အစာငတ်ခံဆန္ဒပြခြင်း (၅) ရက်မြောက်နေ့
စက်တင်ဘာလ (၂၂) ရက်၊ ၂ဝဝ၉

ပန်းခြံသို့ နံနက် (၈) နာရီ (၄၅) မိနစ်တွင်ရောက်ရှိသည်။ လမ်းများပိတ်ထား၏။ ဒီပလိုမက်ကားများမှလွဲ၍ မဝင်ရပါ။ လုံခြုံရေးထူထပ်လှ၏။ ယနေ့အဖို့ ကျွန်ုပ်တို့အဖွဲ့ ရထားဖြင့်လာကြသည်။ အနီးရှိဆိုင်တွင် ပစ္စည်းတချို့ အပ်ထားခဲ့၍ တော်ပါသေးသည်။ မဟုတ်ပါက ထမ်း၍ယူလာရမည်။ မထမ်းနိုင်တော့ပါ။ အားမရှိတော့။ အခမ်းအနားကို အကျဉ်းရုန်းပြင်ဆင်လိုက်သည်။

ဆန္ဒပြရာပန်းခြံသို့ ရောက်ကတည်းက သဘာဝပတ်ဝန်းကျင်အဖွဲ့တဖွဲ့ ဆန္ဒပြနေသည်။ တိဘက်အဖွဲ့ကလည်း အခမ်းအနားပြင်ဆင်နေကြ၏။ တိဘက်ဘုန်းတော်ကြီးကိုလည်း တွေ့ရသည်။


(၉) နာရီ (၁၅) မိနစ်တွင်WCBS Radio နှင့် အင်တာဗျူးရသည်။ လောလောဆယ် ကျွန်ုပ်တို့အတွက် နေရာ ကျယ်ကျယ်ရထားသည်။ ထောက်လှမ်းရေးရောက်လာ၏။ နောက်ထပ်များပြားသောအဖွဲ့များ ရောက်လာ စရာရှိသဖြင့် ကျွန်ုပ်တို့နေရာ ကျဉ်းသွားလိမ့်မည်ဆို၏။ ပြောရင်းဆိုရင်း ရဲများက အတန်းများလာချလိုက်သဖြင့် နေရာကျဉ်းသွားလေ၏။ အလံတိုင်များသည် သစ်သားချောင်းများဖြစ်နေသဖြင့် ရုပ်သိမ်းလိုက်ရသည်။

တိဘက်အဖွဲ့က အကြီးအကျယ်ကြွေးကြော်ဆန္ဒပြနေ၏။ ကုလသမဂ္ဂကို အိပ်ယာမှနှိုးနေပြီး၊ တရုပ်ကိုရှုတ်ချ နေသည်။ သီရိလင်္ကာအဖွဲ့ရောက်လာသည်။ ဘုန်းတော်ကြီးများပါဝင်၏။ တခုတည်းသော သီရိလင်္ကာ နိုင်ငံဖြစ်ရေးအတွက် လာရောက်ဆန္ဒပြနေခြင်းဖြစ်သည်။ လက်ရှိအစိုးရကို ထောက်ခံသော အဖွဲ့ဖြစ်ဟန် တူပါ သည်။
တရုပ်အဖွဲ့တဖွဲ့ကလည်း တရားထိုင်နေ၏။ Falun Gong အဖွဲ့ဖြစ်ပါသည်။ မိမိတိုင်းပြည်အတွက် လာရောက် ဆန္ဒပြနေသူ အဖွဲ့များအားလုံးသည် အာရှတိုက်သားများချည်းဖြစ်၏။ ဂျူးအဖွဲ့တဖွဲ့လည်း ဆန္ဒပြနေသည်။

ပန်းစည်းရှင်အဖွားကြီးရောက်လာသည်။ မြန်မာဘုန်းတော်ကြီးများ ဘယ်အချိန် ရောက်လာမည့် အကြောင်း မေးသည်။ တရုပ်မောင်နှံ ရောက်လာ၏။ ကိုးကန့်တွင် ဖြစ်ပျက်နေသောကိစ္စများနှင့် ပတ်သက်၍ ၎င်းဒေသရှိ တရုပ်လူမျိုးများကိုကူညီချင်ကြသည်။ သို့ရာတွင် မြန်မာပြည်သို့ သူတို့မသွားရောက်နိုင်။ ကွန်မြူနစ်တရုပ် ကလည်း အစစ်အဆေးထူထပ်သောကြောင့်ဖြစ်သည်ဆို၏။

မမိုင်ရာလည်းရောက်လာသည်။ အာဏာရှင်များကို ငရဲပို့မည့် မိတ်ဆွေတရုပ်လည်း သူ့ဆိုင်းဘုတ်ကလေးကို ကိုင်၍ရောက်လာသည်။ ဝန်ကြီးချုပ်ဒေါက်တာစိန်ဝင်း၊ ဇနီးဒေါ်စီစီနှင့် သားလေးတို့အဖွဲ့ရောက်လာသည်။ ကိုးကန့်ပြည်သူများကို ကူညီချင်သည်ဆိုသော တရုပ်မသည် မမိုင်ရာနှင့် ဗျူဟာခင်းကျင်းပြီးနောက်၊ ဝန်ကြီးချုပ်ဒေါက်တာစိန်ဝင်းနှင့် တွေ့ဆုံဆွေးနွေးသမှုပြုနေသည်။

ဒီဗွီဘီသတင်းထောက် ကိုအောင်အောင်ရောက်လာ၏။ ရွှေဝါရောင်တော်လှန်ရေး သံဃာ့တပ်ပေါင်းစု လှုပ်ရှားရန်ရှိသဖြင့် မှတ်တမ်းတင်ရန် ရောက်လာခြင်းဖြစ်ဟန်တူသည်။ မစန္ဒီလည်းရောက်လာ၏။

VOA မှ သတင်းထောက်လာရောက်ဗျူးသည်။ မေးမြန်းချက်မှာ မည်သည့်အတွက် ယနေ့လာရောက် အစာငတ်ခံဆန္ဒပြနေကြောင်း။ ရဲဘော်မောင်မောင်တိတ်၏ ဖြေဆိုချက်မှာ ကုလသမဂ္ဂအထွေထွေညီလာခံ ကျင်းပနေချိန်တွင် မြန်မာ့အရေးကို အာရုံစိုက်မိစေရန်၊ ၎င်းအတွက် အမြဲတမ်းအဖွဲ့ဝင်နိုင်ငံများနှင့် လုံခြုံရေး ကောင်စီသို့ စာပို့ထားပြီးဖြစ်ကြောင်း၊ ၁၉၉ဝ ခုနှစ်၊ မေလရွေးကောက်ပွဲအကောင်အထည်ဖေါ်စေလိုပြီး၊ စစ်အာဏာရှင်တို့ကြံစည်သည့် ၂ဝ၁ဝ ရွေးကောက်ပွဲကို ကန့်ကွက်ကြောင်း၊ တရားမဝင်အစိုးရကို မထောက်ခံပါ စသည်တို့ဖြစ်၏။

ဆက်လက်၍ Associated Press ကသတင်းထောက်လည်း လာရောက်မေးမြန်း၏။ အဓိကမေးချက်မှာ အထက်ပါအတိုင်းပင်ဖြစ်သည်။ ကျွန်ုပ်တို့၏ခေါင်းဆောင် ဒေါ်အောင်ဆန်းစုကြည်လွတ်မြောက်ရေးနှင့် မြန်မာ့အရေး ကုလသမဂ္ဂ မှ အရေးယူဆောင်ရွက်ရန် လမ်းလျှောက်ချီတက်ခဲ့ကြောင်း၊ အစာငတ်ခံ ဆန္ဒပြ နေကြောင်း ပြောဆိုလိုက်၏။

မြန်မာ့မိတ်ဆွေတချို့ရောက်လာသည်။ ရွှေဝါရောင်တော်လှန်ရေး၊ သံဃာ့တပ်ပေါင်းစု ပြည်ပတာဝန်ခံ ဆရာတော်ဦးပညာဇောတ ကြွလာသည်။ နယူးယောက်မြို့နေ ကိုအောင်မိုးဝင်းလည်း ပါလာသည်။ အစီအစဉ်မှာ တိဘက်၊ အီရန်နှင့် မြန်မာအဖွဲ့တို့ ပူးပေါင်းပြီး ဆန္ဒပြရန်ရှိသည်။ ယနေ့တွင်လည်း ထိုပူးပေါင်းမှုတွင် ဆရာတော်က မိန့်ခွန်းပြောကြား၏။ တိဘက်ပြည်သူတို့အတွက် လည်းကောင်း၊ မြန်မာ့အရေးအတွက်လည်းကောင်း ဟောကြားသည်။ အာဏာရှင်တို့ဖိနှိပ်မှုကြောင့် တိဘက်နှင့် မြန်မာများသည် ဤအချိန်ဤနေရာ၌ လာရောက်တိုက်ပွဲဝင်နေကြရသော တူညီသောဖြစ်စဉ်ကို ပြောပြသည်။

အဖွဲ့အစည်းများသည် စုံလင်လှ၏။ ဝါစိမ်းနီပြာ ခရမ်း မဲနယ် လိမ္မော် စသည်ဖြင့် အလံပေါင်းစုံနေသည်။ တိဘက်အဖွဲ့က အလွန်တက်ကြွ၏။ လူလည်းများ၏။ အသံမစဲစတမ်းကြွေးကြော် အော်ဟစ်နေကြသည်။ Falun Gong အဖွဲ့ကား ငြိမ်သက်စွာတရားထိုင်နေ၏။ လမ်းတဖက်တွင် သီရိလင်္ကာ အဖွဲ့တဖွဲ့ ထပ်ရှိသည်။ သူပုန်ကို ထောက်ခံသော ကျားတံဆိပ်အလံ အဖွဲ့ဖြစ်သည်။ အော်ဟစ်နေ၏။

ကျွန်ုပ်တို့အဖွဲ့ကား ခါတိုင်းကဲ့သို့ပင်။ ရဲဘော်မိုးသီးဇွန်ရောက်လာ၏။ ပြန်ခါနီးအချိန်တွင် ကိုရဲထွတ် ရောက်လာ၏။ အလှူငွေပေးသွားပါသည်။ မနက်ဖြန်တွင် တိဘက်၊ အီရန်၊ ရွှေဝါရောင်တော်လှန်ရေး၊ သံဃာ့တပ်ပေါင်းစုဆရာတော် ဦးပညာဇောတ အမှူးရှိသော မြန်မာအဖွဲ့တို့ ပူးပေါင်းဆန္ဒပြရန် အစီအစဉ်ရှိပါသေးသည်။

ဆန္ဒပြရဲဘော်တဦးတင်ပြသည်။

အစာငတ်ခံဆန္ဒပြခြင်း (၄) ရက်မြောက်နေ့
စက်တင်ဘာလ (၂၁) ရက်၊ ၂ဝဝ၉

နံနက် (၉) နာရီတွင် ပန်းခြံသို့ရောက်ရှိသည်။ ပန်းခြံတွင် လုံခြုံရေးထူထပ်လှ၏။ ရဲကားများပြည့်နေသည်။ မနေ့ ကတည်းကပင် ရဲအဖွဲ့က အနီးအနား၌ စောင့်နေသည်။

ကျွနု်ပ်တို့၏ အခမ်းအနားအပြင်အဆင်သည် ယခုအခါဂိတ်ဆုံးသို့ ရောက်သွား၏။ တာဝန်ရှိသူများက တာဝန်ရှိစွာလာပြောသဖြင့် ဆိုင်းဘုတ်၊ ပိုစတာ၊ အလံ စသည်တို့သည် လုံးဝကြိုးချည်၍မရတော့ပါ။ စာတမ်းကို တနေကုန် ကိုင်ထားရမည်ဖြစ်၏။

(၁၁)နာရီထိုးခါနီးအချိန်တွင် ပန်းစည်းရှင်အဖွားကြီးရောက်လာသည်။ပန်းအိုးများကိုရေအသစ်လဲ၏။ လက်ကမ်း စာစောင်ကူးထားသည်များကို လာပေးသည်။ ရဲဘော်စောငိုအတွက် ပြင်သစ်ပန်းချီဆရာများ၏ ပန်းချီကားပို့စကဒ်များကို လက်ဆောင်ပေးပါသည်။

(၃) နာရီထိုးခါနီးတွင် မနေ့က ဖုန်းဆက်ထားသည်ဆိုသော ပုဂ္ဂိုလ်တဦးရောက်လာသည်။ သတင်းယူသော အဖွဲ့ ဖြစ်သည်။ ရဲဘော်မင်းဆွေဦးနှင့် မေးမြန်းသမှုပြုနေ၏။

ရဲအဖွဲ့ကလည်း ပန်းခြံတွင်လာစုနေရာ လမ်းသွားလာသူများပင် နေရာမရှိဖြစ်နေသည်။ ယနေ့အဖို့ ဤနေရာ တွင် အကျဉ်းချုံးပါရစေ။

ဆန္ဒပြရဲဘော်တဦးတင်ပြသည်။

အစာအငတ်ခံ ဆန္ဒပြခြင်း တတိယနေ့ 3rd of Hunger Strike at the front of UN Building

အစာငတ်ခံဆန္ဒပြခြင်း တတိယနေ့

စက်တင်ဘာလ ၂ဝ၊ ၂ဝဝ၉

နံနက် (၉) နာရီထိုးရန် (၁ဝ) မိနစ်အလိုတွင် အခမ်းအနားပြင်ဆင်ပြီးစီးသည်။ သာယာသောနေ့ဖြစ်ပါသည်။ ကိုမြတ်ထွန်းရောက်လာပါသည်။ ပန်းစည်းရှင် အဖွားကြီးလည်း ရောက်လာပါသည်။ ပန်းအသစ်များထပ်ဖြည့်၏။ စကားစမြည်ပြောကြသည်။

ထိုအမျိုးသမီးကြီးသည် ပြင်သစ်မဂ္ဂဇင်း တွင်လုပ်ကိုင်နေသူဖြစ်၏။ အနုပညာနှင့် ပတ်သက်သော အလုပ် ဖြစ်ပါသည်။ အရှေ့တိုင်းယဉ်ကျေးမှုကို လေ့လာနေသူဖြစ်သည်။ ဓါတ်ပုံပညာနှင့် ရှေးဟောင်းအနုပညာများ ပါဝင်သည်။ အတော်ကြာကြာ စကားပြောပြီးနောက် နှုတ်ဆက်ပြီးပြန်သွားသည်။

(၁၁) နာရီ (၄၅) မိနစ်တွင် ပန်းခြံတာဝန်ရှိသူရောက်လာသည်။ သစ်ပင်နှင့် မီးတိုင်တို့တွင် ချည်နှောင်ထား သော စာတမ်းကို ဖြုတ်ခိုင်းပါသည်။ ထိုကြောင့် ကျွန်ုပ်တို့၏ အပြင်အဆင်သည် တတိယမ္ပိ ဒီဇိုင်းဖြစ်သွားပါ၏။ ပထမတုန်းကလည်း တကြိမ်ဖြုတ်ရပြီးပြီဖြစ်၏။ သံတန်းနှင့် သစ်သားအကန့်တွင် စာတမ်းကိုကြိုးနှင့် တန်းလိုက် ၏။ အမှန်မှာတော့ ပန်းခြံစည်းကမ်းနှင့် ည‡ိစွန်းလျက်ရှိတုန်းပင်။

ပန်းခြံရှိသစ်ပင်နှင့် ဓါတ်တိုင်ကို အမှီပြုပြီး မြန်မာပြည် ဒီမိုကရေစီမရနိုင် ဆိုသည်ကို မီးမောင်းထိုးပြခြင်း ဖြစ်သည်။ ပြချင်လျှင် ကိုယ့်စတင်းကို ရှာဖွေလာရမည်ဖြစ်၏။ စတင်းနှင့် ခုံနှင့် တန်းနှင့်ဆိုလျှင် ငွေတထောင် လောက်လိုပါသည်။ ငွေမရှိလျှင် စတင်းမရှိ။ စတင်းမရှိလျှင် ပြ၍မရ။ ဤကား လောကကို အစိုးရသော တရား လည်းဖြစ်၏။

လက်ကမ်းစာစောင်တွင် ကျွန်ုပ်တို့ ဖုန်းနံပါတ်ကိုရသဖြင့် တရုပ်အဖွဲ့တဖွဲ့ ဖုန်းဆက်မေးမြန်းသည်။ ကျွန်ုပ်တို့ အစာငတ်ခံဆန္ဒပြအဖွဲ့သို့ နောက်ထပ်အင်အားမည်မျှရောက်လာမည့်အကြောင်း၊ တခြားသောအဖွဲ့များလည်း ရောက်လာရန်ရှိမရှိ စသည်တို့ကို မေးမြန်းသည်။

ထို့နောက် နာရီဝက်ခန့်ကြာလျှင် ထိုအဖွဲ့ရောက်လာသည်။ အစာငတ်ခံဆန္ဒပြသည့်ကိစ္စ၊ လမ်းလျှောက် ချီတက်သည့်ကိစ္စများကို မေးမြန်းသည်။ အမေးအမြန်းထူထပ်ပြီး လက်မှတ်ထိုးမသွားသော ပုဂ္ဂိုလ်ဖြစ်သည်။ လေ့လာသူတိုးရစ်အနေဖြင့်သာ လာသူဆို၏။ ပါလာသောအဖွဲ့ကလည်း လေ့လာသူပုံစံတော့ပေါက်ပါသည်။ မည်သည့်သတင်းဌာနမှ မဟုတ်ပါ။

နေ့လည်တွင် တိုကျိုဗြူရို ဂျပ်စတိစီစတမ်အဖွဲ့မှ လာရောက်မေးမြန်းသည်။ ဗီဒီယိုမှတ်တမ်းရိုက်သမား နှစ်ယောက် နှင့် အရာရှိဟုယူဆရသူတယောက်ဖြစ်ပါသည်။ အစာငတ်ခံဆန္ဒပြနေသည့်အကြောင်း၊ ကုလသမဂ္ဂသို့ တင်ပြချင်သည့်အကြောင်းများ နှင့် ဤလှုပ်ရှားမှုကို မည်ကဲ့သို့စတင်ခဲ့ကြောင်း မေးမြန်းပါသည်။
အခမ်းအနားပြင်ဆင်ထားသည်များကို ထောင့်စုံအောင်ရိုက်ကူးသည်။ ဒေါ်အောင်ဆန်းစုကြည်ပုံပန်းချီကား၊ ဆိုင်းဘုတ်နှင့် စာတမ်းများကို အသေအချာရိုက်ကူးသည်။

ညနေ (၆) နာရီထိုး၍ ပစ္စည်းများသိမ်းပြီး ကားပေါ်တင်နေစဉ် ကိုးရီးယားပုဂ္ဂိုလ်တဦးရောက်လာပြီး လက်ကမ်း စာစောင်တောင်းပါသည်။ ကိုးရီးယားမီရှင်အဖွဲ့မှဟု မိတ်ဆက်ပါသည်။ ကျွန်ုပ်တို့၏လှုပ်ရှားမှုကို အားပေး ထောက်ခံကြောင်းပြောဆိုသည်။ မြန်မာပြည်အကြောင်းတင်ပြရန် အချိန်ကောင်း ဖြစ်ကြောင်းလည်း ပြောသည်။ စောစောကလာသော တရုပ်နှင့်တော့ ကွာခြားလှသည်။ တိုင်းပြည်ပြန်ပါက အနည်းဆုံး ထမင်းအိုးကွဲမည်ကို သတိပြုရမည်။

ကောင်းလေစွ။ အသက်ကိုဉာဏ်စောင့်၏။ သိန်းစိန်ကို မည်သူစောင့်မည်မသိ။ ကြက်ဥပုပ်နှင့် စောင့်ရန် အစီအစဉ်ရှိသလိုလို ကြားရသည်။ မြန်မာပြည်တွင် စစ်ဗိုလ်ဝန်ကြီးချုပ်များ၏ လူ့သက်တမ်းသည် အရူးထောင် နှင့် သင်္ချိုင်းတွင် မှတ်ပုံတင်လျှောက်ထား၏။

ဆန္ဒပြရဲဘော်တဦးတင်ပြသည်။

Hunger Strike featured on Russia Today.

UN: showing up & showing off

Watch video and read full story by Russia Today.

အစာအငတ်ခံဆနပြခြင်း ဒုတိယနေ့ 2nd day of Hunger Strike at the front of UN Building

အစာငတ်ခံဆန္ဒပြခြင်း ဒုတိယနေ့
စက်တင်ဘာလ (၁၉) ရက်၊ ၂ဝဝ၉

နံနက် (၈) နာရီခွဲတွင် ရောက်ရှိသည်။ ဦးကျော်ဝင်း (စာရေးဆရာ ရွှေပြည်စိုး) ၏ မိတ်ဆွေဖြစ်သူ Utah ပြည်နယ်၌နေထိုင်သူ ကိုမြတ်ထွန်း ရောက်လာသည်။ အခမ်းအနားပြင်ဆင်ခြင်းတွင် ဝိုင်းဝန်းကူညီပါသည်။ ငွေ (၁ဝဝ) လည်း ကူညီပါ၏။ ခါတိုင်းနေ့များကဲ့သို့ အခမ်းအနားကို ပြင်ဆင်နေရာရဲဌာနမှ ထရပ်ကားများ ရောက်လာပြီး ပန်းခြံတွင်ဆန္ဒပြသူအဖွဲ့များအတွက် သံတန်းနေရာများပြင်ဆင်ရာ ကျွန်ုပ်တို့၏ စာတမ်းများ၊ အခင်းများ စသည်တို့ကို ခေတ္တရွှေ့ထားရသည်။

ပန်းခြံအပြည့် သံတန်းနေရာများ၊ အကွက်များချထား၏။ ကျွန်ုပ်တို့၏ နေရာသည် ခါတိုင်းနှစ်များအတိုင်း ယခင်နေရာမှာပင်ရှိပါသေးသည်။ ဤကဲ့သို့ ပန်းခြံအပြည့်အကွက်ချထားလျှင် နိုင်ငံတကာအဖွဲ့များ ရောက်လာတော့မည်။ အင်အားများပြားလှသဖြင့် ပန်းခြံတခုလုံးပြည့်နှက်နေလေ့ရှိသည်။

ယူတီကာမှ ကိုဇော်ဇော် နှင့်အဖွဲ့လည်း မနက်ကတည်းက အတူလာသည်ဖြစ်ရာ ညနေအထိနေပေးပါသည်။ ကိုဇော်ဇော်သည် ခရီးရှည်အဖွဲ့ ပြန်ကြားရေးဌာနမှဖြစ်ပြီး ခရီးရှည်ဘလော့ဂ်ကိုဖန်တီးနေသူဖြစ်သည်။ ယူတီကာမြို့တွင် တခြားသောကိစ္စရပ်များကလည်းရှိသဖြင့် မအားလပ်နိုင်ပါ။ ထိုကြောင့် ညနေ (၃) နာရီတွင် ယူတီကာမြို့သို့ပြန်ရမည်ဖြစ်၏။

မွန်းလွဲ (၂) နာရီထိုးရန် (၁၅) မိနစ်အလိုတွင် ဦးကိုလေးနှင့် မအာယီး တို့ဇနီးမောင်နှံရောက်လာပါသည်။ ခရီးရှည်အဖွဲ့ အစာငတ်ခံဆန္ဒပြနေသည်ကို လာရောက်အားပေးခြင်းဖြစ်သည်။ ကားရပ်ရန်နေရာ အခက်အခဲ ရှိသဖြင့် ကြာကြာမနေနိုင်ပါ။ အလှူငွေထည့်ပြီးနောက် နှုတ်ဆက်ပြီးပြန်သွားကြပါသည်။ ဦးကိုလေး၊ မအာယီး နှင့် မိတ်ဆွေများ၏ အလှူငွေ (၁ဝဝ) ဖြစ်ပါသည်။

ပန်းစည်းရှင် အဖွားကြီးလည်းရောက်လာပါသည်။ ပန်းအိုးနှစ်အိုးစလုံးအသစ်လဲပေးပါသည်။ အလှူငွေလည်း နောက်ထပ် (၁ဝဝ) ထည့်ပါ၏။ ကျွန်ုပ်တို့ မြန်မာ့အရေးလှုပ်ရှားသ၊ူ မိုင်ပေါင်း (၉ဝဝ) ခရီးရှည်လမ်းလျှောက်ခြင်း နှင့် အစာငတ်ခံဆန္ဒပြခြင်းကို အထူးထောက်ခံအားပေးသူဖြစ်ပါသည်။ မြန်မာပြည် မကြာမီလွတ်မြောက်ရမည်။

ညနေ (၅) နာရီထိုးရန် (၂ဝ) မိနစ်အလိုတွင် ဦးသန်းတင်ရောက်လာပါသည်။ ဦးနေဝင်းအာဏာသိမ်းပြီးနောက် တိုင်းပြည်သို့ မပြန်တော့သူဖြစ်ပါသည်။ ကျွန်ုပ်တို့အဖွဲ့ကို အလှူငွေပံ့ပိုးသူလည်းဖြစ်၏။ စကားစမြည် ပြောကြပါသည်။ မြန်မာပြည်ကိစ္စများနှင့် ပတ်သက်၍ အင်တာနက်များတွင် ရှာဖွေဖတ်ရှုနေသူလည်းဖြစ်သည်။

ညနေ (၆) နာရီတွင် ယနေ့အဖို့ကို သိမ်းလိုက်ကြသည်။

ဆန္ဒပြသူတဦးတင်ပြသည်။

အစာအငတ်ခံဆန္ဒပြခြင်း ပထမနေ့ 1st day of Hunger Strike at the front of UN Building

အစာငတ်ခံဆန္ဒပြခြင်း ပထမနေ့
စက်တင်ဘာလ (၁၈) ရက်၊ ၂ဝဝ၉

ပန်းခြံသို့ စောစီးစွာရောက်ပြီးနောက် အခမ်းအနားပြင်ဆင်သည်။ တခြားမြို့များမှ ချီတက်လာသူများမှာ ယူတီကာမြို့မှ ရဲဘော်ဇော်ဇော်၊ ရဲဘော်စိုးခိုင်၊ ရဲဘော်အဲနာ၊ ရဲဘော်နိုနို တို့ (၅) ဦးဖြစ်သည်။ နံနက် (၃) နာရီ ကတည်းက ကျွန်ုပ်တို့၏ဌာနချုပ်သို့ ရောက်လာခြင်းဖြစ်သည်။

နောက်တဖွဲ့မှာ Tenessee ပြည်နယ်မှ ဦးပန်းလှိုင်၊ ခရစ်ယာန်ဘုန်းကြီး ဖာသာဘူးခရစ်၊ ကိုရဲဝင်း၊ ဆော့ဝါး၊ ထော့မာ၊ ကိုအောင်မျိုး တို့ (၆) ဦးဖြစ်သည်။ ဤအဖွဲ့မှာ ညကတည်းကပင် ကိုမင်းဆန်းမင်းအိမ်သို့ ရောက်ရှိ နေသဖြင့် ယနေ့ နံနက်တွင် ကိုမင်းဆန်းမင်းက ဆန္ဒပြရာပန်းခြံသို့ လာပို့ခြင်းဖြစ်သည်။

ယနေ့အစာငတ်ခံမည့်ပုဂ္ဂိုလ်များမှာ ရဲဘော်မောင်မောင်တိတ်၊ ရဲဘော်စောငို၊ ရဲဘော်ကဘောယူ၊ ရဲဘော်စိုးခိုင်၊ ရဲဘော်အဲနာ၊ ရဲဘော်အောင်မျိုး၊ တပ်မဟာ (၁) တို့ (၆) ဦးဖြစ်သည်။ မိုင် (၉ဝဝ) ခရီးရှည် လမ်းလျှောက် ရဲဘော်များမှလွဲ၍ ဧည့်သည့်ရဲဘော်များမှာ မနက်ဖြန်ပြန်ရမည်ဖြစ်သည်။ တနေ့တာအစာငတ်ခံခြင်းဖြင့် အားဖြည့်ခြင်းဖြစ်သည်။

နံနက် (၈) နာရီ (၅) မိနစ်တွင် မက်ဆာချူးဆက် မှ လေ့လာရေးအဖွဲ့တဖွဲ့ရောက်လာသည်။ ဦးဆောင် လာသူမှာ Mr Paul ဖြစ်သည်။ အထက်တန်းကျောင်းသားကျောင်းသူလေးများပါဝင်သည်။ သူတို့ အဖွဲ့ တွင် (၁၄) ယောက်ရှိသည်။ အနာဂတ်၌ ထက်မြက်သောလူငယ်များဖြစ်လာစေရန် ယခုကတည်းက သင်ကြား လေ့ကျင့် နေခြင်းဖြစ်သည်။

အစာငတ်ခံဆန္ဒပြနေရခြင်းအကြောင်းများကို ရှင်းလင်းပြောပြရသည်။ လက်မှတ်များကိုလည်း ထိုးပေးကြသည်။ (၉) နာရီထိုးရန် (၁ဝ) မိနစ်အလိုတွင် နေသည် လင်းကနဲပွင့်လာ၏။ ယနေ့ စက်တင်ဘာလ (၁၈) ရက်၊ အစာငတ်ခံဆန္ဒပြခြင်း စတင်သမှုကို မှတ်တမ်းတင်သည့်သဘောဖြစ်သည်။

(၉) နာရီ (၂ဝ) မိနစ်တွင် သာသနာ့ဥသျှောင်ကျောင်းမှ ဆရာတော်ကြွလာပါသည်။ ကိုမိုးချမ်းက ကြိုလာခြင်းဖြစ်သည်။ (၁ဝ) နာရီထိုးရန် (၁၅) မိနစ်အလိုတွင် သာသနာ့ဥသျှောင်ဘုန်းတော်ကြီး (၃) ပါးºကွလာပါ၏။ ရဲဘော်မင်းဆွေဦးက ကြိုလာခြင်းဖြစ်သည်။ သာသနာ့ဥသျှောင်ဆရာတော်များမှာ ဦးစန္ဒောဘာသာစာရ (အတွင်းရေးမှူးဆရာတော်)၊ ဦးဣန္ဒြာစာရ၊ ဦးပညာဝံသ၊ ဦးစန္ဒောသာသ စုစုပေါင်း (၄) ပါးဖြစ်ပါ၏။

(၁ဝ) နာရီထိုးရန် (၁ဝ) မိနစ်အလိုတွင် အခမ်းအနားကို ငါးပါးသီလခံယူခြင်းဖြင့် စတင်လိုက်သည်။ မစတင်မီ ကိုဝင်းရှိန်မောင်ရောက်လာသဖြင့် အင်အားများပြားသွားပါသည်။ ဆရာတော်ဦးစန္ဒောဘာသာစာရ က အခမ်းအနားစတင်သည့် အဖွင့်အနေဖြင့် သြဝါဒမိန့်ကြားပါသည်။

ယခုကဲ့သို့ကြွလာခြင်းမှာ မြန်မာပြည်စစ်အာဏာရှင်ကို ဆန့်ကျင်သည့်အနေဖြင့်လည်းကောင်း၊ မိုင်ပေါင်း (၉ဝဝ) ချီတက်လာသည့် ရဲဘော်များ၏ အစာငတ်ခံဆန္ဒပြ လှုပ်ရှားမှုကို အားပေးသည့်သဘောဖြင့်လည်းကောင်း၊ ဒုက္ခရောက်နေသောမြန်မာပြည်သူများအတွက် တတ်နိုင်သည့်ဘက်မှ မိမိနည်းမိမိဟန်ဖြင့် တိုက်ပွဲဝင် လှုပ်ရှားမှုကို သာသနာ့ဥသျှောင်ဆရာတော်များက ကြိုဆိုကြောင်း စသဖြင့် မိန့်ကြားပါသည်။

ဆက်လက်၍ ဆရာတော်များက မေတ္တာသုတ်ရွတ်ဖတ်ပြီး ဆုတောင်းမေတ္တာပို့ရာ ရဲဘော်များနှင့်တကွ ကြွရောက်လာသူအပေါင်းက သာဓုခေါ်ကြပါသည်။ ခရစ်ယာန်ဘုန်းတော်ကြီး ဖာသာဘူးခရစ်ကလည်း ဆုတောင်းပေးပါသည်။

ဖွင့်ပွဲအခမ်းအနားပြီးဆုံးသော် ဓါတ်ပုံမှတ်တမ်းတင်ကြသည်။ ဆရာတော်များလည်း တခြားသော ပင့်ဖိတ် ထားသည့်နေရာများသို့ ကြွရဦးမည်ဖြစ်သဖြင့် ပြန်လည်ထွက်ခွာသွားပါသည်။

နယူးယောက်မြို့မှ တချို့သောမိတ်ဆွေများ ရောက်လာကြပါသည်။ အမေရိကန်တချို့လည်း အင်တာလာဗျူး သူများရှိ၏။ ညနေ (၄) နာရီခွဲခါနီးတွင် ကုလသမဂ္ဂရုံးချုပ်၌ တာဝန်ထမ်းဆောင်သော အမေရိကန်အဖွားကြီး (၂) ဦးရောက်လာပါသည်။ နှုတ်ဆက်မေးမြန်း၊ လက်မှတ်ထိုးပါသည်။ ဓါတ်ပုံများလည်း အမှတ်တရရိုက်ကြ၏။ ညနေသိမ်းခါနီးအချိန်တွင် နယူးယောက်မိတ်ဆွေတချို့ရောက်လာပါသေးသည်။ (၆) နာရီထိုးလျှင် ရုပ်သိမ်း လိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၉ ရက်မြောက်နေ့ 9th day of demonstration at the front of UN Building

ထိုင်သပိတ် (၉) ရက်မြောက်နေ့
စက်တင်ဘာလ (၁၇) ရက်၊ ၂ဝဝ၉

ရာသီဥတုသည် ထွက်လာကတည်းက မှိုင်းမှုန်နေ၏။ စိတ်ချ၍မရပေ။ နံနက် (၉) နာရီတွင် ပန်းခြံသို့ရောက်ရာ ပတ်ဝန်းကျင်သည် ညို့ညို့မှောင်မှောင်ပင်ဖြစ်၏။ ကုလအဆောက်အဦတွင် နိုင်ငံတကာ အလံများအားလုံးတင်ထား၏။ ဘေးရှိဆိုင်လည်း ဖွင့်၏။ အပြင်တွင် ခုံကလေးများစီထား၏။ မိုးမရွာနိုင်သည့် သဘောဖြစ်သည်။

(၁ဝ) နာရီခွဲကျော်ကျော်တွင် ပန်းစည်းပို့သော အဖွားကြီးရောက်လာသည်။ မာကျောသောအဖုံးဖြင့် အထူး ထုတ်ထားသော စာအုပ်တအုပ်ပေးပါသည်။ ဓါတ်ပုံစာအုပ်ဖြစ်ပါ၏။ တောတွင်းရှိအဖွဲ့အစည်းများမှ ရဲဘော်များ၏ ပုံများသက်သက်ဖြစ်ပါသည်။ (မကဒတ) ကျောင်းသားတပ်မတော်မှ အတော်များများပါဝင်သည်။ တခြားသောအဖွဲ့အစည်းများလည်းပါဝင်သည်။

အမေရိကန်ပြည်သို့ရောက်ရှိသည်မှာ ကြာပြီဖြစ်သော မြန်မာနိုင်ငံသားတဦးက တောတောင်တို့သို့ သွားရောက်ပြီး ရိုက်ကူးခဲ့ခြင်းဖြစ်သည်။ ထုတ်ဝေရခြင်းရည်ရွယ်ချက်မှာ အရေးတော်ပုံနှင့် တကွ တော်လှန်ရေးအရိပ်နိမိတ်တို့ ဆက်လက်ရှင်သန်နေစေလိုသော စေတနာဖြစ်သည်။ မေရီလင်းတက္ကသိုလ်တွင် ဓါတ်ပုံပညာကို သင်ခဲ့ခြင်းဖြစ်သည်။

ကျွန်ုပ်တို့ဆန္ဒပြအဖွဲ့တွင် လူများသဖြင့် နောက်ထပ်တအုပ် ထပ်လိုပါက သူရှာပေးမည်ဟုဆို၏။ မနက်ဖြန်ပန်းစည်းအသစ်လဲပေးဦးမည်။ မိုးဖွဲဖွဲကျနေသဖြင့် ကျွန်ုပ်တို့အတွက် စိတ်ပူနေရှာ၏။

မိုးကလေးများဖွဲဖွဲရွာတော့ ဒုက္ခရောက်ပါသည်။ (၁၁) နာရီထိုးလျှင် မိုးများလာသောကြောင့် စာတမ်းနှင့် ပိုစတာများဖြုတ်ထားလိုက်ရသည်။ လူရေစိုမှာထက် ပစ္စည်းရေစိုမှာကို ကြောက်နေရသော ကျွန်ုပ်တို့၏ အကြောက်တရားသည် တော်ရုံတော့ လွတ်မြောက်နိုင်မည်မဟုတ်။

ကျွန်ုပ်တို့ဆန္ဒပြရာပန်းခြံအရှေ့တည့်တည့်တွင် ကုလအဆောက်အဦအသစ်ကို တည်ဆောက်နေသည်။ ဤအဖွဲ့မှ ဆောက်လုပ်ရေးအဖွဲ့သည် နံနက် (၁၁) နာရီခွဲတွင် ကျွန်ုပ်တို့ရှိရာ ပန်းခြံသို့လာရောက် စုဝေးကြ သည်။ အင်အား (၁ဝဝ) ခန့်ရှိ၏။ ဆန္ဒပြမည့်သဘောဖြစ်သည်။ (၁၂) နာရီထိုးခါနီး တွင် ပြန်လည်ရုပ်သိမ်းပြီး ကိုယ့်အလုပ်ကိုယ်ပြန်ဝင်ကြသည်။

ညှိနှိုင်းဆွေးနွေးချက် အဆင်ပြေသွားပုံရသည်။ ဆောက်လုပ်ရေးအဖွဲ့မှာ ခေါင်းဖြူ၊ ခေါင်းပြာ၊ ခေါင်းနီ၊ ခေါင်းပြာနက် စသည်ဖြင့် ပညာရှင်ရော၊ ရိုးရိုးလုပ်သားပါအစုံအလင်ဖြစ်သည်။ အလုပ်ဝတ်စုံ၏ နောက်ကျောတွင် ကုမ္ပဏီအမည်ပါ၏။ ကောင်းလေစွ၊ ဆန္ဒပင်မပြလိုက်ရ၊ ပြေလည်မှု ရသွားသည်။ သတင်းထောက်အဖွဲ့လည်းပြန်သွားပြီ။

မြန်မာပြည်မှာဆိုလျှင်မူ သေဖို့သာပြင်ထားပေတော့။ ပေတလူသန်းရွှေအဖွဲ့သည် ဘုန်းကြီးများကိုပင် မြို့လည်တွင် ရိုက်သတ်သူဖြစ်၏။ ဘုန်းကြီးခေါင်းများများခွဲနိုင်လေ ရာထူးကြီးကြီးရလေဟု ဥပဒေထုတ်ပြန်ပြီး လူယုတ်မာဖြစ်သော မိမိကိုယ်ကို (ဘုန်းကြီးများကိုသတ်ဖြတ်သော စွမ်းစွမ်းတမံဆောင်ရွက်ချက်ဖြင့်) ဂုဏ်ထူးများ ကိုယ့်ဖာသာ တီထွင်ချီးမြှင့်နေသည်။ ထွီ ရိုင်းလိုက်လေ။ မဟာပထဝီမြေကြီးသည် အဘယ် ကြောင့် မမြိုသေးဘဲရှိသနည်းဟု စဉ်းစား၍မရ။ ဧကန္တ အမျိုးအားလုံး တအုံလုံးတကျင်းလုံးစုံအောင် စောင့်နေပုံ ရသည်။

မိုးတိတ်ပြီ။ ကြမ်းပြင်လည်းခြောက်သော် စာတမ်းကို ပြန်တင်ကြသည်။ ရေစိုသဖြင့်လှမ်းထားသော အခင်းများကိုလည်း နေရာပြန်ချသည်။ စာတမ်းသည် ရေစိုသဖြင့်ပွပြီး ကော်ကပ်ထားသောစာလုံးများ ကွာကျကုန်၏။ ရေခြောက်သဖြင့် ကော်ပြန်ကပ်သော်လည်း အဆင်မပြေပါ။ ဤအတိုင်းသာ တင်ထားလိုက်၏။ နောက်နှစ်မှ အရေးပေါ်ပြန်ပြင်ရမည်။ ဒီမိုကရေစီမရသည်မှာ ဤအလုံးများလည်းပါဝင်၏။

မွန်းလွဲ (၂) နာရီထိုးခါနီး ကိုဇော်ရောက်လာသည်။ ကျွဲရိုင်းဗူးများလာပေးခြင်းဖြစ်သည်။ မနက်ဖြန် အစာငတ်ခံ ဆန္ဒပြမည့် ပုဂ္ဂိုလ်များ ယနေ့အားရှိစေလိုခြင်းဖြစ်သည်။ (၅) နာရီ (၄၅) မိနစ်တွင် ကိုဝင်းရှိန်မောင်ရောက်လာ သည်။ မြန်မာကောင်စစ်ဝန်အိမ်ရှေ့တွင် Amnesty International အဖွဲ့နှင့် နယူးယောက်ရှိ မြန်မာအင်အား စုများ ဒေါ်အောင်ဆန်းစုကြည် လွတ်မြောက်ရေးအတွက် ယခုပင် ဆန္ဒပြကြ မည်ဖြစ်သည်။

ကိုဝင်းခိုင်လည်းရောက်လာ၏။ သူ့သူငယ်ချင်း စိုင်းညီညီနှင့် ဇနီးလည်းရောက်လာပါသည်။ လူစုံတုန်း စကားစမြည်ပြောဆိုကြ၏။ သို့ဖြင့် ညနေ (၆) နာရီထိုးလျှင် သိမ်းလိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၈ ရက်မြောက်နေ့ 8th day of demonstraton at the front of UN Building

ထိုင်သပိတ် (၈) ရက်မြောက်နေ့
စက်တင်ဘာလ (၁၆) ရက်၊ ၂ဝဝ၉

နံနက် (၉)နာရီတွင် စတင်သည်။ ရာသီဥတုသည် အခြေအနေမကောင်းလှပါ။ မြန်မာပြည်ဇလဗေဒ အရ ဆိုလျှင် မုန်တိုင်းလာမည့် လက္ခဏာဖြစ်သည်။ လေကလည်း အကြီးအကျယ်တိုက်နေ၏။

(၁ဝ) နာရီခွဲတွင် ပန်းစည်းပို့သော အဖွားကြီးသည် ပန်းအသစ်လာလဲပေး၏။ (၁၁) နာရီ (၃၅) တွင် ကိုဝင်းခိုင် ရောက်လာသည်။ မနေ့ကလည်း တနေကုန် နေပေးပါသည်။ လေတိုက်သဖြင့် အေး၏။

မစန္ဒီရောက်လာပြီး လက်ကမ်းစာစောင်များ ကူးထားသည်ကို လောပေးပါသည်။ (၁) နာရီ (၅) မိနစ်တွင် Bloomberg News Agency မှ အလက်ဇန္ဒားရောက်လာသည်။ ကျန်းမာရေးအတွက် လိုအပ်မှုရှိလျှင် သူ့ကို ပြောပါဟု တနေ့ကပြောထားသော ပုဂ္ဂိုလ်ဖြစ်သည်။ မြန်မာပြည်နှင့် တရုပ်ပြည်တို့ ပူးပေါင်းကြံစည် နေသော ဓါတ်ငွေ့ပိုက်လိုင်းကိစ္စ ဆောင်းပါးကို လာပို့ခြင်းဖြစ်သည်။ နယ်စပ်များတွင် ဖြစ်ပွားနေသော လက်နက်ကိုင် ပဠိပက္ခများနှင့် စီးပွားရေးတည်ဆောက်မှု စသည်တို့တွင် သိမ်မွေ့စွာ မကိုင်တွယ်ဘဲ မဖြစ်နိုင်ဆိုသော အကြောင်းဖြစ်သည်။

ထိုင်းနိုင်ငံ ချင်းမိုင်မြို့တွင် လာအိုဘုန်းတော်ကြီးတပါးသည် နယ်စပ်ဒေသရှိ မြန်မာဒုက္ခသည်များကို ကူညီစောင့်ရှောက်သည့်အကြောင်းများကိုလည်းပြောပြသည်။ ဤကိစ္စနှင့်ပတ်သက်၍ ထိုင်းနိုင်ငံမှ ပို့လိုက်သော စာတစောင်ကိုလည်း ပေးခဲ့သည်။ စာတွင် ကလေးများအတွက် ကျောင်းများတည်ဆောက်ပုံ၊ တရားစခန်းများဖွင့်ထားပုံ၊ လှူဒါန်းသည့်အတွက် ကျေးဇူးတင်ခြင်း စသည်တို့ကို ရေးထားသည်။

ရဲဘော်မောင်မောင်တိတ်သည် စာစောင်ဝေနေ၏။ ဒေါ်အောင်ဆန်းစုကြည်ပုံ ပိုစတာများကိုလည်း ယနေ့ကပ်ထားသည်။ ကိုမိုးချမ်း မနေ့ကလာပို့ခဲ့ခြင်းဖြစ်သည်။ ညနေ (၅) နာရီတွင် လူတဦးရောက်လာသည်။ ဓါတ်ပုံရိုက်၏။ လက်မှတ်ထိုးပေး၏။ လိပ်စာကဒ်တခုပေးခဲ့သည်။ ဓါတ်ပုံဆရာတဦးဖြစ်ပါသည်။ Lucitphoto မှ ဖြစ်ပါ၏။

ဤသူသည် မြန်မာပြည် စစ်အုပ်စုအကြောင်းကို သိသူဖြစ်ပါသည်။ စစ်အုပ်စုသည် မည်သူ့ကိုမျှ နားထောင် လိမ့်မည်မဟုတ်ကြောင်း၊ ပြည်သူလူထုကိုလည်း နားထောင်လိမ့်မည်မဟုတ်ကြောင်းကို ၎င်းကဆိုသည်။

သိမ်းခါနီးအချိန်တွင် နယူးယောက် ဘရုကလင်း၌နေထိုင်သူ ကိုအောင်မိုးဝင်းရောက်လာသည်။ Animation ဘာသာရပ်ဖြင့် ကျောင်းတက်နေသူဖြစ်၏။ ကိုမိုးချမ်း မနေ့ကထားခဲ့သော ဒေါ်အောင်ဆန်းစုကြည်ပုံများကို လာယူခြင်းဖြစ်သည်။ အီရန်နှင့် တိဘက်ပူးပေါင်း၍ပြုလုပ်မည့် ဆန္ဒပြပွဲတွင် နယူးယောက်နေ မြန်မာများ ကလည်း သွားရောက်ပူးပေါင်းရန်အစီအစဉ်ရှိသည်။ ထိုပွဲတွင် သုံးရန် ပိုစတာလိုခြင်းဖြစ်ပါသည်။

အကြမ်းဖက်အဖွဲ့အချင်းချင်း ပူးပေါင်းသော သဘောရှိသကဲ့သို့ ဒီမိုကရေစီ၊ ငြိမ်းချမ်းရေးလိုလားသူ ဆန္ဒပြအဖွဲ့ အချင်းချင်းလည်း ပူးပေါင်းကြရန် လိုအပ်လှသည်မဟုတ်လော။

အိမ်အပြန်လမ်းတွင် Broadway လမ်းနှင့် Broome လမ်းဆုံရာ တိုက်တခု၏ နံရံတွင် (၈) ပေခွဲခန့်ရှိသည့် ဒေါ်အောင်ဆန်းစုကြည်ပုံ ပိုစတာကြီးတခုကို တွေ့ရသည်။ ကျွန်ုပ်တို့ထံသို့ ရောက်လာသေသာပုံပင်ဖြစ်၏။ ဒေါ်အောင်ဆန်းစုကြည်ပုံသည် ယခုအခါနယူးယောက်မြို့ တိုက်နံရံတွင်ရောက်နေပြီဖြစ်သည်။

ဆန္ဒပြရဲဘော်တဦးတင်ပြသည်။

၇ ရက်မြောက် ထိုင်သပိတ် 7th day of demonstration at the front of UN Building

ထိုင်သပိတ် (၇) ရက်မြောက်နေ့
စက်တင်ဘာလ (၁၅) ရက်၊ ၂ဝဝ၉

နံနက် (၉) နာရီတွင် ယနေ့စတင်သည်။ နေ့စဉ်သတင်းပို့ရန် အင်တာနက်ရမည့်နေရာကို လိုက်ရှာရသည် ကလည်း ကိစ္စတရပ်ဖြစ်နေသည်။ ဘားမားဖန်းရုံးသို့ နေ့တိုင်းသွားရန်လည်းမသင့်တော်ပါ။ အကြောင်းမူ သူ့ရုံးသည် သူ့ကိစ္စနှင့်သူဖြစ်သောကြောင့်ပေတည်း။ ထိုကြောင့် အနီးအနားတဝိုက် လှည့်ပတ်ရှာနေရသည်။

နယူးယောက်မြို့၏ အဓိကပြဿနာမှာ ကားရပ်ရန်နေရာမရှိခြင်းပင်။ အင်တာနက်နှင့် ကားရပ်ရန်နေရာ တိုက်ပွဲဖြစ်လျက်ရှိ၏။ တချို့နေရာများတွင် အားအပြည့်ရှိသော်လည်း ဆက်သွယ်၍မရဖြစ်နေသည်။ ဤကိစ္စနှင့် ပတ်သက်၍ ကမ္ဘာနှင့်အဝှမ်း အော်တိုမစ်တစ် အခမဲ့အင်တာနက်ရရှိရေးကို ပညာရှင်များ ဖန်တီးမှရတော့မည်။

စုတ်ပြဲသွားသော ခရီးရှည်စာတမ်းနေရာတွင် စာတမ်းအသစ်တင်လိုက်သည်။ UN Security Council’ Action 0n Burma Badly Needed ဖြစ်ပါ၏။ အမှန်မှာစာတမ်းနီနီရဲရဲများများရှိလေ ကောင်းလေပင်။ သို့သော် ပန်းခြံတွင် စာတမ်းချိတ်ခြင်း၊ ပိုစတာတပ်ခြင်း စသည်တို့မှာ အခွင့်မရှိသဖြင့် အခက်အခဲများစွာရှိသည်။ နိုင်ငံတကာအဖွဲ့များစုံလာပြီး သူ့နေရာနှင့်သူ သံတန်းများခြားလိုက်လျှင် စာတမ်းများအတွက် နေရာခက်ခဲ သွားလေ့ရှိသည်။

ယနေ့ ကုလအစည်းအဝေးတွင် အထွေထွေပဏာမ စတင်နေပြီဟုကြားရသည်။ မြန်မာ့အရေးတွင် ရဲဘော်သိန်းစိန်သည် မည်သို့ရှင်းမည်မသိ။ ယခုဆိုလျှင် လူထုခေါင်းဆောင် ဒေါ်အောင်ဆန်းစုကြည် အထိန်းအသိမ်းခံနေရသည်မှာ နှစ်ပေါင်းရှည်ကြာလှပြီ။ မည်သည့်အပြစ်ကြောင့်နည်း။ ယခုကဲ့သို့ ဖမ်းဆီးထားရန် စစ်အုပ်စုတွင် မည်သို့သော အခွင့်အာဏာရှိပါသနည်း။

သတ္တုချကြည့်လျှင် တရားမှုကိုလိုလားသူ၊ ပြည်သူလူထုဘက်မှရပ်တည်သူ၊ ဒီမိုကရေစီ၊ လူ့အခွင့်အရေး တောင်းဆိုသူ၊ လွတ်လပ်ရေး၊ ငြိမ်းချမ်းရေးတင်ပြသူသည် သန်းရွှေမိသားစုကို ထိခိုက်စော်ကားသူအဖြစ် ယူဆပြီး အဖမ်းဆီးအချုပ်နှောင် ခံရမည်ဟု အဓိပ္ပါယ်ထွက်၏။

ကုလအဖွဲ့ကလည်း အချက်အလက်စုဆောင်းနေသည်မှာ သူ့အဖေကြီးနှင့် အဖေငယ်များပင် သေကုန်ကြပြီ။ စုဆောင်း၍မပြီးသေး။ အမှန်က အမေရိကန်က မီးစိမ်းမပြသေးသဖြင့် ကုလအဖွဲ့ကလည်း စိုးရိမ်မကင်း ဖြစ်ရကြောင်းလောက်သာ တတွတ်တွတ်ပြောဆိုနိုင်ရှာသည်။ ကြက်တူရွေးနှင့် သိပ်မကွာလှပါ။

အချက်အလက်ခိုင်မာအောင် အလုံးစုံပျက်သုဉ်းသည့်အချိန်ကို စောင့်နေပုံရသည်။ သေကြေပျက်စီး၊ မီးလောင်ပြာကျပြီး၍ လင်းတ တိုင်းပြည်ဖြစ်သွားရသည့်အချိန်ရောက်မှ ကုလအဖွဲ့ကလာ၍ မာမားနှင့် ပါရာစီတမော့ ဝေမည်ဆိုလျှင် ဒင်းတို့သည်လည်း ခွေးအ များနှင့် မည်သို့မျှခြားနားလိမ့်မည်မဟုတ်။

လူသူယုတ်တို့ကြီးစိုးပြီး လူကောင်းသူမွန်များထောင်ကျ၊ တောတောင်များသို့ ထွက်ပြေးပုန်းအောင်း နေရသည့်ကာလ ဖြစ်သောကြောင့်လည်း လောလောဆယ်တွင် အယုတ်တမာတို့ကသာ ဥပဒေပိုင်စိုးသလိုလို ဘာလိုလိုဖြစ်နေသည်။ အမှန်က မြန်မာပြည်တွင် ဥပဒေအလျှဉ်းမရှိပါ။ တရားရေးမဏ္ဍိုင် ဝေလာဝေး။

သိပ်မကြာခင် သန်းရွှေမိသားစုကို ကာကွယ်လိုသဖြင့် တပ်မတော်ကပင် နိုင်ငံတော်ကာကွယ်လိုမှုဥပဒေဖြင့် သန်းရွှေမိသားစုကို ဖမ်းဆီးရလိမ့်မည်ဖြစ်သည်။ ဤကားအစဉ်အလာတည်း။ ဗိုလ်ချုပ်အောင်ဆန်းကို ပြစ်မှားပြီး မိမိကိုယ်ကို တပ်မတော်၏ဖခင်အဖြစ် သွေးနားထင်ရောက်သူမှန်သမျှသည် ခွေးသေဝက်သေ သေရမည်မလွဲဧကန်တည်း။

သို့သော် သူတောင်းစားဘဝမှ ခိုးသားဓါးပြ၊ ထိုဘဝမှ ခွေးတိရစ္ဆာန်ဘဝသို့ ရောက်နေသော တပ်မတော် ကိုယ်နှိုက်ကလည်း ဘာမျှအသုံးမကျ အဖေရင်းကိုလည်းမသိ၊ မကျွေးလျှင်မစားရ၊ ခိုင်းတာလုပ်ဘဝတွင် တဝဲလည်လည်ဖြစ်နေ၏။ လူလည်ကြီးများကမူ တိုင်းပြည်၏သယံဇာတကို အကြီးအကျယ်ခိုးဝှက်ပြီး ဘုရားလက်ထက်ကတည်းက ချမ်းသာခဲ့သလိုလို ဂုဏ်ယူမောက်မာနေကြသည်။

သတ္တိဗျတ္တိရှိသော စစ်သည်တော်တဦးဦးက အာဏာရှင်ဗိုလ်သန်းရွှေ၏ ခေါင်းကို တချက်တည်းဖြတ်လိုက်လျှင် နတ်လူသာဓုခေါ်ကြမည်ဖြစ်၏။ သို့ဖြစ်လျှင် မစ္စတာဘန်ကီမွန်းကလည်း ခက်ခက်ခဲခဲ ဗီဇာလျှောက်စရာမလို၊ အေးအေးဆေးဆေး စီးပွားရေးပေါင်းလုပ်ရုံသာဖြစ်သည်။ တိရစ္ဆန်တကောင် တဇာတ်သိမ်းလေ၊ လူ့တန်ဖိုးနှင့် နီးစပ်လေမဟုတ်လော။

ကျွန်ုပ်တို့၏စာတမ်းအသစ်ကို လူကြိုက်များလာ၏။ ကြည့်ရှုသူများပြားလာ၏။ တချို့လူများဓါတ်ပုံလာရိုက်ကြ၏။ တချို့လူများ စာတမ်းရှေ့တွင် ဓါတ်ပုံအရိုက်ခံကြသည်။ နေ့လည် (၁၂)နာရီထိုးပြီးသော် တောင်ငူမြို့ လူ့ဘောင်သစ်ပါတီမှ ကိုဝင်းခိုင် ရောက်လာသည်။ နေ့တိုင်းလာအားပေးမည်ဟုဆိုသည်။ စက်မှုကျောင်းသား တဦးဖြစ်၏။


မွန်းလွဲ (၁)နာရီတွင် မစန္ဒီရောက်လာသည်။ ရှေးမနှောင်းပင် တရုပ်အဖွဲ့လည်းရောက်လာသည်။ တရုပ် ဒီမိုကရေစီအဖွဲ့ပင်ဖြစ်၏။ တရုပ်ဘာသာဖြင့် အော်ဟစ်ဆန္ဒပြနေကြသည်။ ညနေ (၄)နာရီတွင် ကိုမိုးချမ်း ရောက်လာသည်။ ကျွန်ုပ်တို့၏လက်ကမ်းစာစောင်ကို ကူးပြီးလာပို့ခြင်းဖြစ်သည်။ သူ့သူငယ်ချင်း တိဘက်တဦး လည်း ရောက်လာ၏။ မြန်မာပြည်အကြောင်းရုပ်ရှင်မှတမ်းရိုက်ထားသည့်အကြောင်းကို လာပြောပြပါသည်။

ကိုမင်းဆန်းမင်း၏မိတ်ဆွေ ဦးသန်းတင် ရောက်လာပါသည်။ အမေရိကသို့ရောက်နေသည်မှာ နှစ်ပေါင်း (၅ဝ) ကျော်ပြီဖြစ်သည်။ ဦးနုလက်ထက်ကတည်းက အင်ဂျင်နီယာပညာတော်သင်အဖြစ်ရောက်လာ၏။ ဦးနေဝင်းအာဏာသိမ်းလိုက်ရာ စေတနာကိုရိပ်မိသဖြင့် ထိုကတည်းက တိုင်းပြည်သို့မပြန်တော့ခြင်းဖြစ်သည်။ အသက် (၇၇)နှစ်ရှိပြီဖြစ်၏။ လမ်းလျှောက်တုန်းပင်။ အင်္ဂလိပ်ဘာသာဖြင့် မြန်မာပြည်အကြောင်း စာပေ ရေးသားနေသူတဦးလည်းဖြစ်သည်။ ဆန္ဒပြအဖွဲ့အတွက် အလှူငွေ ပံ့ပိုးပါသည်။ ချော့ကလက်တထုပ်လည်း အဆာပြေစားရန်ပေးခဲ့၏။ အတော်ကြာကြာစကားပြောပါသည်။

နယူးယောက်မှ ကိုနေလင်းလည်းရောက်လာ၏။ ဘားမားပွိုင့်တွင် ဆောင်ရွက်နေသူတဦးဖြစ်ပါသည်။ အစာငတ်ခံဆန္ဒပြခြင်း စတင်မည့် စက်တင်ဘာလ (၁၈) ရက်နေ့တွင် လူစုံမည်ဟု ယူဆရပါသည်။ ညနေ (၆) နာရီတွင် သိမ်းလိုက်ကြသည်။

ဆန္ဒပြရဲဘော်တဦးတင်ပြသည်။

ထိုင်သပိတ် ၆ ရက်မြောက် 6th day of Demonstaration at the front of UN Building

ထိုင်သပိတ် (၆) ရက်မြောက်

စက်တင်ဘာလ (၁၄) ရက်၊ ၂ဝဝ၉

နံနက် (၉)နာရီတွင် သပိတ်စခန်းဖြစ်သော ဒတ်ဟမ်းမားရိုးပန်းခြံသို့ ရောက်ရှိသည်။ ရာသီဥတုသည် ကြည်လင် လျက်ရှိ၏။ လောကသည် သူ့အလုပ် သူလုပ်လျက်။ ပရိယေသန ကိုယ့်ဝမ်းကိုယ်ကျောင်း၍ လည်းကောင်း၊ သားကျွေးမှု၊ မယားကျွေးမှုကိုလည်းကောင်း၊ တိုင်းပြည်ကပေးအပ်လိုက်သော တာဝန်ကိုလည်းကောင်း၊ အဖွဲ့အစည်း၏တာဝန်ကိုလည်းကောင်း အသီးသီးဆောင်ရွက်လျက် ရှိကုန်၏။

ရဲဘော်သိန်းစိန်ကလည်း သန်းရွှေဂိုဏ်းက ပေးအပ်လိုက်သောတာဝန်ကို ဆောင်ရွက်ရန်လာမည်ဟု ကြားရသည်။ ကျန်းမာရေး၊ ပညာရေး၊ လူ့အခွင့်အရေး၊ စားနပ်ရိက္ခာ၊ လူနေမှုအဆင့်အတန်း စသည်တို့သည် မြန်မာနိုင်ငံတွင် မကြုံဖူးလောက်အောင် တိုးတက်နေကြောင်း လာပြောပုံရသည်။

နိုင်ငံရေးအကျဉ်းသားလုံးဝမရှိ၊ ဒုက္ခသည်မရှိ၊ အုံကြွမှုမရှိသော မြန်မာနိုင်ငံတွင် ခွေးများ၊ စစ်သားများ၊ အကျဉ်းထောင်များသည်လည်း တခါဖူးမျှ မကြုံဖူးလောက်အောင် များပြားလာကြောင်းကိုလည်း ထပ်ဆင့်ပြောပြဖို့လိုလိမ့်မည်။ တဖြည်းဖြည်းနှင့် ကျတ်ကုန်းသန်းရွှေနေပြည်ကိုလည်း အကျဉ်းထောင်အဖြစ် ပြောင်းလဲရန် အစီအစဉ်ရှိကြောင်း တင်ပြရလိမ့်မည်။

သန်းရွှေအဖွဲ့နှင့် ကြံ့ဖွတ်အဖွဲ့သည် ၉၉ ဒသမ ၉၉ ရာခိုင်နှုန်း ထောက်ခံမှုရရှိပြီး၊ အောင်မြင်နေကြောင်း၊ အဆိုပြုသူကအဆိုပြု၊ ထောက်ခံသူကထောက်ခံပြီး၊ ဥက္ကဌကြီးနှင့် အဖွဲ့သည် လိုအပ်သည်များကို မှာကြားပြီး ပြန်လည်ထွက်ခွာသွား၍ ရမည့်နေရာမဟုတ်။ နိုင်ငံတကာ ကုလ အသိုင်းအဝိုင်းတွင် မြန်မာပြည်မှ စစ်ဓါးပြအုပ်စုကိုလည်းကောင်း၊ ထိုတမန်ကိုလည်းကောင်း ခွေးတကောင်လောက်ပင် သဘောထားသည် မဟုတ်။ ရှက်စရာကောင်းလှသည်။ ဒင်းတို့ခမြာလည်း တနှစ်တခါ လာပြီး အဆဲဆိုခံနေရသည်မှာ ကျိန်စာသင့်နေခြင်းပင်ဖြစ်သည်။ ဦးသန့်ကဲ့သို့ လူရိုသေရှင်ရိုသေဖြစ်ချင်လျှင် မနာလိုနေရုံဖြင့်မပြီး၊ လူလိုလုပ်ဖို့လိုသည်။

ခွေးထက်ယုတ်ညံ့သော သန်းရွှေဂိုဏ်းသည် ယခုအခါ ကိုယ့်ဇာတ်ကိုယ်မနိုင်တော့ဘဲ သူတောင်းစား ရွေးကောက်ပွဲနှင့် အသုံးလုံးမတက်ရသေးသောအခြေခံဥပဒေကို ဘေးကျပ်နံကျပ်ဖြစ်ပြီး ဘယ်အမှိုက်ပုံးထဲ သွားထည့်ရမှန်းမသိဖြစ်နေသည်။

အမျိုးသားခေါင်းဆောင် ဒေါ်အောင်ဆန်းစုကြည်ကိုလည်း လွတ်ပေးရန်သတ္တိမရှိ၊ နိုင်ငံရေးခေါင်းဆောင်များ ကိုလည်း လွတ်မပေးချင်၊ တရုပ်နှင့်လည်း ပြဿနာမတက်ချင်၊ အမေရိကန်နှင့်လည်း ပလဲနံသင့်ချင်၊ ငါဟဲ့ အာဏာရှင်ဟုလည်းပြချင်နှင့် သန်းရွှေနှင့် သပွတ်အူ လုံးလည်လိုက်ပြီး ရူးကြောင်ကြောင်ဖြစ်လာသဖြင့် စင်ကာပူနိုင်ငံတွင် ပါရာစီတမော့ သွားရှောနရလိမ့်မည်။

(၁၁) နာရီထိုးရန် (၁၅) မိနစ်အလိုတွင် အာဏာရှင်များကို လားပင်စင်ပေးမည့် မိတ်ဆွေတရုပ်လည်း ဆိုင်းဘုတ်ကလေးကိုင်၍ ရောက်လာပါသည်။ (၁၁) နာရီထိုးပြီးနောက် ပန်းစည်းပေးသော အဖွားကြီးသည် ပန်းစည်းအသစ် ပန်းအိုးအသစ်ကို ယူလာပြီး ကိုယ်တိုင်ရေသွားယူကာ အသစ်လဲပါသည်။ အင်းလေးလွယ်အိတ် အဟောင်းကလေးတလုံးကိုလည်း ပြသပါသည်။ လွယ်အိတ်သည် ကြိုးမရှိတော့ပါ။ ၁၉၇ဝ ခုနှစ်ကတည်းက ဆောင်ခဲ့ခြင်းဖြစ်သည်။ ရှေးဟောင်းပစ္စည်းဖြစ်နေပြီ။ မြန်မာလူမျိုးတို့အပေါ် သံယောဇဉ်ရှိလှပါသည်။

ယနေ့သည်လည်း ခါတိုင်းနေ့များကဲ့သို့ မေးမြန်းသူများ၊ လက်မှတ်ထိုးပေးသူများရှိပါသည်။ နေ့လည်ရုံးအား ချိန်တွင် မစန္ဒီရောက်လာပြီး အချဉ်ထုပ်လေးများပေးသွားပါသည်။ ငုတ်တုပ်အိပ်ငိုက်နေရာ များစွာ အဆင်ပြေသွားပါသည်။ (မကဒတ) မြောက်ပိုင်းမှ ကိုကျော်ကျော်လွင် ခဏရောက်လာပါသည်။ (၁၈) ရက်နေ့တွင် ရောက်လာကြမည်ဆို၏။ မွန်းလွဲ (၂) နာရီထိုးခါနီး နယူးယောက်မြို့၊ ကွင်းစ် မှ ကိုဇော် ရောက်လာ သည်။ မုန့်များလည်း အဆာပြေစားရန်ယူလာပေး၏။

(၁၈) ရက်နေ့တွင် နယူးယောက်မြို့၌ ဆန္ဒပြပွဲအမျိုးမျိုးရှိနိုင်သည်။ မြို့အသီးသီးမှလည်း လာကြမည်ဟု ယူဆရ ၏။ မနက်ဖြန်တွင် ကုလသမဂ္ဂအစည်းအဝေးသည် စတင်တော့မည်ဖြစ်ရာ နိုင်ငံတကာ ဆန္ဒပြအဖွဲ့များကလည်း ရောက်လာကြတော့မည်ဖြစ်သည်။ ထိုနေ့မျိုးတွင် ကုလအဆောက်အဦဝန်းကျင်၌ လူမျိုးပေါင်းရောင်စုံတို့သည် ကြက်ပျံမကျ စည်ကားလှ၏။

ဆက်လက်တင်ပြပါဦးမည်။
ဆန္ဒပြရဲဘော်တဦးတင်ပြသည်။

ကြေညာချက် ၆/၂၀၀၉ Statement No. 6/2009

Statement_6/2009

၅ ရက်မြောက် ထိုင်သပိတ် 5th day of Demonstration at the front of UN Building

ထိုင်သပိတ် (၅) ရက်မြောက်

စက်တင်ဘာလ (၁၃) ရက်၊ ၂ဝဝ၉

နံနက် (၈)နာရီတွင် ပန်းခြံသို့ရောက်ရှိသည်။ တနင်္ဂနွေနေ့ဖြစ်သောကြောင့်ထင်သည် ဘရုကလင်းမှ မင်ဟက်တန် တကြောလုံးရှင်းလင်းလှ၏။ နေသည် အံ့သြဖွယ်ရာကောင်းလောက်အောင် သာလျက်ရှိ၏။ ဤနေ့သည် UN ရပ်ကွက်တွင် ပထမဆုံးနေသာသောနေ့ဖြစ်လေ၏။

ယမန်နေ့ တိုင်ဝမ်အဖွဲ့နှင့် မိတ်ဆွေဖြစ်နေစဉ် ဘရုကလင်း၌နေထိုင်သူ တိုင်ဝမ်တဦးကလည်း လာရောက် မိတ်ဖွဲ့စကားစမြည်ပြောပြီးလျှင် သူ၏ကဒ်ပြားကိုပေးသွားသည်။ အမည်မှာ Wayne Ko ဖြစ်၏။ International Public Relation အဖွဲ့မှ ဖြစ်ပါသည်။ မြန်မာ့အရေးဆန္ဒလာပြသူ ကျွန်ုပ်တို့ (၅) ဦးသာ ရှိသလော၊ လိုအပ်ပါက နယူးယောက်မြို့ရှိမြန်မာလူမျိုးများကို ဆက်သွယ်ပေးမည်ဟုဆိုပါသည်။

ကျွန်ုပ်တို့တွင် နယူးယောက်မြို့တော်နေ မြန်မာမိတ်ဆွေ အလုံးအရင်းရှိကြောင်း၊ အခါအားလျော်စွာ လာကြ ကြောင်းကို ပြောပြရသည်။ ကိစ္စတစုံတရာရှိပါက သူ့ထံဆက်သွယ်ရန်ပြောဆိုသည်။

ယနေ့သည် ထူးထူးခြားခြား နေပူသောနေ့ဖြစ်သကဲ့သို့ လေကလည်းငြိမ်နေသဖြင့် ပိုစတာများ၊ အလံများကို လိုက်ကောက်စရာမလိုတော့ပေ။ အင်မတန်မှ ဣနြေ္ဒရှိရှိဖြစ်၏။ ရုံးပိတ်ရက်ဖြစ်သောကြောင့် လူသွားလူလာ နည်းပါးလှသည်။

(၁၁) နာရီတွင် ပုဂ္ဂိုလ်တဦးရောက်လာ၏။ မြန်မာပြည်အကြောင်းဆွေးနွေးပြောဆိုသည်။ မြန်မာပြည် အကြောင်း၊ နောက်ဆုံးအခြေအနေ စသည်တို့ကို သိသူဖြစ်၏။ လက်မှတ်လည်းထိုးပေးပါသည်။ မြန်မာပြည်သို့ ၂ဝဝ၃ ခုနှစ်တွင်ရောက်ဖူးသူဖြစ်ပါ၏။ မြန်မာလူငယ်အများစု၏အဆိုအရ တိုးရစ်လုပ်ငန်းသည် စစ်ဓါးပြတို့ကို ဝင်ငွေရစေသောကြောင့် မြန်မာပြည်သို့ နိုင်ငံခြားသားများ မသွားသင့်ဟု ဆိုပါ၏။

မိမိ၏အမြင်ကို မေးပါသည်။ ကိုယ်ပိုင်မျက်လုံးဖြင့် မြင်ရသောဒုက္ခကို သိစေလိုသဖြင့် ဥပမာ မြန်မာပြည်တွင် ဆန္ဒပြနေချိန် စစ်အုပ်စုတို့က သတ်ဖြတ်နေချိန်တွင် အားလုံးသွားသင့်ပါသည်။ စင်ကာပူ၊ မလေးရှား၊ ကိုးရီးယား၊ ဟောင်ကောင် အပါအဝင်၊ ဂျပန်၊ အင်္ဂလန်၊ အမေရိက စသောနိုင်ငံများတွင် အလုပ်လာလုပ်ကိုင် နေသူ မြန်မာလူမျိုးများပါ သွားသင့်ကြသည်။

အဘယ်ကြောင့် သူတပါးနိုင်ငံတွင် ငွေလာရှာနရသနည်းဆိုသောအချက်သည်လည်း ရှင်းရှင်းလင်းလင်းနှင့် လေးလေးနက်နက် သိရှိသွားနိုင်သည်မဟုတ်လော။ စစ်အုပ်စု၏ တရားမဲ့ပုံကိုလည်း အသိအမှတ်ပြု သွားနိုင်သည်မဟုတ်ပါလော။ သဘာဝပတ်ဝန်းကျင်စကားနှင့်ဆိုသော် ကမ္ဘာကြီး၏ မည်သည့်နေရာ မည်သည့် အစိပ်အပိုင်းကိုဖြစ်စေ ဖျက်ဆီးလျှင် ကမ္ဘာကြီးကိုဖျက်ဆီးသည်သာဖြစ်၏။ ဂျပန်သတင်းထောက် အသတ် ခံရစဉ်က ဂျပန်ကလည်းစိတ်ညစ်သွားလေသည်။ သိပ်မကြာသေးခင်က ကိုးကန့်နယ်ကို ပြဿနာရှာလိုက်ရာ ပီကင်းတရုပ်က ဒေါသထွက်သွားလေသည်။ မှန်ပါသည် စစ်ဓါးပြတို့သည် ခွဲခြားခွဲခြား ဒုက္ခပေးသူ များမဟုတ်ပါ။

မိတ်ဆွေက ဆက်လက်ဆွေးနွေးပါသည်။ ဖွတ်ကျားနိုင်ငံကလေးတခုသည် အဘယ်ရန်သူရှိသဖြင့် ညုကလီးယားလက်နက်ပိုင်ဆိုင်ရန်လိုအပ်သနည်း ဟုဆို၏။ ထိုလက်နက်ရှိသဖြင့် ကမ္ဘာက အလေးဂရုပြုမှုကို ခံလိုပုံရသည်ဟု သူက ယူဆသည်။ ကျွန်ုပ်၏အမြင်တွင် အသံကြောင့်ဖားသေသည်ကို စစ်ဓါးပြတို့ ကြားဖူးနားဝ ရှိဟန်မတူ။

ဝရဇိန်လက်နက်ကို ဗြဟ္မာကသာ ပိုင်သည်ကို သဘောပေါက်သင့်သည်။ သူတောင်းစားက ပိုင်လျှင် မည်သို့မျှ ကာာရန်မစပ်ဖြစ်နေလိမ့်မည်။ သူတောင်းစားသည် အမျိုးဂုဏ်ကို စောင့်ရှောက်သောအားဖြင့် ခွက်စုတ်ကိုသာ ပိုင်သင့်သည်မဟုတ်လော။ ဤသို့ဆိုခြင်းအားဖြင့် အမေရိကန်ကို အဖေခေါ်ပြီး ကိုယ့်လူမျိုးကို သူတောင်းစား နှင့် နှိုင်းနေသည်မဟုတ်ပါ။

ထမင်းရေကို လုသောက်နေရသောဘဝများ၊ ဆေးရုံဆေးခန်းမပြနိုင်သဖြင့် လူ့သက်တမ်း တိုနေရေသော ဘဝများအတွက် ထမင်းနပ်မှန်အောင်ပင် စွမ်းဆောင်ပေးခြင်းမရှိပါဘဲလျက်၊ ပိုဆိုးသည်မှာ ဒုက္ခသည် ပစ္စည်းကိုပင် စစ်အာဏာပိုင်နှင့် အပေါင်းအပါတို့က ခိုးဝှက်လုယူနေသောတိုင်းပြည်မျိုးတွင် ထမင်းရေ ဝဝ လင်လင်ရရှိအောင် အရင်မလုပ်ဘဲနှင့် ညုကလီးယားလက်နက်ကို ပိုင်ဆိုင်သင့်ပါသလော။

လူငယ်တဦးရောက်လာပါသည်။ ရဲဘော်များနှင့် စကားပြောဆိုဆွေးနွေးနေသည်မှာ (၂) နာရီခန့် ကြာမြင့်သွား သည်။ အင်မတန်မှ ပြောဆိုနိုင်သူဖြစ်၏။ ဆိုးတော့မဆိုးပါ။ သို့မဟုတ်ပါက ငုတ်တုတ်ထိုင်နေရကိန်း ရှိသည်မဟုတ်လော။ လက်မှတ်လည်းထိုးပေးပါ၏။ မည်သို့ဆိုစေ ကျေးဇူးတင်ရပါမည်။ မြန်မာ့အရေးကို သိသော စိတ်ဝင်စားသော အကြောင်းသည်ပင်လျှင် အမေရိကတလွှား၌ရှိကြသော မြန်မာ့အရေးဆိုင်ရာ အဖွဲ့အစည်းပေါင်း သောင်းခြောက်ထောင်၏ အလုပ်ပင်မဟုတ်လော။

တရုပ်လူမျိုးတဦးရောက်လာပါသည်။ ဆိုင်းဘုတ်ခပ်ငယ်ငယ်တခုလည်းကိုင်ဆောင်လာပါ၏။ ကျွန်ုပ်တို့ခရီးရှည်အဖွဲ့ရှိရာတွင် သူ၏ဆိုင်းဘုတ်ကလေးကို ထောင်ပါသည်။ တရုပ်လိုရေးထားပါ၏။ ရဲဘော်မောင်မောင်တိတ်နှင့် တရုပ်ဘာသာဖြင့် စကားအနည်းငယ်ပြောဆိုနေကြပါသည်။ ဆိုင်းဘုတ်ကို မည်သည့်အဓိပ္ပါယ်နည်းဟုမေးရာ ထိုသူကလည်း အင်္ဂလိပ်လိုမရှင်းတတ်သဖြင့် သူ၏သူငယ်ချင်းကို ဖုန်းဆက် ပြီး ဘာသာပြန်စေ၏။

အဓိပ္ပါယ်မှာ ကွန်မြူနစ်နှင့် စစ်အာဏာရှင်အပေါင်းတို့ကို ကမ္ဘာ့စစ်ခုံရုံးသို့တင်ပေးပါဟူ၏။ သို့ဖြင့် ဆိုင်းဘုတ် ကလေးကို ထောင်ထား၏။ မကြာခင်ပင် ကုလသမဂ္ဂတံဆိပ်ပါသော အိတ်ကလေးများကို ကိုင်ထားသော တရုပ် အဖွဲ့တဖွဲ့သည် အရှေ့မှဖြတ်သွားရာ ကျွန်ုပ်တို့အဖွဲ့ကို လေ့လာနေ၏။ ခေါင်းဆောင်လုပ်သူကိုကား မျက်မှန်း တမ်းမိပါသည်။ တရုပ်စာနှင့်ဆိုင်းဘုတ်ကိုတွေ့သော် တချက်တန့်သွားပြီးလျှင် တချိုးတည်းဒိုးတော့၏။ မိတ်ဆွေတရုပ်ကို ကြည့်လိုက်ရာ ခါးတွင်လက်ထောက်ပြီး ဘုကြည့်ကြည့်နေသည်ကိုတွေ့ရ၏။ ကျောင်းတော် ကရန်စများ ဖြစ်ပုံရသည်။

ရေနွေးကြမ်းဓါတ်ဗူးပေးသော အဖွားကြီးလည်းရောက်လာပါသည်။ နေ့တိုင်းလာအားပေးသူဖြစ်ပါ၏။ အဖွားကြီး၏ လွယ်အိတ်ကလေးတွင် ဗုဒ္ဓပုံတော်နှင့် တိဘက်တံဆိပ်များတပ်ထားပါသည်။ ဖော်ရွေလှသော အမျိုးသမီးကြီးဖြစ်ပါသည်။ ညနေ (၄) နာရီခွဲတွင် ယနေ့သိမ်းလိုက်ကြသည်။ အကြောင်းမှာ သာသနာ့ဥသျှောင် ကျောင်းဆရာတော်က ဖိတ်ထားသဖြင့် သွားကြမည်ဖြစ်၏။ Queens သို့ပထမသွားပြီးမှ ဦးဝင်းရှိန်မောင်က ဥသျှောင်ကျောင်းရှိသော Apartment သို့ လိုက်ပို့ပါသည်။

ဘုန်းကြီးကျောင်းသို့ရောက်သော် စည်ကားသိုက်မြိုက်နေသည်ကို တွေ့ရသည်။ အလှူ သို့မဟုတ် တခုခုရှိပုံရ၏။ ကျွန်ုပ်တို့အဖွဲ့ကို ကြံဖန်ထမင်းကျွေးကြပါသည်။ ဆရာကြီးမောင်စွမ်းရည်လည်းရောက်နေသည်။ စာရေးဆရာ ရွှေပြည်စိုးလည်းရှိပါ၏။ ဘုန်းကြီးကျောင်းရောက်သော် ရိက္ခာကိစ္စအဆင်ပြေသွားလေသည်။ ကိုကြည်မင်းနှင့် မချောစု၊ ကိုလေးနှင့် မအာယီး၊ ကိုမိုးချမ်းနှင့် မမေစန္ဒာ၊ ကိုအောင်နှင့် မမြတ်မြတ်စိုး၊ သားမောင်အောင်မင်းစိုး တို့က ဟင်းအမျိုးမျိုးကို ချက်ပြုတ်ပြီး ကျွန်ုပ်တို့ဆန္ဒပြအဖွဲ့အတွက် ယူလာကြပါသည်။

သာသနာ့ဥသျှောင်အဖွဲ့မှ လောလောဆယ် ငွေ (၃ဝဝ)၊ ဘားမားပွိုင့်အဖွဲ့မှငွေ (၂ဝဝ) ပံ့ပိုးပါသည်။ ဟင်းချက် ပေးသော မိတ်ဆွေများ၊ တခြားသောမိတ်ဆွေများကလည်း အလှူငွေထည့်ကြပါသည်။ တခြားကိစ္စများလည်း ကူညီပါ၏။ ယခုအခါကျွန်ုပ်တို့အဖွဲ့သည် ချမ်းသာသွားလေပြီ။ နယူးယောက်သို့ဝင်စကပင် ကိုမင်းဆန်းမင်း အိမ်သို့ရောက်ပြီးနောက် အိုးခွက်ပန်းကန်များ၊ တချို့သောရိက္ခာများနှင့် ဝယ်ခြမ်းရန် ငွေ (၄ဝ)ကို ကိုမင်းဆန်းမင်း၏ဇနီးဖြစ်သူ မရီရီခင်ကပေးလိုက်ပြီးဖြစ်ပါသည်။ ယခုအခါ ဆန်၊ ဆီ စသည်တို့နှင့်တကွ ချက်ပြုတ်ပြီး ဟင်းများပါရရှိရာ အဆင်ပြေပြီမဟုတ်လော။ အားလုံးကိုကျေးဇူးတင်ပါသည်။ ဒီမိုကရေစီတိုက်ပွဲ မုချအောင်ရမည်။

ဆန္ဒပြရဲဘော်တဦးတင်ပြသည်။