒေါသထွက်သွားလေသည်။ မှန်ပါသည် စစ်ဓါးပြတို့သည် ခွဲခြားခွဲခြား ဒုက္ခပေးသူ များမဟုတ်ပါ။

မိတ်ဆွေက ဆက်လက်ဆွေးနွေးပါသည်။ ဖွတ်ကျားနိုင်ငံကလေးတခုသည် အဘယ်ရန်သူရှိသဖြင့် ညုကလီးယားလက်နက်ပိုင်ဆိုင်ရန်လိုအပ်သနည်း ဟုဆို၏။ ထိုလက်နက်ရှိသဖြင့် ကမ္ဘာက အလေးဂရုပြုမှုကို ခံလိုပုံရသည်ဟု သူက ယူဆသည်။ ကျွန်ုပ်၏အမြင်တွင် အသံကြောင့်ဖားသေသည်ကို စစ်ဓါးပြတို့ ကြားဖူးနားဝ ရှိဟန်မတူ။

ဝရဇိန်လက်နက်ကို ဗြဟ္မာကသာ ပိုင်သည်ကို သဘောပေါက်သင့်သည်။ သူတောင်းစားက ပိုင်လျှင် မည်သို့မျှ ကာာရန်မစပ်ဖြစ်နေလိမ့်မည်။ သူတောင်းစားသည် အမျိုးဂုဏ်ကို စောင့်ရှောက်သောအားဖြင့် ခွက်စုတ်ကိုသာ ပိုင်သင့်သည်မဟုတ်လော။ ဤသို့ဆိုခြင်းအားဖြင့် အမေရိကန်ကို အဖေခေါ်ပြီး ကိုယ့်လူမျိုးကို သူတောင်းစား နှင့် နှိုင်းနေသည်မဟုတ်ပါ။

ထမင်းရေကို လုသောက်နေရသောဘဝများ၊ ဆေးရုံဆေးခန်းမပြနိုင်သဖြင့် လူ့သက်တမ်း တိုနေရေသော ဘဝများအတွက် ထမင်းနပ်မှန်အောင်ပင် စွမ်းဆောင်ပေးခြင်းမရှိပါဘဲလျက်၊ ပိုဆိုးသည်မှာ ဒုက္ခသည် ပစ္စည်းကိုပင် စစ်အာဏာပိုင်နှင့် အပေါင်းအပါတို့က ခိုးဝှက်လုယူနေသောတိုင်းပြည်မျိုးတွင် ထမင်းရေ ဝဝ လင်လင်ရရှိအောင် အရင်မလုပ်ဘဲနှင့် ညုကလီးယားလက်နက်ကို ပိုင်ဆိုင်သင့်ပါသလော။

လူငယ်တဦးရောက်လာပါသည်။ ရဲဘော်များနှင့် စကားပြောဆိုဆွေးနွေးနေသည်မှာ (၂) နာရီခန့် ကြာမြင့်သွား သည်။ အင်မတန်မှ ပြောဆိုနိုင်သူဖြစ်၏။ ဆိုးတော့မဆိုးပါ။ သို့မဟုတ်ပါက ငုတ်တုတ်ထိုင်နေရကိန်း ရှိသည်မဟုတ်လော။ လက်မှတ်လည်းထိုးပေးပါ၏။ မည်သို့ဆိုစေ ကျေးဇူးတင်ရပါမည်။ မြန်မာ့အရေးကို သိသော စိတ်ဝင်စားသော အကြောင်းသည်ပင်လျှင် အမေရိကတလွှား၌ရှိကြသော မြန်မာ့အရေးဆိုင်ရာ အဖွဲ့အစည်းပေါင်း သောင်းခြောက်ထောင်၏ အလုပ်ပင်မဟုတ်လော။

တရုပ်လူမျိုးတဦးရောက်လာပါသည်။ ဆိုင်းဘုတ်ခပ်ငယ်ငယ်တခုလည်းကိုင်ဆောင်လာပါ၏။ ကျွန်ုပ်တို့ခရီးရှည်အဖွဲ့ရှိရာတွင် သူ၏ဆိုင်းဘုတ်ကလေးကို ထောင်ပါသည်။ တရုပ်လိုရေးထားပါ၏။ ရဲဘော်မောင်မောင်တိတ်နှင့် တရုပ်ဘာသာဖြင့် စကားအနည်းငယ်ပြောဆိုနေကြပါသည်။ ဆိုင်းဘုတ်ကို မည်သည့်အဓိပ္ပါယ်နည်းဟုမေးရာ ထိုသူကလည်း အင်္ဂလိပ်လိုမရှင်းတတ်သဖြင့် သူ၏သူငယ်ချင်းကို ဖုန်းဆက် ပြီး ဘာသာပြန်စေ၏။

အဓိပ္ပါယ်မှာ ကွန်မြူနစ်နှင့် စစ်အာဏာရှင်အပေါင်းတို့ကို ကမ္ဘာ့စစ်ခုံရုံးသို့တင်ပေးပါဟူ၏။ သို့ဖြင့် ဆိုင်းဘုတ် ကလေးကို ထောင်ထား၏။ မကြာခင်ပင် ကုလသမဂ္ဂတံဆိပ်ပါသော အိတ်ကလေးများကို ကိုင်ထားသော တရုပ် အဖွဲ့တဖွဲ့သည် အရှေ့မှဖြတ်သွားရာ ကျွန်ုပ်တို့အဖွဲ့ကို လေ့လာနေ၏။ ခေါင်းဆောင်လုပ်သူကိုကား မျက်မှန်း တမ်းမိပါသည်။ တရုပ်စာနှင့်ဆိုင်းဘုတ်ကိုတွေ့သော် တချက်တန့်သွားပြီးလျှင် တချိုးတည်းဒိုးတော့၏။ မိတ်ဆွေတရုပ်ကို ကြည့်လိုက်ရာ ခါးတွင်လက်ထောက်ပြီး ဘုကြည့်ကြည့်နေသည်ကိုတွေ့ရ၏။ ကျောင်းတော် ကရန်စများ ဖြစ်ပုံရသည်။

ရေနွေးကြမ်းဓါတ်ဗူးပေးသော အဖွားကြီးလည်းရောက်လာပါသည်။ နေ့တိုင်းလာအားပေးသူဖြစ်ပါ၏။ အဖွားကြီး၏ လွယ်အိတ်ကလေးတွင် ဗုဒ္ဓပုံတော်နှင့် တိဘက်တံဆိပ်များတပ်ထားပါသည်။ ဖော်ရွေလှသော အမျိုးသမီးကြီးဖြစ်ပါသည်။ ညနေ (၄) နာရီခွဲတွင် ယနေ့သိမ်းလိုက်ကြသည်။ အကြောင်းမှာ သာသနာ့ဥသျှောင် ကျောင်းဆရာတော်က ဖိတ်ထားသဖြင့် သွားကြမည်ဖြစ်၏။ Queens သို့ပထမသွားပြီးမှ ဦးဝင်းရှိန်မောင်က ဥသျှောင်ကျောင်းရှိသော Apartment သို့ လိုက်ပို့ပါသည်။

ဘုန်းကြီးကျောင်းသို့ရောက်သော် စည်ကားသိုက်မြိုက်နေသည်ကို တွေ့ရသည်။ အလှူ သို့မဟုတ် တခုခုရှိပုံရ၏။ ကျွန်ုပ်တို့အဖွဲ့ကို ကြံဖန်ထမင်းကျွေးကြပါသည်။ ဆရာကြီးမောင်စွမ်းရည်လည်းရောက်နေသည်။ စာရေးဆရာ ရွှေပြည်စိုးလည်းရှိပါ၏။ ဘုန်းကြီးကျောင်းရောက်သော် ရိက္ခာကိစ္စအဆင်ပြေသွားလေသည်။ ကိုကြည်မင်းနှင့် မချောစု၊ ကိုလေးနှင့် မအာယီး၊ ကိုမိုးချမ်းနှင့် မမေစန္ဒာ၊ ကိုအောင်နှင့် မမြတ်မြတ်စိုး၊ သားမောင်အောင်မင်းစိုး တို့က ဟင်းအမျိုးမျိုးကို ချက်ပြုတ်ပြီး ကျွန်ုပ်တို့ဆန္ဒပြအဖွဲ့အတွက် ယူလာကြပါသည်။

သာသနာ့ဥသျှောင်အဖွဲ့မှ လောလောဆယ် ငွေ (၃ဝဝ)၊ ဘားမားပွိုင့်အဖွဲ့မှငွေ (၂ဝဝ) ပံ့ပိုးပါသည်။ ဟင်းချက် ပေးသော မိတ်ဆွေများ၊ တခြားသောမိတ်ဆွေများကလည်း အလှူငွေထည့်ကြပါသည်။ တခြားကိစ္စများလည်း ကူညီပါ၏။ ယခုအခါကျွန်ုပ်တို့အဖွဲ့သည် ချမ်းသာသွားလေပြီ။ နယူးယောက်သို့ဝင်စကပင် ကိုမင်းဆန်းမင်း အိမ်သို့ရောက်ပြီးနောက် အိုးခွက်ပန်းကန်များ၊ တချို့သောရိက္ခာများနှင့် ဝယ်ခြမ်းရန် ငွေ (၄ဝ)ကို ကိုမင်းဆန်းမင်း၏ဇနီးဖြစ်သူ မရီရီခင်ကပေးလိုက်ပြီးဖြစ်ပါသည်။ ယခုအခါ ဆန်၊ ဆီ စသည်တို့နှင့်တကွ ချက်ပြုတ်ပြီး ဟင်းများပါရရှိရာ အဆင်ပြေပြီမဟုတ်လော။ အားလုံးကိုကျေးဇူးတင်ပါသည်။ ဒီမိုကရေစီတိုက်ပွဲ မုချအောင်ရမည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၄ ရက်မြောက်နေ့ 4th day of Demonstration at the front of UN Building

ထိုင်သပိတ် (၄) ရက်မြောက်နေ့

စက်တင်ဘာလ (၁၂) ရက်၊ ၂ဝဝ၉

ရာသီဥတုသည် စထွက်ကတည်းက မှိုင်းမှုန်နေ၏။ ကားဘီးမပြင်ရသေးသဖြင့် ရထားနှင့်ချီတက်ရ၏။ Nickerboucker Station ရထားဘူတာမှ လှမ်းကြည့်သော် ကုလရုံးစိုက်ရာ ရပ်ကွက်တခိုသည် မိုးမြူတို့ဖြင့် ပိတ်ဖုံးနေ၏။ ညိုမှိုင်းနေ၏။ အခြေအနေကတော့ မသာယာလှပေ။

ရဲဘော်ဦးရှိန်သည် ငှက်တုပ်ကွေးမိသဖြင့် ယနေ့မလိုက်နိုင်။ ရဲဘော်မင်းဆွေဦးကလည်း ကားကိစ္စ ဆောင်ရွက် ရန်ရှိသဖြင့် ကျန်ခဲ့ရသည်။ ကိုဂျက်ကို ဖုန်းလှမ်းခေါ်ထား၏။ ကိုဂျက်လာမှ ကားကိစ္စလိုက်လံရှာဖွေပြီး ပြင်ဆင် ရမည်ဖြစ်သည်။ သို့ဖြင့် သိတ်မှောက်ပုရိသ (၃)ဦးသည် မိမိတို့၏ ဆန္ဒပြကရိယာများကို ထမ်းပိုးလျက် ရထား တတန်၊ မြေအောက်တတန် ချီတက်လာခြင်းဖြစ်သည်။

အရေးထဲတွင် အလံတိုင်သည် ရထားအမိုးထက်ပိုရှည်နေသဖြင့် ရထားထဲတွင် ကို့ယို့ကားယားဖြစ်နေ၏။ ကျွန်ုပ်တို့၏ တိုက်ပွဲဝင်ကားသည် ပုံမှန်ပြန်အလုပ်လုပ်နိုင်ရန် အရေးကြီး၏။ စုတ်ပြဲကွာကျသွားသော စာတမ်း ပိတ်စအတွက် လောလောဆယ် ပြန်လည်အစားမထိုးနိုင်သေး။ ပန်းခြံသို့ရောက်သည်ရှိသော် စင်ထိုးထား သည်ကိုတွေ့ရ၏။ တိုင်ဝမ်အဖွဲ့ဖြစ်ပါသည်။ စင်အနီးတွင် တီရှပ်အစိမ်းဝတ်ထားသော တိုင်ဝမ်လူမျိုး တယောက်စ နှစ်ယောက်စ တွေ့ရသည်။

ရဲဘော်ကဘောယူ ကလည်း ထိုသူများထံသို့ သွားရောက်မိတ်ဆက်၊ စာစောင်ပေးပြီး ပြောဆိုနေသည်ကို တွေ့ရ၏။ နေ့လည် (၁၂)နာရီထိုးလျှင် တိုင်ဝမ်ဆန္ဒပြအဖွဲ့ကြီးသည် လူကိုမမြင်ရခင်ကတည်းကပင် ဘင်ခရာ များတီးမှုတ်လျက် စနစ်တကျ ချီတက်လာ၏။ တီရှပ်အစိမ်းများကို လူတိုင်းဝတ်ဆင်ထားကြ၏။ အင်အားမှာ (၆ဝဝ) ခန့်ရှိမည်ဖြစ်သည်။ စင်နှင့်တကွ တကြောလုံးစိမ်းနေ၏။ အာဖရိကလူမည်းများနှင့် ဆင်ဆင်တူသော လူမျိုးများက ရှေ့တန်းမှ တီးမှုတ်လျက်လာခြင်းဖြစ်သည်။

ဤနေ့သည် ကျွန်ုပ်တို့အတွက်လည်း ထူးခြား၏။ အကြောင်းမူ အင်အားများပြားလှသော တိုင်ဝမ်အဖွဲ့က ကျွန်ုပ်တို့အဖွဲ့ကို ဖိတ်ခေါ်လျက် စင်ပေါ်တွင် စကားပြောရန် ကမ်းလှမ်းသောကြောင့်ဖြစ်သည်။ တိုင်ဝမ်အဖွဲ့ သည် အစီအစဉ်များကို တခုပြီးတခုပြုလုပ်ပြီးနောက် ကျွန်ုပ်တို့ကို စင်ပေါ်တက်ရန် လာအကြောင်း ကြား၏။

စင်ပေါ်ရောက်ပြီးသော်လည်း သူတို့ကိစ္စ (၃)ခုခန့် ဆက်တိုက်ရှိနေသဖြင့် ကျွန်ုပ်တို့သည် ဒေါ်အောင်ဆန်းစုကြည်၏ ပိုစတာများကိုကိုင်လျက် စင်ပေါ်တွင်ပင် ရပ်နေကြရာ ကြော်ငြာသလိုဖြစ်နေ၏။ ဆိုးတော့မဆိုးလှပေ။ အခန်းအနားစီစဉ်သူ၏ အကြံအဉာဏ်ဖြစ်၏။ ကျွန်ုပ်တို့အလှည့်သို့ရောက်သောအခါ ရဲဘော်ကဘောယူက ရှေးဦစွာ မြန်မာပြည်အကြောင်းနှင့်ကျွန်ုပ်တို့အကြောင်းကို စကားပြောကြား၏။ တိုင်ဝမ် လူထု၏ လွတ်လပ်ရေးလှုပ်ရှားမှုကို ကျွန်ုပ်တို့မြန်မာပြည်သား၊ ဆန္ဒပြအဖွဲ့ကလည်း ထောက်ခံကြောင်းကို ပြောပြ၏။

ထို့နောက် ရဲဘော်မောင်မောင်တိတ် စကားအနည်းငယ်ပြောဆို၏။ မြန်မာပြည်အတွက် မိုင်ပေါင်း (၉ဝဝ) ချီတက်လာကြောင်းကို ပြောကြား၏။ ဆက်လက်၍ "Free Free Aung San Su Kyi, Free Free Free Burma, We Support Taiwan, We Support President, Chan" ဟု ဟစ်အော်၍ ကြွေးကြော်သံကို တိုင်ပေးရာ တိုင်ဝမ်ပရိသတ်ကလည်း အလားတူကြွေးကြော်ကြကုန်၏။ ထူးခြားသောနေ့ မဟုတ်ပေလော။

တိုင်ဝမ်အဖွဲ့မှ လူမည်းများသည် ရိုးရာဝတ်စုံကို ဝတ်ဆင်ထား၏။ ရွှေအဆင်းရှိသော လက်ဝါးကပ်တိုင်ကြီး တခုကိုလည်း ကိုင်ဆောင်လာကြသည်။ ထိပ်ဆုံးတွင် ကနုတ်ပန်းသဏ္ဍာန်ရှိသော ပစ္စည်းတခုကို လေးလေး စားစားထမ်းလာသည်ကိုတွေ့ရသည်။ အားမာန်ရှိလှသော သီချင်းကိုဆို၏။ ထူးခြားလှသောတီးခတ်မှုရှိ၏။ တချို့ပုဂ္ဂိုလ်တို့၏ အပြင်ခံအင်္ကျီနောက်ကျောတွင် Fellowship of Taiwanese Christian Church of Greater of New York ဟူသော စာတမ်းရှိပါသည်။

တိုင်ဝမ်နိုင်ငံကို တရုပ်ကမစွက်ဖက်ရေး၊ ကုလသမဂ္ဂတွင် အဖွဲ့ဝင်ဖြစ်ရေးတို့အတွက်လာရောက်တောင်းဆို ဆန္ဒပြ တိုက်ပွဲဝင်ခြင်းဖြစ်ပါသည်။ ထိုအတွက်ကို အထက်တွင်ဖေါ်ပြခဲ့သော ဘာသာရေးအဖွဲ့က အကြီးအကျယ် ကူညီခြင်းဖြစ်သည်ဟု ဘာသာပြန်ဆိုသော် ရနိုင်ပါသည်။ အားလုံးပင် ညီညွတ်တက်ကြွသည်ကို တွေ့ရသည်။ ရဲရဲတောက် ဒို့တိုင်ဝမ်တွေ၊ သတ္တိခဲတွေဟု ဆိုရမည်။

ဒုတိယနေ့ကလည်း ဂျူးအဖွဲ့တဖွဲ့ လာရောက်ဆန္ဒပြကြသည်။ စာရွက်ကမ်းသဖြင့် ဖတ်ကြည့်ရာ အောက်ပါ အတိုင်းတွေ့ရ၏။ အစ္စရေးနိုင်ငံတွင် ဂျူးကလေးငယ်တဦးဆေးရုံတက်ရာ မလိုလားအပ်သောကုထုံး ပြင်းထန် သောဆေးဝါးများဖြင့် (၂) နှစ်ခန့်စမ်းသပ်ပြီးနောက် မိခင်ဖြစ်သူကို အပြစ်တင်ပြီး ဖမ်းဆီးလိုက်သောဟူ၏။ ဂျူးတို့ကမခံမရပ်နိုင်သဖြင့် အကြီးအကျယ်ပြဿနာတက်ကြသည်။ ဆရာဝန်ကိုလည်းကောင်း၊ ဆေးရုံကိုလည်းကောင်း ယခုအခါ တရားစွဲဆိုထားပါသည်။ အစိုးရဆိုသူတို့ကိုလည်း အကြီးအကျယ်ရှုတ်ချ ထားသည်။ ထိုကြောင့်ကုလသမဂ္ဂကို လာရောက်တိုင်တန်းခြင်းဖြစ်သည်။

မြန်မာနိုင်ငံတွင် လူထုခေါင်းဆောင်ဒေါ်အောင်ဆန်းစုကြည် အပါအဝင် တတိုင်းပြည်လုံး အကျဉ်းသားဖြစ်နေ၏။ ပြန်ပေးအဆွဲခံထားရ၏။ စိတ်ကူးတည့်သလို ဖမ်းဆီးနှိပ်စက်၊ သတ်ဖြတ်လုပ်ကြံခြင်းကို ခံနေရသည်။ ဤအခြင်းအရာတို့သည် ကမ္ဘာ့ကုလသမဂ္ဂနှင့် မသက်ဆိုင်သေးပါသလော။ အမေရိကန်၏အမိန့်ကို ကုလမသဂ္ဂ က ထိုင်စောင့်နေပါသလော။ ဖြစ်လည်းဖြစ်နိုင်ပါသည်။ မြန်မာ့အရေးနှင့်ပတ်သက်၍ ကုလတာဝန်ခံဖြစ်သော ဂမ်ဘာရီ ကိုယ်တိုင်ကလည်း သူ့မိသားစုအတွက် အဆင်ပြေသလို လုပ်ကိုင်စားသောက်နေရဟန်တူသည်။ အံ့ဖွယ်သရဲ၊ အံ့ဖွယ်သဘက် မဟုတ်ပါလော။

တိုင်ဝမ်အဖွဲ့မှ ပုဂ္ဂိုလ်များနှင့်လည်း ကျွန်ုပ်တို့ခရီးရှည်အကြောင်း၊ ဒေါ်အောင်ဆန်းစုကြည်အကြောင်း၊ မြန်မာပြည်အကြောင်းများကို ပြောဆိုကြပါသည်။ ခရီးရှည်အဖွဲ့၏ လှုပ်ရှားမှုများကို အထူးထောက်ခံ အားပေးပါသည်။ အခြေအနေချင်းမှာ ခပ်ဆင်ဆင်ဖြစ်၏။ လွတ်မြောက်ရေးအတွက် တိုက်ပွဲဝင်နေကြသူများ ဖြစ်ပါသည်။ သို့ဖြင့် တိုင်ဝမ်အဖွဲ့နှင့် ကျွန်ုပ်တို့အဖွဲ့ မိတ်ဆွေများဖြစ်သွားကြပါ၏။

အပြန်အလှန်ဓါတ်ပုံရိုက်ကြ၏။ လိပ်စာများပေးကြ၏။ သူတို့ရိုက်ယူထားသော ဗီဒီယိုအပိုင်းကိုလည်း ပို့ပေးမည် ဆိုပါ၏။ နေ့လည်စာမုန့်များပေးသည့်အပြင် တီရှပ်များလည်းလက်ဆောင်ပေးပါသည်။ တိုက်ပွဲဝင်သူများ အချင်းချင်း၊ အဖိနှိပ်ခံရသူများအချင်းချင်း မိတ်ဆွေဖြစ်ကြသည်မှာ မဆန်းသော်လည်း အလေးအနက် တွေးကြည့်လျှင် အလွန်အရေးကြီးသောကိစ္စဖြစ်ပါသည်။

ကျွန်ုပ်တို့သည် နေရာဒေသမတူသော်လည်း အကြောင်းရင်းမှာ အတူတူပင်ဖြစ်၏။ လူသားတို့၏ရပိုင်ခွင့်၊ လွတ်လပ်ရေး၊ ငြိမ်းချမ်းရေး စသည်တို့အတွက် တိုက်ပွဲဝင်နေသူများသည် တလှေထဲစီး တခရီးထဲ သွားနေသူ များမဟုတ်လော။ ထိုကဲ့သို့သောသူများသည် စည်းလုံးညီညွတ်ကြရန်အထူးလိုအပ်၏။ သို့မှသာ တန်ဖိုး ရှိလှသောစွန့်လွတ်မှုများသည် အဓိပ္ပါယ်ပြည်စုံလာမည်ဖြစ်သည်။

သင်တို့ ကျွန်ုပ်တို့၏ဦးခေါင်းထက်၌ ထမ်းပိုးထားသော၊ ပြည်သူလူထုကပေးအပ်လိုက်သော အထုပ်တထုပ်ရှိ၏။ ထိုအထုပ်သည် ဗာဟီရမဟုတ်၊ တိုလီမှုတ်စမဟုတ်၊ ကိုယ်ရေးကိုယ်တာမဟုတ်။ ရောင်း၍လည်းမရသော ဥစ္စာဖြစ်သည်။ ထိုဥစ္စာပိုင်ရှင်ကို နှိပ်စက်၍ မှေးမှိန်ပျောက်ကွယ်အောင်လုပ်မှသာ ခိုးသူတို့သည် ရာဇပလ္လင် ထက်တွင် လူယောင်ဆောင်၍ရမည်မဟုတ်လော။ ဒေါ်အောင်ဆန်းစုကြည် အမြန်ဆုံးလွတ်မြောက်ပါစေ။

ညနေ (၃)နာရီခွဲတွင် သတင်းမှတ်တမ်းကားရောက်လာသည်။ ဖျားနေသောဦးရှိန်လည်းပါလာသည်။ ကိုဂျက်က စားစရာများဝယ်လာ၏။ (၄)နာရီထိုးလျှင် မစန္ဒီရောက်လာပြီး ဆီ၊ ငါးသေတ္တာ၊ ဆန်၊ ကြက်ဥများ ယူလာ ပါသည်။ မသပြေနှင့် မသဲနု ညီအမတို့ ပေးလိုက်သောပစ္စည်းများကို မစန္ဒီက လာရောက်ပို့ဆောင်ခြင်းဖြစ်ပါ သည်။ သိပ်မကြာခင် ပန်းစည်းပေးသော အမေရိကန်အမျိုသမီးကြီးလည်း ရောက်လာပြီးလျှင် စကားစမြည် ပြောဆိုကြပါသည်။ ညနေ (၆) နာရီထိုးလျှင် ယနေ့အစီအစဉ်ကို သိမ်းလိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၂ ရက်နေ့ 2nd day of Demonstration at the front of UN' Building

မိုင်ပေါင်း (၉ဝဝ) ခရီးရှည် ပထမပိုင်းပြီးသည့်နောက် ဒုတိယပိုင်းအဖြစ် ထိုင်သပိတ် (၂) ရက်မြောက် စက်တင်ဘာလ (၁ဝ) ရက်၊ ၂ဝဝ၉

နံနက် (၉) နာရီခွဲခါနီးတွင် စတင်သည်။ စောစောစီးစီး လေတိုက်နှုန်းများနေ၏။ အခမ်းအနားပြင်ဆင်သူများ သည် လေတွင်လွင့်နေ၏။ မြောက်ပြန်လေသည် အချိန်စောစွာရောက်လာခြင်းမဟုတ်ပါ။ ဤရပ်ကွက်ကိုက ဤပုံအတိုင်းဖြစ်၏။

နေ့လည် (၁၁) နာရီကျော်ကျော်တွင် ကိုမင်းဆန်းမင်း နှင့် ကိုဂျက် တို့ရောက်လာသည်။ တနေကုန် လာထိုင် ပေး၏။ ညနေ (၄) နာရီခန့်တွင် ဝန်ကြီးဦးဘိုလှတင့် ရောက်လာသည်။ နေ့လည်စာစားရန် ငွေ (၆ဝ) လှူဒါန်း ၏။ ဝန်ကြီးကလည်း ကိုယ့်ထက်မွဲပုံရသည်။ မည်သို့ဆိုစေ လမ်းကြုံတုန်းရောက်လာသည်ကိုက ကျေးဇူးတင် ရမည်ဖြစ်သည်။

ညနေပိုင်းရောက်လာလေလေ လေတိုက်ကြမ်းလာလေဖြစ်၏။ လေတိုက်သည့်အပြင် အေးလာသဖြင့် ထိုင်နေရ သည်မှာ မဟန်လှချေ။ သို့မဟန်သည့်အတွက်ကြောင့် လမ်းလျှောက်နေစဉ်ကာလာက နေပူ၊ တောင်တက်၊ ချွေးပြိုက်ပြိုက်ထွက်သော နေ့များကို လွမ်းမိ၏။ ဆင်းရဲဇာတာဆိုသည်မှာ ဤသဘောမျိုးဖြစ်နိုင်သည်။ သို့ဖြစ်သည်ဆိုလျှင် တော်လှန်ရေးသမားတို့သည် ရာသက်ပန်ဆင်းရဲသားများဖြစ်ကုန်တော့၏။

တနေ့က ပန်းစည်းအိုးလေး ပေးခဲ့သောအဖွားကြီး Anne Redcliffe သည် နေ့လည်တွင် ရေနွေးဓါတ်ဗူးလာပေး ပါသည်။ အလှူငွေ (၁ဝဝ) ကိုလည်း ချက်လက်မှတ်ဖြင့် ကျွန်ုပ်တို့ထံ ပို့လိုက်ပြီဖြစ်၏။ နောက်တနေ့တွင်လည်း ရေနွေးလာပို့ဦးမည်။ နေ့တိုင်းလည်း လာနိုင်အောင်ကြိုးစားမည်ဖြစ်၏။ ကျေးဇူးတင်ရပါသည်။ ဆန္ဒပြမှုကို စုံစမ်းမေးမြန်းသူများ၊ လက်မှတ်ထိုးသူများ ရှိပါသည်။

ညနေသိမ်းခါနီးအချိန်တွင် ကိုအောင်တို့မောင်နှံရောက်လာ၏။ ကိုအောင်သည် ဘားမားပွိုင့်မှဖြစ်ပြီး၊ ဇနီး မမြမြစိုးသည် အမျိုးသမီးအဖွဲ့မှဖြစ်၏။ ယခင်နှစ်များကလည်း ကျွန်ုပ်တို့အဖွဲ့ကို အားပေးကူညီနေသူများ ဖြစ်ပါသည်။ ယခုလည်းကူညီကြမည်ဖြစ်ပါ၏။ ညနေ (၆) နာရီထိုးလျှင် တနေ့တာဆန္ဒပြမှုကို သိမ်းလိုက်ကြ သည်။

ညရောက်လျှင် ကိုမိုးချမ်း၊ မေစန္ဒာတို့တစုံ၊ ကိုဝင်းရှိန်မောင်နှင့် ကိုအောင်တို့ကလည်း ရိက္ခာများလာပို့ပါသည်။ ဆရာတော်ဦးပါမောက္ခ ကလည်း ရိက္ခာများပေးလိုက်ပါသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၁ ရက်နေ့ 1st day of Demonstration at the front of UN' building

ကုလသမဂ္ဂအဆောက်အဦရှေ့ Dak Hammarskjold ပန်းခြံတွင် ခရီးရှည်အဖွဲ့ ထိုင်သပိတ် ပြုလုပ်ခြင်း၊
ပထမနေ့၊ စက်တင်ဘာလ (၉) ရက်၊ ၂ဝဝ၉

မြန်မာပြည်နှင့် ဒေါ်အောင်ဆန်းစုကြည်လွတ်မြောက်ရေး မိုင်ပေါင်း (၉ဝဝ) ခရီးရှည် အောင်မြင်စွာ ပြီးဆုံးသွား ပြီးနောက်၊ ဒုတိယအစီအစဉ်အနေဖြင့် ပန်းခြံတွင် စက်တင်ဘာလ (၉) ရက်မှစတင်၍ စက်တင်ဘာလ (၁၇) ရက်အထိ ထိုင်သပိတ်ပြုလုပ်ကြမည်ဖြစ်သည်။ ယခုအခါ ခရီးရှည်အဖွဲ့သည် ကိုမင်းဆန်းမင်း ပိုင် သော Apartment တွင် နေထိုင်ကြခြင်းဖြစ်သည်။ Brooklyn ရပ်ကွက်တွင် တည်ရှိ၏။ ကားဖြင့်လည်းကောင်း၊ ရထားဖြင့်လည်းကောင်း အနည်းဆုံး ၄၅ မိနစ် အချိန်ယူသည်။

ယနေ့ စက်တင်ဘာလ (၉) ရက်နေ့၊ နံနက် (၉) နာရီခွဲတွင် ပန်းခြံသို့ရောက်ရှိပြီး၊ Long March for Burma and Daw Aung San Su Kyi ဟူသောစာတမ်း၊ ဒေါ်အောင်ဆန်းစုကြည်ပုံ ပန်းချီကားများ၊ ပိုစတာများ၊ အလံများဖြင့် အခမ်းအနားပြင်ဆင်၏။ (၁၁) နာရီခွဲတွင် အမေရိကန် အမျိုးသမီးတဦး ရောက်လာပါသည်။ အမည်မှာ Anne Redcliffe ဖြစ်ပါ၏။ ၁၉၆၉ ခုနှစ်တွင် မြန်မာပြည်သို့ ရောက်ဖူးသည်ဟုဆို၏။ ထိုစဉ်က ထိုင်းနိုင်ငံတွင် နေထိုင်သူဖြစ်သည်။ ရန်ကုန်၊ မန္တလေး၊ ပုဂံ စသည့်မြို့များသို့ ရောက်ဖူးသူဖြစ်သည်။ ဒေါ်အောင်ဆန်းစုကြည်ကို လေးစားသောအားဖြင့်လည်းကောင်း ကျွန်ုပ်တို့၏ လှုပ်ရှားမှုကို အားပေးထောက်ခံ သည့်အနေဖြင့်လည်းကောင်း ပန်းစည်းလာပေးခြင်းဖြစ်သည်။

ဤအမျိုးသမီးပင် ညနေပိုင်းတွင် တခေါက်ရောက်လာပြီး အအေးဗူးများပေးပါသည်။ ယနေ့ ရောက်လာ အားပေးသူများမှာ NLD မှ ကိုရဲထွဍ်၊ နယူးယောက်မြို့ အမျိုးသမီးအဖွဲ့မှ မစန္ဒီ၊ ဘားမားပွိုင့်မှ ကိုမိုးချမ်း၊ ဒေါက်တာသောင်းထွန်း၊ Burma Office (UN) ရုံးတွင် အမှုထမ်းသော အီတလီအမျိုးသား၊ အဆိုပါရုံး၏ ဒါရိုက်တာ မ Myra တို့ဖြစ်သည်။

ကိုမင်းဆန်းမင်း၏ မိတ်ဆွေဖြစ်သော အလက်ဇန္ဒား က အလှူငွေ (၄ဝ) ထည့်ပါသည်။ ဤအကြိမ်သည် ဒုတိယ အကြိမ်လှူခြင်းဖြစ်၏။ ကျွန်ုပ်တို့အဖွဲ့ လမ်းခုလတ်တွင် ရှိနေစဉ်ခိုက် ပထမအကြိမ် ငွေ (၁ဝဝ) လှူဒါန်းခဲ့ပြီး ဖြစ် သည်။ ဤပုဂ္ဂိုလ်ကပင် ကျွန်ုပ်တို့အနေဖြင့် ကျန်းမာရေးနှင့် ပတ်သက်သော ကိစ္စရပ်များရှိပါက သူ့အား အကြာင်းကြားရန်ပြောဆို၏။ သူကူညီမည်ဖြစ်၏။ ဒေါ်မာလာမင်း (၂၅) ဒေါ်လာ၊ မစန္ဒီ (၅ဝ) ဒေါ်လာ လှူဒါန်း ကြပါသည်။ မမိုင်ရာ ကလည်း ညနေစာထမင်းကျွေးပါ၏။

အမရိကန် (၃) ဦးရောက်လာပါသည်။ ထောက်ခံအားပေးသဖြင့် လက်မှတ်ထိုးပေးကြသည်။ ယနေ့ရောက်လာ မေးမြန်းသူများတွင် သွားလာရင်းလျှောင်တခင် မေးမြန်းသူများလည်းရှိ၏။ ကုလသမဂ္ဂရုံးတွင် အမှုထမ်း နေကြသော အမေရိကန်၊ မြန်မာပြည်သား စသည်ဖြင့် ပါဝင်ပါသည်။ ၂ဝဝ၄၊ ၂ဝဝ၅ ခုနှစ်တွင် မြန်မာပြည်၌ နေဖူးသော အမေရိကန်မောင်နှံလည်းရောက်လာပြီး လက်မှတ်ထိုးပေးပါသည်။ ပြန်ခါနီးတွင် သန်းရွှေကို ဆဲသွားပါသေး၏။

ညနေ (၆) နာရီတွင် ကျွန်ုပ်တို့၏ ထိုင်သပိတ်အဖွဲ့ စခန်းသိမ်းပါသည်။ ပုံမှန်အားဖြင့် နံနက် (၉) နာရီတွင် စတင်ပြီး၊ ညနေ (၆) နာရီတွင် ရုပ်သိမ်းမည်ဖြစ်ပါ၏။ မနက်ဖြန်တင်ပြပါဦးမည်။

ဆန္ဒပြရဲဘော်တဦးတင်ပြသည်။