မိုင် ၉၀၀ ခရီးစဉ်၏ ၉ ရက်မြောက်နေ့ 9th day of 900 miles for Long March

Findlay မြို့ရောက်ပြီ
ဇွန်လ ၅ ရက်၊ ၂ဝဝ၉ (၉ ရက်မြောက်ခရီး)
Findlay မြို့  ပြဆိုင်းဘုတ်လေးပါ

ဒီနေ့အပူရှိန်မြင့်၏။ သို့သော် Gilboa ရွာမှ Findlay မြို့သို့အသွားလမ်းတွင် သစ်ပင်တောတန်းများရှိ၍ အဆင်ပြေလေ၏။ အရိပ်တွင် နားရင်းလျှောက်ရင်းဖြင့် ခရီးဆက်နေရ၏။ Gilboa ရွာမှထွက်ခွာပြီး ၂ နာရီခန့် အကြာ တောင်ယာစိုက်ခင်းများကို ဖြတ်သန်းချီတက်နေစဉ် တောင်ယာခင်းပိုင်ရှင်တဦးက ၄င်း၏ အိမ်ရှေ့မှ စောင့်၍ ကျွန်ုပ်တို့အား စိတ်ဝင်တစားမေးမြန်းပြီး ကုလသမဂ္ဂအထွေထွေအတွင်းရေးမှူးချုပ် ဘန်ကီမွန်းထံ ပေးပို့ မည့်စာတွင် လက်မှတ်ရေးထိုးလေ၏။ ကံကောင်းပါစေ၊ ဘုရားသခင်ကောင်းချီးပေးပါစေဟု လှိုက်လှိုက် လှဲလှဲဆုတောင်းပေးသည်။ ကျွန်ုပ်တို့ ၆ ဦးကိုလည်း ဓာတ်ပုံအမှတ်တရရိုက်၏။

ဒီကနေ့တွင် လက်ဝှေ့ရမ်းနှုတ်ဆက်သော အမေရိကန်အမြောက်အများကို ကြုံရလေ၏။ ခရီးသွားတချို့က ကားပေါ်မှ လက်မထောင်ပြကြသည်။ Findlay မြို့  ဧရိယာထဲရောက်တော့ The Courier သတင်းစာမှ သတင်း ထောက်အမျိုးသမီး Dana Ford က ကျွန်ုပ်တို့အဖွဲ့ကို County Road 139 တွင်စောင့်နေသည်။ မိုင်ပေါင်း ၉ဝဝ ခရီးရှည်ချီတက်ရခြင်းအကြောင်းနှင့် ဒေါ်အောင်ဆန်းစုကြည်၏ လက်ရှိအခြေအနေအား မေးမြန်းသည်။ ထို့နောက် ကျေးဇူးတင်စကားပြောပြီး အမေရိကန်ပြည်သူတို့ကို ပိုမိုသိရှိလာအောင် သတင်းနည်းပညာဖြင့် နှိုးဆော်ပေးမည်ဟု ပြောပြသွားလေ၏။ http://www.thecourier.com/ တွင် ဇွန်လ ၅၊ ၂ဝဝ၉ ရက်စွဲ၌ကြည့်ရှု့ နိုင်ပါသည်။

Gilboa ရွာမှ စတင်ခဲ့သည့် ဒီကနေ့ခရီးသည် ညနေ ၄ နာရီတွင် Findlay မြို့သို့ရောက်ရှိခဲ့ကြလေတော့၏။

သတင်းဓာတ်ပုံနှင့် တင်ပြသူ။ ။ ရဲဘော်ကျော်ထွန်း